النقاب 17...............

[دره]

السلام عليكم ورحمة الله وبركاته

نستكمل معا أخواتي
هقول كلمة أخيرة أختتم بها السلسلة الأولى اللى بتخص دعوتنا للنقاب ومن بعدها هنبدأ سلسلة جديدة إن شاء الله...
فكري أختى وأنتى بتلبسي النقاب أو بتفكرى فيه في ثوابك إن شاء الله وأحسنى الظن بالله وكونى على ثقة ويقين بتعويضه سبحانه وتعالى وتوكلى عليه
يعنى أنا قبل ما ألبس النقاب ناس كتير حذرتنى من نظام أمن الدولة والكلام ده وكان ممكن أترعب وأخاف وأقول ايه اللى يخلينى أرمى نفسي في التهلكة!!
لكن سبحان الله والله ما اتأثرت بالحتة دى بالذات ولم أهتز لها -اسأل الله أن يعافينا ولا يبتلينا-
بالرغم من إنها لوحدها كفيلة إنها تصرف نظر أى واحدة تفكر في لبس النقاب لكن سبحان الله لما تستعينى بالله وتحسنى الظن به أكيد هيحفظكِ ويصونكِ
والله كانت بتمر بي فترات بتخيل إنى هقول "يارب" احفظنى>>> أجده سبحانه وتعالى استجاب على طول
لأنى أحسنت ظنى به سبحانه وتعالى وهو القائل
(أنا عند ظن عبدى بي)
ظننتى إنه الحفيظ هيحفظكِ!
ظننتى إنه الوكيل وتوكلتى عليه هيكون سبحانه وتعالى نعم الوكيل !
ظننتى إنه الرزاق هيرزقكِ من حيث لاتحتسبي!
ظننتى إنه الجبار ستجديه سبحانه وتعالى بيجبر بخاطركِ ويزيح عنكِ أحزانكِ في أشد إحتياجكِ له !

ولو النقاب اتأخر شوية !!
ماتحزنيش!!...بالعكس دى فرصة وجاءت لكِ من السماء إنكِ تقربي فيها من ربنا أكتر وأكتر وتدعى كتير.. كتير غيرك بيعانوا من فترات الفتور في العبادة

ولو زاد رفض الأهل !!
برضه ماتحزنيش!... دى فترة إختبار وإن شاء الله مع إخلاصك هيجى اليوم اللى تلبسيه فيه

ولو صحابك ابتدوا يبعدوا عنك بعد النقاب !!
ماتحزنيش!...واعتبرى إن ده إختبار لمدى حبهم لكِ هل بيحبوكى في الله؟
هل حبهم لكِ ده بيعود عليكِ بخير و زيادة في الطاعة والعبادة ولا يأخذك وبينزل بكِ لتحت؟؟
يعنى أنا بشبه الفترة دى إنها زى الغربال بتفرق لك فعلا بين:
الأصحاب الحقيقين اللى حبهم لكِ فعلا حب خالص وبيفرحوا لكِ في الخير و بيفرحوا بزيادة طاعاتكِ ومنها :حجابكِ
والأصحاب التانيين اللى أول ماتزودى في حجابكِ يسبب عندهم نوع من النفور لكلامكِ أو لأى تصرف يصدر منك لمجرد إنكِ منتقبة بمفهوم إن المنتقبات متشددات !!
وساعات بتقلب مع بعضهم لشعور بالغيرة !
وبينسوا ساعتها الصداقة وكل المفاهيم الجميلة دى
ودعوتى هنا للنقاب أنا مش بشدد بها عليكن

هى مجرد نصيحة أو دعوة إنكم تجربوا حاجة زى دى وأنا لو كنت شايفة فيها مشاكل أو تقييد مكنتش فتحت الموضوع ده وأحمِّل نفسي وزر التشديد على مسلم
أو إن واحدة تدعى علىّ !

أنا مجرد إنى رأيت إن زماننا ده له متطلبات خاصة غير الأزمنة اللى قبلنا !
النقاب دلوقتى بقي ضرورة شرعية.. واجب.. فرض.. مستحب.. أيا كان توصيفه هو في حد ذاته حماية!
زى ما بيقولوها كده اخواننا المجاهدين
في نوعين من الجهاد: جهاد دفع و جهاد طلب !
احنا دلوقتى في حالة جهاد الدفع...دفع لفتن كثيرة أحمدالله أن النقاب تغلب على كثير منها !
ثانيا أن الموضوع لم يفرض النقاب على أحد(واتكلم بتجريدية تامة بالرغم من قناعتى بفرضيته أو وجوبه في زماننا الحالى وهذا فيما يخصنى) لكن يبحث هل النقاب فعلا يدرأ كثير من المفاسد ويصد دون فتن كثيرة من فتن زماننا الحالى أم أنه حرية شخصية زى ما بعض الناس بيزعموا ؟؟!!

فاحنا عمالين ننحدر مش بنزيد... وبنات بعد الإلتزام ولبس الطويل تيار الإختلاط والتبرج جرفهم ونسوا كل ده!!
بلاش نغلق تفكيرنا في مفهوم كلمة فتنة على إن اللى تلبس النقاب لازم اللى تكون راااائعة الجمال...لا طبعا...
وإلا مكنتش الفتنة أثرت فيها بأى شكل
وده عامل الثبات اللى بندعى ربنا به!
فدعوتى هنا تحمل مفهوم أكتر للحجاب الشرعى اللى مستوفي كل شروطه ومن ضمنها تغطية الوجه لأن مش قطعة القماش اللى بنغطى بها وجوهنا هى اللى بتفرق عند ربنا في زيادة التقوى أو عدمه..لكن تقوانا في إتباع مرضاة الله وإلتماسها في مواضعها
وعشان كده هبدأ ان شاء الله سلسلة جديدة في دعوتنا للنقاب وهى
(أخلاق النقاب)
أو (ماذا بعد النقاب؟)
وده المفهوم الجديد اللى عايزين نوصله هو يمكن يكون متعلق أكتر بالمنتقبات فعلا بس أنا عايزة أخواتنا غير المنتقبات كمان يشاركوا معانا فيه لأن هى دى وجهة النظر المقابلة لواقعنا وهم مرآتنا اللى هنشوف فيها عيوبنا بإذن الله...والله المستعان
وعمر بن الخطاب رضي الله عنه كان بيقول
(رحم الله من أهدى إلينا عيوبنا )
السلام عليكم ورحمة الله وبركاته

[دره]

وانتهت السلسله

[آيه محمد]

بارك الله فيكى اختى الحبيبه

وجعله الله فى ميزان حسناتك

واللهم اهدى بنات المسلمين جميعا

[دره]

بارك الله فيكى اختى الحبيبه

وجعله الله فى ميزان حسناتك

واللهم اهدى بنات المسلمين جميعا

اللهم امين يارب
يارب يجمعنا فى الجنه يارب

[بنت الاسلام الازهرية]

انا اسفه بس انا مكنتش معاكى من اول السلسلة بس انا نفسى اللى تتحجب (تنتقب) تكون قدوة امام نفسها وغيرها
لان بجد انا اتعملت مع بنات هداهن الله منتقبات ولكن اجارك الله منهن
اللهم انا نسالك الهدى والتقى والعفاف والغنى

[دره]

انا اسفه بس انا مكنتش معاكى من اول السلسلة بس انا نفسى اللى تتحجب (تنتقب) تكون قدوة امام نفسها وغيرها
لان بجد انا اتعملت مع بنات هداهن الله منتقبات ولكن اجارك الله منهن
اللهم انا نسالك الهدى والتقى والعفاف والغنى

لو حابه تقراى السلسله من الاول ياريت
بس اقولك انا عمرى ماتعاملت مع منتقبه وطلعت مش تمام لا يمكن اخلاقهم هيا اللى شجعتنى انى ارتدى النقاب
ولو كملتى معانا هنا هتعرفينا وهتعرفى منتقبات معانا محترمين
وعلى فكره انا منتقبه بس مش بضر حد والله
منورانى يا قمر

[بنت الاسلام الازهرية]

والله انا عرفه ان فى منتقبات كتير جدا محترمين اوى وانا بحبهم انا اصلا اغلب اصحابى اوى منتقبات وان شاء الله انا انتقب قريب
بس انا كان فى وحده زملتنا منتقبه مفيش حد اتعامل معاها الا وبينتقدها
والنقاب ده رمز الاسلام فى الوقت ده
وعموما انا معاكوا لحد منتقابل فى الجنه ان شاء الله

[دره]

والله انا عرفه ان فى منتقبات كتير جدا محترمين اوى وانا بحبهم انا اصلا اغلب اصحابى اوى منتقبات وان شاء الله انا انتقب قريب
بس انا كان فى وحده زملتنا منتقبه مفيش حد اتعامل معاها الا وبينتقدها
والنقاب ده رمز الاسلام فى الوقت ده
وعموما انا معاكوا لحد منتقابل فى الجنه ان شاء الله

ان شاء الله نتقابل فى الجنه سوا
وممكن والله فعلا يكون فى ناس منتقبات مش بيحترموه
بس ان شاء الله نباركلك قريب اوى عالنقاب

[ابو احمد رزق]

والله أختي أسماء بارك الله فيكي
ويارب أسمع أن أخت ما أو أكثر تنقبو
والتزمو بتعاليم ربهم
حتي تنالي الاجر إن شاء الله
كم كلماتك رائعه
في أسلوبك وطرحك
والله يا بنات النقاب عفة وطهارة
وما تخفيش هيجيلك عريسك اللي يستحقك
لو كنتي لسة
أنا واحد من الناس
ارتبط بزوجتي في أول أسبوع بعد نقابها
ووالله ما كنت أعرفها من قبل قط
وسبحانك ربي
هي ارتد النقاب بعد شد وجذب مع أهلها
ورفضهم ليس لشيء الا لما ربنا يرزقك
بنصيبك
ليس سببا والله يا أختاه
هي تمسكت وتشبست به ولبسته
وبعد أسبوع واحد أقسم بالله
كانت هي من نصيبي
وربنا يكرمها بجد
والحمد لله
كانت خير عون لي علي ديني
أقول هذا عبرة لك أختي
حتي تتمسكي بعفتك وطهارتك
وحيائك فبادري إلي الخير
بارك ربي فيكي
وجزاك ربي خير أختي الفاضلة
أسماء

[دره]

والله أختي أسماء بارك الله فيكي
ويارب أسمع أن أخت ما أو أكثر تنقبو
والتزمو بتعاليم ربهم
حتي تنالي الاجر إن شاء الله
كم كلماتك رائعه
في أسلوبك وطرحك
والله يا بنات النقاب عفة وطهارة
وما تخفيش هيجيلك عريسك اللي يستحقك
لو كنتي لسة
أنا واحد من الناس
ارتبط بزوجتي في أول أسبوع بعد نقابها
ووالله ما كنت أعرفها من قبل قط
وسبحانك ربي
هي ارتد النقاب بعد شد وجذب مع أهلها
ورفضهم ليس لشيء الا لما ربنا يرزقك
بنصيبك
ليس سببا والله يا أختاه
هي تمسكت وتشبست به ولبسته
وبعد أسبوع واحد أقسم بالله
كانت هي من نصيبي
وربنا يكرمها بجد
والحمد لله
كانت خير عون لي علي ديني
أقول هذا عبرة لك أختي
حتي تتمسكي بعفتك وطهارتك
وحيائك فبادري إلي الخير
بارك ربي فيكي
وجزاك ربي خير أختي الفاضلة
أسماء

والله انا سعيده جدا بكلامك يا ابو احمد
ربنا يكرمك فى زوجتك وابنائك يارب
وتشوفهم جنب النبى يارب