مراتك والشغل

[mo7a26]

السلام عليكم ورحمة الله وبركاته

تتهم بعض الزوجات ازواجهن بانهم يحبون الشغل اكتر منهن وهذا صحيح تقريبا
عارفين ليه؟؟؟؟
1-الشغل بيصرف عليك..بس انت اللي بتصرف على مراتك
2-في الشغل ممكن تزعق براحتك وزعيقك يجيب نتيجة....
مع مراتك صعب تزعق براحتك ومهما زعقت مش هييجي بنتيجة
3-ممكن تزوغ من الشغل في اي وقت ومحدش ياخد باله او تلاقي حد يغطيك...
انما تزوغ من مراتك مستحيل
4-في الشغل عندك مدير ممكن ترضيه لو اشتغلت كويس....
انما مع مراتك عندك حماة مستحيل ترضيها مهما عملت
5-في الشغل ممكن تاخد اجازة ومن حقك رسميا 21 يوم اجازة في المناسبات الدينية والوطنية...
لكن صعب تاخد اجازة من مراتك بل ان الاجازة اللي بتاخدها من الشغل لازم تقضيها معاها
6-في الشغل ممكن تترقى وتاخد منصب ويبقى لك مكتب لوحدك...
لكن مع مراتك هتعيش زوج وتموت زوج والترقية الوحيدة اللي ممكن تديهالك لما تناديك بابو العيال
7-في الشغل لما تزهق منه ممكن تسيبه بسهولة...
انما تسيب مراتك حاجة مش سهلة
8-ممكن لما تسيب الشغل تسوي معاشك وتاخد مكافأة...
لما تسيب مراتك بتدفع لها انت المكافأة(مؤخر ونفقةو.....الخ)
9-ممكن تغير الشغل بسهولة لما تلاقي شغل احسن منه....
في حين انك طول الوقت بتقابل ستات احسن من مراتك بس ما بتقدرش تغيرها
10-في الشغل انت متأمن عليك عشان لو حصل لك حاجة.....
لو حصل لك حاجة مراتك هي اللي بتقبض التأمين


طبعا في ناس هتقول انه غريبه ابقىى بنت واكتب موضوع زي ده
هههههههههههههه
مش كل الناس ومش كل الستات نوعيات ونوعيات

يارب الموضوع يعجبكو
وياريت الاقي رد مش تطنشو

[فتى الإسلام]

والله عندك حق الشغل طبعاااااااااااااا
والزوجة دي ممكن نحايلها بكلمتين
توبيك جميل
دمتي طيبة

[mo7a26]

شكرا ليك
اسعدني مرورك

[البنت الجديده 1]

يا عسوله ليه كدا ليه مش قولتي ليه انك لما تتعب في الشغل مش هتلاقي اللي ياخد باله من منك
انما لما تتعب في البيت اكيد هتلاقي اللي يراعيك

[مونه]

أيوه كده شاطره خلى الشباب بقى
يقوموا علينا وإحنا ما صدقنا
إنهم سكتوا عننا شويه
بس بجد بجد توبيك رائع
جزاكى الله خيراً ياقمرايه
وحذارى تريقة الشباب

[ED GIEN]

مشكوره على الموضوع الجميل

مع انى مش متجوز

بس الشغل عمره ما حيقف جمبى لو مرضت

الشغل عمره ما حيسمعنى كلمه حلوه

الشغل عمره ما حيصبر عليا

الشغل عمره ما حيغفرلى لو غلطت

الشغل طول منا فيه انا فى تعب وارهاق

لكن مع مراتك او خطيبتك او حبيبت حتلاقى كل ده

حتلاقى راحه وكلمه حلوه وكل حاجه حلوه

ومش كل الستات والبنات طبعا


بس عمر الشغل ما يكون اهم من حبيبتك او مراتك

واللى بيعملو كده بصراحه انا بستغرب منهم

مشكوره على موضوعك مره تانيه

وتقبلى مرورى ...............

[هشام اللول1]

وشهد شاهد من اهله
بس المفروض المقارنه بين الزوجه والسجن
بس وقته مش هنلاقي مقارنه
وجه التشابه واحد


موضوع جميل موحا
بارك الله فيكي وحفظك

[thesniper_12007]

اختلف معك لول
الزوجة نبع الحنان الذي لا يضاهيه نبع في الوجود شرط التفاهم في مكان محدد ليس هو موضوعنا الآن ولكن إذا اندثر التفاهم بين الزوجين تحطمت كل كلمة جميلة وكل معنى للحب وفي هذه الحاله يكون الإعدام رميا بالرصاص في ميدان عام أرحم من الزواج هذا من خلال نظرتي المتواضعة عن الحياه
وفي المجمل هو موضوع جميل
تقبلي مروري

[Ali Pharouq Najar]

هههههههه
جميلة الفكرة ...
دمتم بود

[omaro]

طبعا مش هنستغرب لأنك بنت وكاتبه الموضوع
لأن الاعتراف بالحق فضيحة اقصد فضيله
تصدقى ان كلامك صح
شكرا يا موحه على موضوعك اللذيذ
ويارب دايما نشوفك معانا