النقاب 15....

[دره]

السلام عليكم ورحمة الله وبركاته

تكملة لشبهة إن النقاب بدعة...
طب ده النقاب أولا: كان حجاب زوجات النبي صلى الله عليه وسلم وهؤلاء هم قدوتنا لنسير على دربهن
ثانيا: ايه اللى يجبر بنت أو فتاة أو امرأة إنها تبتدع في حاجة زى دى ؟

لأن المعروف عن النساء إن طباعهم بتميل إلى الزينة وإظهار المفاتن فاحنا جبلنا على كده!!
اتخلقنا كده بنحب نتزين !!
وده مصداقا لقوله تعالى:
"أَوَمَن يُنَشَّأُ فِي الْحِلْيَةِ وَهُوَ فِي الْخِصَامِ غَيْرُ مُبِينٍ 18 "من سورة الزخرف

لا وكمان ممكن تمشي لابسة أسود في أسود!!
لا وكمان ممكن تبقي لابسة ملحفة كبيـــــــــرة وطويــــــلة وتجرجر منها!
لا وهتاخد تريقة وإنتقادات وإنتقادات من كل اللى حواليها!
لا وممكن تتهم إنها تتبع أحدى الجماعات الإسلامية!
لا وتتهم بالتشدد والتطرف لمجرد أنها بتحاول تصلح أفكارها !
وممكن تفقد اصحاب كتير لها بعد لبسها النقاب!
لا وممكن إن كانت متزوجة زوجها يرفض ويقوم العائلة عليها!
وإن كانت مخطوبة ممكن خطيبها يرفض يقول لها أنا عايز أشوفك على طول !
وهتدخل في صراعات مع الأسرة والأهل(بالرغم من إننا بنادى بالهدوء في إقناعهم) !
ولو كان الأهل فيهم عنف وغلظة شوية ممكن يمنعوها من الخروج من البيت خالص : ولا تروحى كلية! ولا تشوفي صحابكِ! وتقعدى في البيت زى الخادمة!!
الخلاصة
يعنى موضوع لبسها النقاب ظاهره كده
"كله خسارة في خسارة"

لكن
بالرغم من كــــــل ده تلاقي بنات نفسها جدا جدا تلبس النقاب وتدعى ربنا وتبتهل له.. وتدعى لأهلها عشان يوافقوا
وتفرح جدا لإنتقاب واحدة من صاحباتها وممكن عينها تدمع وهى بتسلم عليها

طب بعد ده كلــــــه ايه اللى يخلى بنت تقدم بنفسها على خطوة النقاب والظاهر منه إنه يخالف هوى كل بنت طبيعية؟؟
وهو يتلخص في كلمة واحدة
(((رضا الله سبحانه وتعالى)))
وإبراء الذمة أمامه -سبحانه-...احنا مالناش دعوة ياربي بالعرى اللى بيحصل دلوقتى!
قال الله تعالى :
" وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ "[العنكبوت : 69]
وكما قلت من قبل إن الظاهر من لبس البنات للنقاب إنه
يخالف هوى كل بنت طبيعية!!
نفسها تلبس شيك...نفسها تلف الإيشارب اللفة الجديدة اللى كل البنات بتعملها وتلبس الموضة الجديدة زيها زى أى بنت وتلبس حجاب وتلفه spanish او...او...
يعنى انا ذهلت لما سمعت سيدة تقول لى
مين قال إن (عدم ابداء الزينة )من شروط الحجاب ؟؟!!!
إنا لله وإنا إليه راجعون !

هى دى فتنة زماننا البنت تبقي محجبة ولبسها محترم جدا لكن تتفتن من المظاهر اللى حواليها ويبتدى حجابها يقل
يعنى مثلا والكلام ده قريته على لسان بنات وناس اعرفهم شخصيا حولى
بنت تقول إنها كانت بتلبس خمار (عارفين شكل الخمار) مفيهوش أى زينة وفيه كل شروط الحجاب اللى ربنا أمرنا به
فأول ماطلعت موضة الخمار اللف وهو عبارة عن إيشارب سادة طويل وعريض على شكل مستطيل ابتدت تلبسه وسابت الخمار!
وفضلت ماشية به لحد ماطلعت موضة الإيشاربات الإيطالى-اللى شغالة في مصر الآن- المشجّرة والمنقوشة بألوانها الجميلة جدا جدا (ومحدش يقدر ينكر إن ألوانها جميلة وجذابة فعلا) وابتدت تلبسها وتركت الخمار !!
فهى دى بقي خطوات الشيطان اللى بنقول عليها.... يستدرجك واحدة واحدة
فهل ننصره ؟؟؟
بل عليه اللعنة!!! لازم نحاربه !!!
وهو مش هيسيبنا....فنقفل عليه مداخله ونتوكل على الله ونسأل الله الثبااااااات على دينه وأن يُصرِّف قلوبنا على طاعته

وجزاكم الله خيرا
السلام عليكم ورحمة الله وبركاته

[آيه محمد]

حبيبتى اسماء شكرا على كل المواضيع الجميله والمميزه بالنسبه للنقاب
وانا والحمد لله فى وسط عيله اغلبها ترتدى النقاب حتى اغلب البلد كده
يعنى الحمد لله مفيش حد بيتريق على حد ولا ينتقد حد
يعنى يمكن انا محظوظه بالنسبه لناس كتير ودى نعمه اشكر ربى عليها
اما بالنسبه للبنات اللى بتلاقى انتقادات وتريقه... ويصبرو.. فدول جزائهم كبير عند ربنا
وياريت ميسمعوش كلام حد ويحاولو يوضحلهم جمال النقاب بالراحه
وشكرا مرة تانيه حبيبتى ومعلش انا رغيت كتير

[دره]

الف شكر على كلامك الجميل وفعلا نسبه النساء المنتقابات فى زياده بس بردو النسبه اللى بتعايب مش كتير اوى بس كلامهم جارح جدا ربنا يعافينا يارب
وبعدين رغى ايه دانتى تفضلى تتكلمى وتتكلمى وانا هبقى مبسوطه حد يطول يشوف كلام من القمر اللى زيك

[معا لنصرة ديننا]

جزاكي ربي الجنة أختي الكريمة
وبارك الله في عمرك
وأسعد اله قلبك وأنار لكي الطريق دائما يارب العالمين
ربي يجعله في موازين حسناتك يارب العالمين

[دره]

جزانا واياك الخير وحسن الثواب
جزاك ربى الجنه
كل عام وانتم بخير جميعا

[الحريه]

موضوع رائع كاعاده اسماء

بس انا اعرف ناس كتير منتقبه ومش حد بيعايب عليهم

ولبس النقاب دلوقتى بئه شىء طبيعى مش غريبه

بارك الله فيكى اسماء وجعله فى ميزان حسناتك

ويارب يهدى كل المسلمات لطاعته

[دره]

موضوع رائع كاعاده اسماء

بس انا اعرف ناس كتير منتقبه ومش حد بيعايب عليهم

ولبس النقاب دلوقتى بئه شىء طبيعى مش غريبه

بارك الله فيكى اسماء وجعله فى ميزان حسناتك

ويارب يهدى كل المسلمات لطاعته

تسلميلى يا الحريه
فعلا النقاب نسبه اللى بيرتدوه فى زياده
بس ميمنعش ان بيبقى فى ضغط نفسى ومعامله وحشه اوى
او يمكن دا حصلى انا بس مش عارفه بس انا اعرف ناس منتقبه كتير اتهانوا اوى فى اول ارتدائهم ليه بس الحمد لله
وربنا يكرمك يارب

[هشام اللول1]

بارك الله فيكي وحفظك ورعاكي اسماء
وثبتك الله علي القول الحق
ونفسي فعلا اشوف كل بنات الامه الاسلاميه
منتقبات او حتي محجبات الحجاب الاسلاميه
لعل الله يهدي الامه
ونهدي من روعه فتننا

دمتي بخير وسعاده وصحه وراحه بال

[&!! Who's care&]

مشكورة يااختى على موضوع النقاب
جزاكى الله كل حير
وبارك فيكى

[دره]

بارك الله فيكي وحفظك ورعاكي اسماء
وثبتك الله علي القول الحق
ونفسي فعلا اشوف كل بنات الامه الاسلاميه
منتقبات او حتي محجبات الحجاب الاسلاميه
لعل الله يهدي الامه
ونهدي من روعه فتننا

دمتي بخير وسعاده وصحه وراحه بال

اللهم امين يارب
ربنا يكرمك يا هشام يا رب
يارب يصلح حال الجميع