هــــــــــــــــــــس !!! هتكلم عن أكتر حد بحبه فى الدنيا ..

[A7med elsayed]

السلام عليكم ورحمه الله
........

النهادرا أتكلم عن أيه ؟؟ عن أيه ؟؟
على فكره أنا لما أجى أكتب موضوع ساعات كتير مش بحضره
ساعات بحس إنى عايز أكتب فبفتح موضوع جديد وأكتب وأرغى وإنتوا عليكوا إنكوا تتحملونى
وعلى رأى هانى رمزى ربنا يهديه
" لو إنت ذكى أتحملك ... أجى على نفسى وأتحملك "

المهم بقى ندخل فى الموضوع

أيه رأيكوا نختار شخص واحد بس
هو أكتر حد بنحبه ونتكلم عنه ونحكى موقف لينا معاه ؟

سواء الشخص دا أى كان بس هو أكتر حد بنحبه

عموما أنا هبدأ عشان مفيش حد يبقى له حجه

هتكلم عن إنسانه بحبها أوى أوى
والله مقدرش أعيش من غيرها
هبقى جرئ وأقؤلكم على إسمها هى إسمها " نبيله "
وهى فعلا نبيله
مهما وصفت أد أيه أنا بحبها مش هقدر أعبر

بصراحه طيبه أوى , حنينه أوى , دمعتها قريبه جدا , عصبيه
وعنيــــــده جدا واللى فى دماغها لو مش عملته بتبقى هتجنن

المهم العسل دى بقى تبقى أمى
كنت دايما لما أجى من الجامعه أدخل براحه جدا وادخل وهى واقفه فى المطبخ وفجأه اقوم مصرخ
ويييييييييييييييييييييييي ييييييييييييييييييييييييي ييييييييييييياهههههه
علطول تقوم مصرخه ويا بن الجزمه يا.................. " بلاش ألفاظ مش كويسه "

بتحبنى أوى وأنا بموووت فيها لما قولت هختار اكتر حد بحبه من غير ما أفكر إخترتها هى

ساعات كتير كنت بزعلها ولما أحب أصالحها
أروحلها وأقولها أنا عايز فلوس
تلوى بوزها بقى وتقولى مفيش معايا امشى يالا من قدامى
اقوم ضاحك وبايسها واخد منها مش بقؤلكم طيبه جدا

هى مش عندها 48 سنه بس والله قمر " الغزال فى عين إبنه طاووس "

أنا بعيد عنها بقالى 6 شهور بس وحشتنى جدا جدا
يمكن أكتر حاجه وحشانى
إنى أنام على رجلها وتلعبلى فى شعرى هههه متضحكش ياد إنت وهى

كان لما ابويا يدخل ويشوفنى يقولى يا صغنن
ههههههه

انا لما بدخل الحمام بفضل كتير
المهم بقى تبقى هى قاعده فى الصاله اول ماجى ادخل تلاقيها تقوم تجرى وتدخل قبلى
يا وليه مانت قاعده حبكت دلوقتى بتعمل حسابها ههههههههه

كفايه كلام عنها بقى

هااااااااااا هتتكلموا عن أكتر حد بتحبوه ؟ ولا هتتكسفوا ؟؟

يمكن يكون أكتر حد بتحبه والدك
والدتك
أخوك
أختك
يمكن إرتباطك بعيلتك كويس اه بس مش لدرجه ان حد فيهم اكتر حد بتحبه
يمكن صديق
حبيب عوضك عن كل حاجه

........
إتكلموا وعيشوا وفضفضوا أحسن حاجه إنك متخفش من حاجه ولا تحط فى دماغك حاجه

مستينكوااااااااااااااا

[هشام اللول1]

ربنا يحفظ لك والدتك يا احمد ويقدرك انك تسعده وتعوضه تعبه معاك
ويحفظ لك كل احبابك يارب
موضوع جميل جدا فوق الوصف يا احمد
بس اخوك هشام

بس انت وحظك ممكن ارجع ليك تاني

بارك الله فيك وحفظك ورعاك
ولك كل الشكر والتقدير والاحترام

[آيه محمد]

ربنا يباركلك فى والدتك يارب
انا اكتر حد بحبه فى الدنيا دى بعد والدى الله يرحمه وامى الحبيبه ربنا يديها الصحه
هو زوجى الحبيب وبعدين اولادى ومتسئلونيش ازاى؟
لأن زوجى هو اكتر واحد بحبه فى الدنيا دى ربنا يدوم علينا السعاده يا رب

[A7med elsayed]

ربنا يحفظ لك والدتك يا احمد ويقدرك انك تسعده وتعوضه تعبه معاك
ويحفظ لك كل احبابك يارب
موضوع جميل جدا فوق الوصف يا احمد
بس اخوك هشام

بس انت وحظك ممكن ارجع ليك تاني

بارك الله فيك وحفظك ورعاك
ولك كل الشكر والتقدير والاحترام

ربنا يخليك يا لول
ومستنيك ياعم إنت تحكيلنا
مش معقول هنضيع فرصه زى دى

[A7med elsayed]

ربنا يباركلك فى والدتك يارب
انا اكتر حد بحبه فى الدنيا دى بعد والدى الله يرحمه وامى الحبيبه ربنا يديها الصحه
هو زوجى الحبيب وبعدين اولادى ومتسئلونيش ازاى؟
لأن زوجى هو اكتر واحد بحبه فى الدنيا دى ربنا يدوم علينا السعاده يا رب

ربنا يخليكى ويحفظلك زوجك ويحميه
ويارب دايما تكونوا فى سعاده وحب
ربنا يبارك فى عمرك
نورتى الموضوع

[&!! Who's care&]

موضوع حلو اوى
ربنا يخليلك والدتك
ومايحرمكش منها ابداااااااااااااااااااااا اااااا
؟؟؟؟؟؟؟؟؟ اعفينى من المشاركة
جزاك الله كل خير

[معا لنصرة ديننا]

ربي يحفظك يا أحمد ويبارك في عمرك يارب العالمين
لما أتكلم عن الأم لا أعرف أتكلم بجد والله يغيب كل الكلام عن ذهني
ربنا يحفظ أمهاتنا جميعا ويرزقهم الصحة والعافية يارب العالمين
كل عام وأنت بكل خير حبيبي أحمد