ايه الاستعباط ده

**ايسل** · 26 - 7 - 2010, 02:44 AM

فى ايه كل ده استعباط
حصل ايه فينا بقينا كده ليه هو احنا هبل ولا بنستهبل عبط ولا بنستعبط انا مستغربه حالنا بجد كل فرد فيكى يامصر جراله ايه
حكومه بتستعبط العبط من حقها شايفه اللى حواليها عبط
متبطل عبط انت وهو فوق بقى متسكتش عن حقك طيب انا مستعبطه زيكم بس بسألكم هو لما قلبوا الترماى زمان وحرقوا السينما وحريق القاهره طيب استنوا ولما السادات فكر يرفع الدعم عن الدقيق والسكر حصل ايه يا نهار ابيض دى الدنيا قامت ومقعدتش ورجعوا فى كلامهم وبقوا عيال عارفين ليه علشان كانوا ولا بيستهبلوا ولا بيستعبطواكانو بيدفعوا عن ابسط حقوقهم وايه كمان كله فيكى يامصر يا حبيبتى بيستعبط
حكومه بتستعبط ومعارضه بتستعبط يالهوىىىىىىىىىىىىىىىىى
وشعب كمان بيستعبط طيب ليه مالكم جرالكم ايه ما ياخد الروح الا اللى خالقها ايه الخوف ده كفايه بقى خوفنا خلاهم اتمرعوا
وركبوا ودلدلووووووا رجليهم اصحوا بقى لو خفت على اهلك انهم يتخضوا لو الحكومه جت تمسكك فكرت انهم ممكن قلبهم يتحرق لو حصلك زى خالد سعيد وانت لو خفت على عيالك تعرف ان استعباطك ممكن يخلى عيالك ميلقوش حتى الرغيف الحاف فوقوا بقى وانا معاكم بفوق نفسى تعالوا نبطل استعباط ونطالب بحقوقنا دول اشتكو من كتر استعباطنا وبدأوا يتنرفزوا
كمان ايه الشعب التلم ده هما مش بيحسوا مهما عملنا فيهم
ده كلام الحكومه عننا
اسمعوا خلاصة الكلام انا بقول ليه قبلكم تعالوا نبطل استعباط واستهبال ونقلهم اللى جوانا احنا هبل بمزاجنا وعبط بمزاجنا بس خلاص اخرتكم قربت زهقنا من هبلنا وعبطنا وهنعرف نسترد حقوقناارعبوهم حتى بالكلام وتعالوا نشوف هيعملوا ايه
انا عارفه هيعملوا ايه وانتم عارفين بس تعالوا نحاول مجرد محاوله يعنى قرصة نمله لفيل بس صدقونى بتعلم
سلالالالالالالالالالالالا لالالالالالالالالالالالال الالالالالام

**queen2010** · 26 - 7 - 2010, 03:04 AM

كلامك صح جدا اية الاستعباط الموجود فى الحكومة دة
شهيد يموت من يد حكومة ومفيش حد بيكلم
هيا الحكمة منا ولا علينا؟؟؟؟؟؟؟؟؟؟؟
برافو عليك موضوع جامد بجد

**ayosha love** · 26 - 7 - 2010, 03:09 AM

فعلا عندك حق ميرس ع الموضوع يا روحى و تسلميلى

**الحريه** · 26 - 7 - 2010, 03:10 AM

حكومه بتستعبط ومعارضه بتستعبط يالهوىىىىىىىىىىىىىىىىى

انا هجي عندك وناخد بعض وننزل الشارع ونصوت بجد

مش كلام بنكتبه بدال مانكتب يالهووى هنا

نروح نقولها بعلو صوتنا فى وشهم جايز فعلا يترعبو

ويبئه اسمنا فعلا طلعنا صوتنا لحسن انا حسه ان الشعب

قرب يتخرس

وشعب كمان بيستعبط

استعباط وهبل وعبط وناقص كمان ننسى ان البلد بلدنا

ونروح ندورلنا على بلد تانيه ما احنا خلاص ومش هنلاقى

ما احنا المصريين مالناش حظ جوه وبره

اشكرك

**دره** · 26 - 7 - 2010, 03:17 AM

والله فعلا حكومه بتستعبط وشعب بيستعبط
بس انا جربت اتكلم واقول لا اللى بيحصل حرام فى وش ناس فى منطقتنا زى ما بيقولو كده جواسيس الحكومه
بصلو باستهزاء وضحكوا
ومن ساعتها وانا كارهه الناس اللى بتخاف واللى بيخوفو
منهم لله والله
جزاكى الله خيرا يا ايسل
بارك الله فيكى

**سعيد الفيشاوى** · 26 - 7 - 2010, 04:06 AM

والله معاكى حق

احنا اللى عملنا فى نفسنا كده
ودلوقتى بنقول نعمل ايه

وربنا يسطر من اللى جاى

**براكودا** · 26 - 7 - 2010, 06:17 AM

ايه ده يا ايسل
انتي بتسخنيهم ولا ايه
اوعى حد منكم يصحى ولا يفوق
بعدين هنومه تنويم طغطاطيسي

الله يعطيكي العافية يا ايسل

**عفريت أفندى** · 26 - 7 - 2010, 07:50 AM

الأمل موجود يا ايسل

طول ما فينا نفس

و أكيد لازم الفجر يطلع

و الدنيا تنور من جديد

بينا أو من غيرنا

جايز مش نكون موجودين

لكن كل واحد لازم يفهم الجيل اللى بعده يعنى ايه حريه؟

يعرفه حقوقه

يفهمه واجباته

و يعرفه إن مصر دى بلده

تسلمى يا ايسل

و حمد الله ع السلامه

**هشام اللول1** · 26 - 7 - 2010, 08:36 AM

والله يا ايسل
احنا لو مش هنفوق كلنا مع بعض
يبقي انسي انه حد هيفوق

لان كل واحد فينا ليه مصالح واوراق عندهم
ممكن يوقف لينا وراقنا
وانتي عارفه اسهل حاجه عندهم انهم يمسكونا من ايدينا اللي بتالمنا

فلازم كلنا نقف مع بعض
ونقول لا
والكل يوعي بعضه

وربنا يستر
شكرا لمواضيعك الجميله ايسل

بارك الله فيكي وحفظك ورعاكي

**Ali Pharouq Najar** · 26 - 7 - 2010, 09:43 AM

أيسل
لقد أسمعت لو ناديت حيا ...ولكن لا حياة لمن تنادى
و لو نارا نفخت بها أضاءت ...ولكن أنت تنفخ فى رماد
شكرا على التوبيك ...
و حمدالله على السلامة

الموضوع: ايه الاستعباط ده

أدوات الموضوع

ايه الاستعباط ده

معلومات الموضوع

الأعضاء الذين يشاهدون هذا الموضوع

المواضيع المتشابهه

ستعبر يوما من هذا الباب فهل أنت مستعد؟؟

الكلمات الدلالية لهذا الموضوع

ضوابط المشاركة