مصر هى أمى .. ولا بتــــشتغــــلنى ؟؟؟

[H.E.S.H.A.M]

مصر هى امى

ولا بتشتغلني!!!?

انا ابنها وضناها

ولا ابن بالتبنى!!!?

بتفرق ليه مابينى

وبين اخويا الكبير

وتطلع ليه فى عينى

لجل ما يلبس حرير!!!?

وتقولى اصبر شوية

يا ضنايا يانور عنيا

امى بتضحك عليا

مانا شايف خير كتير

مش لاقى فى بلدى شقة

وامى تقولى الظروف

افطر واتغدى دقة

واللحمة للضيوف

واخويا ابن اللذينا

واخد فيللا فى مارينا

وبسين وكمان جنينة

وانا اسكت غصب عنى

ماهى امى بتشتغلنى

مش لاقى وظيفة ليا

اصرف منها واعيش

ومعنديش محسوبية

بالتالى دخلت جيش

واخويا حظه نار

وبيقبض بالدولار

امى بتديله كوسه

وتصدرلى الخيار

مصر هى امى

ولابتشتغلنى ؟!!

[Ali Pharouq Najar]

معاك ألف حق .......

[&!! Who's care&]

لا تعليييييييييييق

[فتى الإسلام]

بس في الأول والآخر مصر هي أمي

[♥بـونـبـونـايـه سـكـره♥]

بكد توبيك كامد كدا
و كلمات اكمد ب كتير بكد والله
بس ينقل ل قسم العام

[H.E.S.H.A.M]

بكد توبيك كامد كدا
و كلمات اكمد ب كتير بكد والله
بس ينقل ل قسم العام

اللى حضرتك تشوفيه
ومشكور على مروركم

[زءزء]

مصر بلد الخير وربنا ذكرها في القرآن يعني لازم تكون أم العالم كله طبعا كلماتك جميلة جدا جدا بس العيب مش في البلد العيب في اللي مسكوا البلد أبقي اكتب عنهم هما كمان عشان هما اللي المفروض نعتبهم مش مصر بس بجد كلمات جميلة جدا وربنا يوفقك

[اميره بلا وطن]

مصر ياابنى امك
مهما ضايقك كلامها
او فكرت تخاصمها
حترجع ليها تانى
لما الزمن يهدك
مايسيبك لو تعانى
وهتتغرب وتبعد
هتلاقى الحجر قاسى
كله ف حاله وناسى
ومحدش بيناديك
كله بيقسى عليك
وهترجع للمكان
بتقول ضاع الحنان
ضمينى يامصر انتى
ياامى ياحبيبتى



الاخ هشام
بصراحه كلام جميل والله
وانا مقتنعه بيه لانه هو فعلا الواقع
لكن برضو مش هنلاقى مكان احسن من هنا

[ابو احمد رزق]

جمال حرفك
وملامستك الواقع
أنساك
أن مصر هي الخير
مصر هي الحضارة
مصر هي التسامح
مصر مظلومه معانا
أو بالادق
مع حراميها
يوووووووووووووووووووه
أقصد مسؤليها
كلماتك جامده بجد
تسلم أخي الغالي
ويارب يارب يغير الواقع
الأليم بتاعنا