يا مسلم ليه تتهان.........؟؟؟

[دره]

بسم الله الرحمن الرحيم
السلام عليكم ورحمه الله وبركاته

انا مش هكتب مقدمات ولا هلف ولا ادور انا هتكلم على طول بييجى علينا فتره نشوف اللى بيحصل فى فلسطين وتحديدا غزه ومجازر وانتهاك للحرمات بنبكى شويه وندعى ونقاطع ونشجب ومظاهرات وخيبر خيبر يا يهود وكله رفض للى بيحصل بس المهم بعد بقى اللى بنشوفه وقلوبنا بتتقطع منه بنعمل ايه فى اخواتنا.... اه اخواتنا !!!انت بقى او انتى لو حد دخل البيت ومسك اخوك او اختك وضربها وهتك حرمه البيت وعمل اللى ميتعملش هتعمل ايه؟ هتشتم . ولا حتعمل مظاهره .. ولا حتدعى عليه.. وتسكت والله لو انت او انتى هتعملوا كده يبقى عليه العوض ومنه العوض فينا !!!!!

نرجع بقى هما الفلسطينيون دول مش اخواتنا ولا احنا بتوع كلام وخلاص .....

ساعات بنقول لا دى بلدهم انما لا دى بلد ربنا

فلسطين معظم الانبياء اذا مكنش كلهم من ضمن رسالتهم تحرير فلسطين ومننساش الرسول"صلى الله عليه وسلم" لما قال "لا تشدوا الرحال الا الى ثلاث مساجد المسجد الحرام والمسجد الاقصى ومسجدى هذا" يعنى فى تساوى بين المسجد الحرام وبين الاقصى

لو انت بقى عرفت ان فى حد حييجى جنب بيت الله الحرام حتعمل ايه حتقول مانا بقاطع ولا حتى بتعمل مظاهرات ولا حتقول ايه ...............والله حرام اللى الواحد بيشوفه

الله يرحمه صلاح الدين قال حديث عن الرسول "صلى الله عليه وسلم" وكان نهايته ابتسامه لما قالوله كمل الحديث قال "ابتسم ازاى وفلسطين مش مع المسلمين"

يااااااااااااااه ممكن احنا نبقى كده نحرم نفسنا من الابتسامه علشان فلسطين مش عارفه اقول ايه ....

كان مره فى تاريخ المسلمين واحده متزوجه والزوج بيقول وامصيبتاه قالتله هل انتهكت حرمات الله؟

قال لا فردت يبقى مفيش مصيبه

احنا بقى نقول ايه...............

فكروا كده فى كلمه توصف حالنا والله انا مهما كتبت مش هقدر اوصف احساسى ايه بانى بجد والله خساره فيا وجودى فى الحياه وانا مشلوله ومش قادره ومش قادره اعمل حاجه فعليه مهما الواحد دعى ربنا او قاطع او استنكر او شجب حيبقى ولا حاجه جنب اللى المفروض يتعمل ولو كلمت حد يقول طيب ودونى هناك ....كلمه اللوم بقى على غيره مهى فلسطين دى بلدنا احنا بلدنا يا مسلمين يا موحدين بالله " لااله الا الله"

ايه فكرنا طيب عارفين الحل ايه للى بيحصل وازاى فلسطين ترجع لنا تعالوا نفكر شويه

الناس دلوقتى واحنا منهم الوازع الدينى عندها لايذكر جنب الصحابه رضى الله عنهم لو احنا خالنا اتعدل ورجعنا لربنا وكان الدين والايمان بالله والاستسلام لاوامره كان محور حياتنا هترجع لاننا من الايمان بالله كل حاجه حتتغير لا حيبقى فى وقت للاغانى والافلام والمسلسلات ولا البرامج التافهه ولا حنفكر فى نفسنا لا حيبقى اساس تفكيرنا هو الدين ورجوع الحق ولا ايه رايكم ؟؟؟؟؟

مش عايزه مص شفايف ولا تؤ ولا اه عندك حق ولا استنكار لكلامى انا عايزه كل واحد بينه وبين نفسه ياخد قرار بالتغيير حتى لو شايف نفسه كويس ومحترم واحسن من ناس كتير

لا يقرر من دلوقتى يبقى حاجه تانيه علشان ربنا والرسول يفرح بيناولا يرضيكم الرسول "صلى الله عليه وسلم" يوم القيامه يقابلنا وهو بيبكى ويقولنا "انتم المسلمين انتم اللى سايبلكم الدين امانه "

بالله عليك حتقوله ايه

[ELBRNSISA ESRAA]

موضوعك رائع اسماء بجد واحنا نقدر ندعلهم ان ربنا ياخد باديهم ويرحمهم ويرحمنا جميعا

[آيه محمد]

صح والله يا أسماء عندك حق بس احنا فيه ايه فى ايدينا ومعملنهوش

احنا كل اللى نقدر نعمله اننا نبكى وندعى على اليهود وندعى للفلسطينيين

والله لو حاكم البلد دى يقول ان فيه حرب والسيدات ممكن تحارب لروح احارب واموت شهيده حد يطول

وسؤالك فعلا صح ياريت نقدر نتغير للأحسن بجد ونكون احنا اول ناس(طبعا أسره مصراوى كافيه)

نكون ايد واحده ونحارب الفساد بجد وده طبعا بيتمثل فى الأغانى الخليعه والأفلام والمسلسلات

ياريت كلنا نقدر نعمل كده وشكرا يا حبيبتى على طرح الموضوع

[فتى الإسلام]

أعذريني يا اسماء
بجد لا تعليق........

[دره]

موضوعك رائع اسماء بجد واحنا نقدر ندعلهم ان ربنا ياخد باديهم ويرحمهم ويرحمنا جميعا

انا معاكى يا اسراء ان الدعوه مطلوبه بس المهم التغيير من جوانا احنا مهو لو احنا اتصلح حالنا كل حاجه حتتغير
جزاكى الله خيرا يا حبيبتى

[دره]

صح والله يا أسماء عندك حق بس احنا فيه ايه فى ايدينا ومعملنهوش

احنا كل اللى نقدر نعمله اننا نبكى وندعى على اليهود وندعى للفلسطينيين

والله لو حاكم البلد دى يقول ان فيه حرب والسيدات ممكن تحارب لروح احارب واموت شهيده حد يطول

وسؤالك فعلا صح ياريت نقدر نتغير للأحسن بجد ونكون احنا اول ناس(طبعا أسره مصراوى كافيه)

نكون ايد واحده ونحارب الفساد بجد وده طبعا بيتمثل فى الأغانى الخليعه والأفلام والمسلسلات

ياريت كلنا نقدر نعمل كده وشكرا يا حبيبتى على طرح الموضوع

تسلميلى يارب ويكرمك فى ابنائك
احنا المفروض غير الدعاء اننا نربى نفسنا ونربى ابنائنا واخواتنا على الجهاد ونعمل زى امراه عمران لما نذرت المولود للمسجد الاقصى
يعنى نخلى حياتنا للدعوه وحث نفسنا وحث الغير
ربنا يكرمك فى ابنائك ويجعلهم من الشهداء فى سبيل الله

[دره]

أعذريني يا اسماء
بجد لا تعليق........

الله يكرمك يا كريم انا راضيه بلا تعليق
لكن يارب يبقى وعد بالتغيير زى ما قولنا

[queen2010]

موووووووووووضوع جامد جدا جدا
اشكرك بجد من كل قلبى
وانا بجد كلامك اثر فيا

[دره]

موووووووووووضوع جامد جدا جدا
اشكرك بجد من كل قلبى
وانا بجد كلامك اثر فيا

الله يخليكى يا كوين
وانا يسعدنى ان كلامى ياثر فيكى المهم قررتى التغيير

[ED GIEN]

ربنا ينتقم من كل ظالم

ربنا ينصرهم وينصر المسلمين اجمعين

وينصر الاسلام

مشكوره على الموضوع

وجزاكى الله خير