و فيها ايه لو اتاخرنا شويه؟ ارجو التفاعل مع الموضوع

[الكتكوتة]

واقف مستنى اصحابك فى الشارع بقالك ساعه و هما وصلوا خلاص و انت بتسال
انت: اتاخرتوا كده ليه؟
اصحابك و بكل برود و ابتسامه عريضه
اصحابك : و فيها ايه يا عم لو اتاخرنا شويه؟!


مستنى برنامج مهم على التلفزيون عشان هما جايبين ضيف مهم جدا تلاقى البث المباشر اتاخر اوى عشان الاستاذ الضيف اتاخر و تلاقى المذيع طالع باشراقه جميله جدا و بيقول
المذيع : ناسف للتاخير عشان ضيفنا العزيز اتاخر
الضيف بقى و بكل سعاده و ابتسامه جميييييييييييييله يقول
الضيف : و فيها ايه لو اتاخرنا شويه؟!

قاعد مستنى دورك فى مقابله مع رئيس عمل عشان انت عايز تتعين و مستنى تخلص و تمشى و بتسال السكرتيره
انت : هو فاضل كتير انا ورايا حاجات مهمه جدا ؟
السكرتيره طبعا و الرد المعروف السخيف
السكرتيره : احنا ورانا حاجه و فيها ايه لو اتاخرنا شويه؟!

خلاص يا جماعه احنا مش حاسيين انا احنا من كتر ما قلنا الكلمه دى و احنا اتاخرنا فعلا ايه اللى بيحصل هو الوقت مبقاش ليه عندنا قيمه و لا لزمه عند الناس ده احنا كنا مسابقين الغرب بسنين و فجاه كده وقفنا فى مكان محدود الاطار.
مش عايزين نقول هما عندهم ايه زياده عننا طب ما احنا عندنا تكنولوجيا زيهم تمام و عندنا صناعه و تلاقى المسئول الخطير اللى بيقول الكلام ده فى عقله" فين الصناعه و التكنولوجيا دى طب ما احنا لو عندنا تكنولوجى هيبقى في صناعه".
خلاص فات الاوان احنا محتاجين صاروخ عشان نلحق العالم دى.
احنا اهملنا الوقت و التفكير السليم نفسى نقدر نعمل حاجه نفسى نبطل كسل و نحترم المواعيد و نقدر بعض و نلغى الهمجيه.................يا ترى ممكن؟
الموضوع مش مجرد وقت ضاع و لا كده الموضوع اكبر من ضياع الوقت بكتيييييييييير



شكـــــــــــــــــــــــ را

[heshamm]

بصراحة الموضوع ممتاز وهادف جدآ انا اشكرك
قال رسول الله صلي الله عليه وسلم آية المنافق ثلاث اذا حدث كذب واذا اوعد اخلف واذا اؤتمن خان صدق رسول الله صلي الله عليه وسلم
اذا عملنا بكتاب الله وسنة رسول الله صلي الله عليه وسلم لكنا افضل شعوب الارض

[الكتكوتة]

بصراحة الموضوع ممتاز وهادف جدآ انا اشكرك
قال رسول الله صلي الله عليه وسلم آية المنافق ثلاث اذا حدث كذب واذا اوعد اخلف واذا اؤتمن خان صدق رسول الله صلي الله عليه وسلم
اذا عملنا بكتاب الله وسنة رسول الله صلي الله عليه وسلم لكنا افضل شعوب الارض

هو للاسف محدش بيعرف غلطه غير متاخر

[roro_rawan]

فعلا انا معاك جدا فى الموضوع دا
يا ريت نتغير
تقبل مرورى