بيشككونى فيكم ......" عايزه اعرف رايكم"

[دره]

بسم الله الرحمن الرحيم

السلام عليكم ورحمه الله وبركاته

طبعا مفيش شك انكو اكتر ناس بقضى وقتى معاهم وبجد وجودكم مهم اوى فى حياتى واثرتو فيه كتير من ناحيه التفكير والمعلومات اللى استفدت منكم بيها يعنى حصللى تغييرات فى حياتى حلوه من كلامكم عن مواضيع كتير والحمد لله بقيت اقوى من الاول بكتير

طبعا ممكن يكون الكلام لحد كده كويس اللى مش حلو بقى





انا ليا ناس قرايبى كتير حسين بالتغيير اللى فيا وسئلوا السبب ولما كانت اجابتى المنتدى وحبى ليكم واد ايه انا مفيش يوم يعدى عليا من غيركم

وانى بحبكم اوى وواثقه فيكم اوى ونفسى اشوفكم ونبقى مع بعض فى الجنه

اتقابل كلامى باستهتار واتهمونى انى هجيب المشاكل لنفسى وازاى ابقى واثقه فيكم للدرجه

وكلام بقى من نوع

انتى عرفتيهم من كلام مش معامله

تضمنى منين ان ميبقاش هما كذابين

وبعدين انتى لو اتجرحتى مش هتستحملى

وكلام من ده كتير

انا الحمد لله واثقه فيكم ورديت كتير بس انا عايزه اعرف رايكم ايه

ولو حد عنده رد مناسب يقوللى

اسفه لو كنت ضايقتم بمشاكلى



السلام عليكم ورحمه الله وبركاته

[فتى الإسلام]

كلام جميل يا اسماء
وعلى فكره دا بيحصل مع اغلبنا
وأهلنا بيقولوا كده من خوفهم علينا
وكمان من اللي بيسمعوه وكمان بيحصل كتير من وراء ستار النت
بس هقلك الواحد ممكن يعرف الشخص اللي قدامه
من طريقة كلامه من شخصيته من اسلوبه
وبجد انا فعلا اتعرفت على شخصيات جميلة في المنتدى ربنا يخليكم واكون عند حسن ظنكم
آسف على الاطالة
دمتي بخير

[ابو احمد رزق]

الفاضلة أسماء
أولا هنيئاً لكِ بأهلك
الذين يحرصون علي معرفة سبب تغير ما
ملحوظ في حياتك
والحمد لله انه للأفضل
أما عن خوفهم وكلامهم هذا طبيعي
في هذا الزمن فأنت حقا لا تعلمي شخصية من يحدثك الان أنا علي سبيل المثال
لا تعرفي هل هذا هو كلامي الطبيعي
أم كلام مزين ومزخرف لأنال به إعجابكم
ولكن مهما كان فلآمر مختلف
هنا يختلف الامر عن ما يسمي الشات
هنا نتناقش ونتحاورأمام الجميع
في قضايا وآراء وأفكار
ويوجد رقابة من رؤساء ومشرفين
أما اذا كان الامر يتمادي الي ما أبعد
فهو الخطر ذاته الذي يتحدثون عنه
الحوارات المنفردة لا تجوز شرعا ولا خلقا
وهي التي يحدث من خلالها مهاترات
وتجاوزات لا يرضي عنها الله جل وعلي
حفظنا الله جميعا من كل فتنه
وادام علينا ستره ورضاه
ورزقك الله الاخلاص في القول والعمل
ورزقك الزوج الصالح
أنت وسائر المسلمات

[A7med elsayed]

ضحكت فقالوا ألا تحتشم
بكيت فقالوا ألا تبتسم
بسمت فقالوا يرائى بها
عبست فقالوا بدا ما كتم
صمت فقالوا كليل اللسان
نطقت فقالوا كثير الكلام
حلمت فقالوا صنيع الجبانولو كان مقتدرا لانتقم
بسلت فقالوا لطيش بهوما كان مجترئا لو حكم
يقولون شذّ اذا قلت لا وإمعة حين وافقتهم
فأيقنت أنه لا يمكن ارضاء بنى ادم

وبعدين يا ستى مين فينا يقدر يجرحك
ويجرحك ازاى يعنى االحمد لله تعاملنا كله فى خلال الادب
يعنى لو حد نقدك باى كلمه دى عادى يعنى مش جرح
ولو حد كذب عليكى تقدرى بسهوله تتخلصى منه

فطالما انتى حاسه ان كدا احسن ومش بتعصى ربنا سيبك منهم

[ED GIEN]

يا أسماء انتى عارفه اننا كلنا بنحبك

وانتى عارفه اننا كلنا خوات

وبنفرح لفرح بعض وبنزعل لزعل بعض

وكلنا اخوات ................

والمنتدى اكيد يكون وحش من غيرك

المنتدى مينفعش من غير أسماء

[آية الرحمن]

اولا مشتقوليش اسفة دى تانى
علشان مشاكلك هى مشاكلنا
وبعدين انتى الى تقدرى تحكمى مش
هما انتى شوفتى حد فينا مش
محترم او حد فينا غلط احنا واللحمد
لله بنعامل بعض بكل احترام وكل ادب
وبنعتبر بعض اخوات واصحاب اى عضو
جديد بيسجل بنعتبرة بقى واحد من
عيلتنا الكبيرة ولو مش محترم بيخرج منها
واكيد انتى شوفتى دا بنفسك المدة
الى فاتت اكيد احنا مش ملايكة
واحنا بشر وبنخطأ بس الحمد لله بنعامل
بعض بكل احترام ولو انتى مش متأكدة
مننا اكيد مكنتيش هتفضلى معانا المدة دى
وبجد يا اسماء وربنا الى يعلم وانا هتكلم عن نفسى
مليش دعوة بحد والله انتو كلكم اكتر من اخواتى
وبتكلم عنكم كتير اوى مع اصحابى واهلى
ومرات خالى دخلت وسجلت فى المنتدى
وشافتكم واتأكدت انكم محترمين وانى عندى
حق اتعلق بيكم فأنتى ممكن تعملى كدة
خلى حد من اهلك دول يسجل ويشوف
يعرفنا على حقيقتنا وبعد كدة يتكلم عننا
لكن مينفعش يتكلم عننا من غير ما يعرفنا
تقبلى مرورى

[ELBRNSISA ESRAA]

انتى جميله يا اسماء وزى العسل والكلام دا اهلينا كلهم بيقولوا

[دره]

كلام جميل يا اسماء
وعلى فكره دا بيحصل مع اغلبنا
وأهلنا بيقولوا كده من خوفهم علينا
وكمان من اللي بيسمعوه وكمان بيحصل كتير من وراء ستار النت
بس هقلك الواحد ممكن يعرف الشخص اللي قدامه
من طريقة كلامه من شخصيته من اسلوبه
وبجد انا فعلا اتعرفت على شخصيات جميلة في المنتدى ربنا يخليكم واكون عند حسن ظنكم
آسف على الاطالة
دمتي بخير

الله يكرمك يا كريم يارب
والله انا عارفه ان من خوفهم عليا انا سعيده بكده بس لحد انهم خنقونى انى ازور حد فيهم علشان ميفتحوش الحوار ده معايا
المشكله انه وصلونى انى اتنرفز واقول محدش ليه دعوه بيه
وزعلو منى
طيب افهمهم ازاى
انا مقدرش مبقاش وسطكم
انا خلاص اول مبقرب من الجهاز اخواتى مبيقولوش الا مصراوى وصلت
ومش زعلانين منى بس تدخل قرايبى اللى يضايق
ربنا يخليك يا كريم يارب
ومتحرمش منكم ابدا

[دره]

الفاضلة أسماء
أولا هنيئاً لكِ بأهلك
الذين يحرصون علي معرفة سبب تغير ما
ملحوظ في حياتك
والحمد لله انه للأفضل
أما عن خوفهم وكلامهم هذا طبيعي
في هذا الزمن فأنت حقا لا تعلمي شخصية من يحدثك الان أنا علي سبيل المثال
لا تعرفي هل هذا هو كلامي الطبيعي
أم كلام مزين ومزخرف لأنال به إعجابكم
ولكن مهما كان فلآمر مختلف
هنا يختلف الامر عن ما يسمي الشات
هنا نتناقش ونتحاورأمام الجميع
في قضايا وآراء وأفكار
ويوجد رقابة من رؤساء ومشرفين
أما اذا كان الامر يتمادي الي ما أبعد
فهو الخطر ذاته الذي يتحدثون عنه
الحوارات المنفردة لا تجوز شرعا ولا خلقا
وهي التي يحدث من خلالها مهاترات
وتجاوزات لا يرضي عنها الله جل وعلي
حفظنا الله جميعا من كل فتنه
وادام علينا ستره ورضاه
ورزقك الله الاخلاص في القول والعمل
ورزقك الزوج الصالح
أنت وسائر المسلمات

والله يا ابو احمد انا واثقه ان الخوف طبيعى بس الضغط النفسى لما بشوفهم ويتكلموا هو اللى ضايقنى
انت عندك حق دى مواضيع وافكار بس مين يفهم كده
هما عندهم الخوف اللى يقتل انا بردو هكلمهم فى فكره انها مواضيع
ربنا يكرمك يارب
ويحفظلك ابنائك

[دره]

ضحكت فقالوا ألا تحتشم
بكيت فقالوا ألا تبتسم
بسمت فقالوا يرائى بها
عبست فقالوا بدا ما كتم
صمت فقالوا كليل اللسان
نطقت فقالوا كثير الكلام
حلمت فقالوا صنيع الجبانولو كان مقتدرا لانتقم
بسلت فقالوا لطيش بهوما كان مجترئا لو حكم
يقولون شذّ اذا قلت لا وإمعة حين وافقتهم
فأيقنت أنه لا يمكن ارضاء بنى ادم

وبعدين يا ستى مين فينا يقدر يجرحك
ويجرحك ازاى يعنى االحمد لله تعاملنا كله فى خلال الادب
يعنى لو حد نقدك باى كلمه دى عادى يعنى مش جرح
ولو حد كذب عليكى تقدرى بسهوله تتخلصى منه

فطالما انتى حاسه ان كدا احسن ومش بتعصى ربنا سيبك منهم

والله يا احمد انا مبيهمنيش كلام الناس طالما انى صح بس زى ما قلت الضغط بزياده
انا مبزعلش من النقد دا والله اللى يفرحنى
ولو حد كذب عليا اه انا هتخلص منه بس الفكره عندهم انى بتجرح بسهوله ممكن نفسيتى تتعب هما كلامهم على اساس انهم شافونى وقت جرحى من صحابى فمش عايزين الحكايه تتكرر
وربنا يعلم انى بحاول اريح نفسى من كلامهم
ربنا يطمنك يا احمد يارب