ايه الاستعباط ده

**مونه** · 26 - 7 - 2010, 10:30 AM

دول لو بطلو عبط يموتوا
بارك الله لكى إيسل وجزاكى الله خيراً
وبعدين بقالك فتره كده مختفيه يارب
المانع يكون خير

**آيه محمد** · 26 - 7 - 2010, 10:58 AM

ماشى يا ستى هنبطل استعباط بس متزعليش نفسك

بس جرأه جرأه والله انك تهزأى الحكومه

بس انا معاكى جدا ومش على الحكومه بس دا كمان على رئيس الحكومه

شكرا ايسل وبارك الله فيكى

**ايسل** · 26 - 7 - 2010, 01:18 PM

كلامك صح جدا اية الاستعباط الموجود فى الحكومة دة
شهيد يموت من يد حكومة ومفيش حد بيكلم
هيا الحكمة منا ولا علينا؟؟؟؟؟؟؟؟؟؟؟
برافو عليك موضوع جامد بجد

لا الحكومه علينا على طول
تسلمى على المرور الجميل

**ايسل** · 26 - 7 - 2010, 01:23 PM

شكرا لمرورك يا ايوشا ياقمرايه نورتينى

**ايسل** · 26 - 7 - 2010, 01:28 PM

انا هجي عندك وناخد بعض وننزل الشارع ونصوت بجد

مش كلام بنكتبه بدال مانكتب يالهووى هنا

نروح نقولها بعلو صوتنا فى وشهم جايز فعلا يترعبو

ويبئه اسمنا فعلا طلعنا صوتنا لحسن انا حسه ان الشعب

قرب يتخرس

ماشى يا اختى مستنياكى متتاخريش كان نفسى الاقى حد يصوت معايا الحمد لله لقيتك وياريت نلاقى غيرك وغيرى ينضموا لينا نصوت كلنا مره واحده صدقينى صوتنا مع بعض يهز اى كرسى
نورتينى بمرورك وردك عزيزتى

**~ NORA ~** · 26 - 7 - 2010, 01:33 PM

مالك شكلك هتولعي في الكافيه

ربنا يستر هدي اعصابك وفكري كويس قبل ما تعملي حاجة

وفعلا هي حاجة تحرق الدم والشعب خلاص تعب فعلا وبعدين اهو 30 سنة كفااااااااااااااااااااية والله حراااااااااااااااااااام وشكرا ليكي على مواضيعك الجميلة ديه ودايما متألقة وتقبلي مروري المتواضع ده

ودمتي بسعادة وراحة

**ايسل** · 26 - 7 - 2010, 01:33 PM

والله فعلا حكومه بتستعبط وشعب بيستعبط
بس انا جربت اتكلم واقول لا اللى بيحصل حرام فى وش ناس فى منطقتنا زى ما بيقولو كده جواسيس الحكومه
بصلو باستهزاء وضحكوا
ومن ساعتها وانا كارهه الناس اللى بتخاف واللى بيخوفو
منهم لله والله

بس يارب مش تستسلمى افضلى حاولى يمكن تجيبى نتيجه وانا زيك بس انا نزلت مظاهرات
مع حركة كفايه والنتيجه ايه ولا حاجه لان محدش بيتحرك معانا كله خايف

تسلمى عزيزتى لمرورك الجميل ربنا يحفظك

**maahes** · 26 - 7 - 2010, 02:00 PM

يانهار ابيض ياايسل هو انا ابعد شوية واجي الئيكي موعلة فى المنتدى كده
هو الواحد اول مايرجع يرجع على الحبس ولا ايه

على فكرة انا مابستعبطاش بس اكيد بردوا ايد لوحدها لاتصفق
موضوع سخن جامد ومش محتاج اسخنه اكتر بس اكيد مش همشي كده الا مااقول حاجة

كلما اشتد الظلام كلما اقترب ظهور الفجر فابشري
ومين اصدق قولا من الله عندما قال
(فإن مع العسر يسر ان مع العسر يسر ) سورة الشرح
فهذه الأية تبعث فى روحنا الأمل
ولكن ايضا قال الله عزوجل :
﴿.. إن الله لايغير مابقوم حتى يغيروا مابأنفسهم ﴾[ الرعد:11]
وهذه الأية تتدعونا لتغيير انفسنا
واسمعي قول ربنا سبحانه وتعالى فى موضع اخر:
{ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ} الروم 41
على فكرة انا مش ضد كلامك ولكن الامر محتاج الى ضوابط شرعية وامور يجب فهمها
جزاكي الله خيرا ايسل
تمنياتي لكي ...
بالتوفيق..
مــــحــمد

**SCREEM** · 27 - 7 - 2010, 11:35 AM

ياه الواحد بقاله كتير مدخلش بس طلما خالتي عملت موضووع لازم اخش

بس انتي مستغربه علي ايه هو ايه الجديد لو ركزتي انه كله دلوقتي بيعمل عبيط بنت بتتعاكس اعمل عبيط واحد بيسرق وانا مالي اعمل عبيط واحد بيضرب وانا مالي اعمل عبيط وامشي

تعملي موضوع زي ده واعمل عبيط ومردش

الف شكر عالموضوع تقبلي مروري

**ايسل** · 27 - 7 - 2010, 06:33 PM

والله معاكى حق

احنا اللى عملنا فى نفسنا كده
ودلوقتى بنقول نعمل ايه

وربنا يسطر من اللى جاى

بجد اه احنا فعلا اللى عملنا كده فى نفسنابس نفسى نفوق بقى كفايه كده
شكرا لمرورك الكريم

الموضوع: ايه الاستعباط ده

أدوات الموضوع

معلومات الموضوع

الأعضاء الذين يشاهدون هذا الموضوع

المواضيع المتشابهه

ستعبر يوما من هذا الباب فهل أنت مستعد؟؟

الكلمات الدلالية لهذا الموضوع

ضوابط المشاركة