قهوتنا على الانترنت
ابحث عن :  
النتائج 1 إلى 3 من 3
  1. #1

    افتراضي عشقت الليل عشان خاطر عنيكي السود



    عشقت الليل عشان خاطر عنيكي السود

    وشوفت الويل فى ليل بُعدك وأنا الموعود
    ياسمره دأنا بيكي حنين موجود
    ومن غيرك حزين ضايع ومالي وجود
    أنا عاشق سواد عنيكي
    ومش هنكر ومش مكسوف
    لأن هواكي يا سمره بيبعد عن طريقي الخوف
    أتوه لو كنتي تنسيني
    وأموت لو غبتي عن عيني
    قالولي الغرام ينقص
    قلتلهم غلط الغرام موجود
    ديه ويانا فى نفس العصر وساكنه بيت من العادي وماهى في قصر
    ضحكت وقلت ديه حكاية حبيبتي ساكنة جوايا
    أنا عاشق حروف تكتب معانيها
    وتسمعني ولو في الغربه أناديها
    عشان السمره نور عيني
    ياسمره مهما طال بُعدك أنا موجود
    عاشق الليل مستني شمس بكره تعود
    لجل ما تهلي ويئسرني سحر العيون السود
    ياسمره ضفايرك ليل ومتحني بغُنا مواويل
    سحرني نغمهم الهادي
    ومن حنينه دقت أنا الويل
    بوشك ضي قمرايه
    ولؤلؤ نوره ملكني
    بنور ضيك ياقمرايه
    يابختي أنا في عتمة الليل
    عشقتك أنا ياسمره وبقول فيكي المواويل
    عشان أنا منك راجل وواد أصيل
    متربي في عزك وشايل على كتافي مليون جميل
    ياسمره ياللي منك لوني
    شايلك أنا فى قلبي مهما عنك بعدوني
    عشقتك أنا يا سمره وعشقت جمال ليلك
    ولما بسرح فيكي بتمنى إني أجيلك
    بشوف الأرض والسما وبشوف نيلك
    وبشوف شعبك وبشوف طيرك
    ياسمره ياللي وخداني من عمري وحياتي وكل كياني
    مهما اتغربت وبعدت إنتي في قلبي مهما جرالي
    بحبك يا مصـــــــــــر
    وبحب سمار شعبك
    سهرانه يا مصر وبفكر فيكي
    سهران وبقول إمتى ألاقيكي
    من نيلك يا مصر أنا شربت وعلى ترابك وقفت
    شوفت فيكي الطفل بجماله وضحكته
    وشوفت فيكي الراجل بعزمه وكل همته
    بنوكي ووقفوا حموكي
    ومن دمهم روكي
    يا ما سنين عَدِت
    وكان فيكي العدو ناشر جنوده
    وقفوا ولادك بتحدي
    وبعزيمه وبإسرار حفظوكي
    عشان سمارك وسمار ولادك
    عشان نيلك وترابك وأمجادك
    عشانك يا سمره يا أم الضفاير السمره
    وقفوا ولادك ومازالو واقفين
    بحب ولادك ليكي ياسمره
    هيبقوا دايما متقدمين
    ماهما قالوا علينا بلاد ناميه
    هنفضل بردوا نحبك يا سمره

  2. #2
    تاريخ التسجيل
    30 - 5 - 2010
    ساكن في
    المنصورة
    المشاركات
    1,283
    مقالات المدونة
    1
    النوع : انثيEgypt الفريق المفضل  : الاهلي

    افتراضي

    جميلة اوى تسلم ايدك يا ابو الاحساس كلة قولى اية اخبارك واخبار الامورة شذا سلملي عليها كتير
    حلفتك بربي متجرحنى وجرحتنى وكانك جاى عشان تزلنى
    بعد الحب ممات وبعد مبقي الي فات زكريات فاضل اية علشان نعيش فاضل لنا اية غير دموع

    البحث على جميع مواضيع العضو دموع الاقمر

  3. #3

    افتراضي

    اقتباس المشاركة الأصلية كتبت بواسطة دموع الاقمر مشاهدة المشاركة
    جميلة اوى تسلم ايدك يا ابو الاحساس كلة قولى اية اخبارك واخبار الامورة شذا سلملي عليها كتير

    ربي يسلمك يا قموريه ياللي فاهم كل الاحاسيس
    وانا بخير وشذي وامها كلهم بخير

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©