.....انت بتضربنى ليه ......؟؟؟؟؟

[دره]

بسم الله الرحمن الرحيم

السلام عليكم ورحمه الله وبركاته

انا عايزه اخد رايكم فى موضوع مهم

ضرب الاباء للبناء هو الضرب اب لابنه من غير وجود حد غريب شئ وقدام حد غريب شئ تانى

لما اب يضرب ابنه او بنته اللى جاب ال20 سنه خلاص قدام الناس ويهينه كده دا شئ عادى ولوالابن غلط فى اختيار لفظ وهو بيتكلم مع ابوه يضربه بقى قدام الناس ولا يصبر لما يبقو مع بعض ويعمل بقى اللى عاوزه

ولا اصلا يضربه ليه وهو خلاص بقى راجل

والله انا متضايقه اوى من حاجه زى دى

الموقف حصل قدام عينى اب ضرب بنته وعندها 20 سنه علشا بس عملت حاجه عكس اللى طلبها ومردتش باسلوب مش حلو لا هيا بسكانت الفكره خرجت نفسه من مشكله

فكان عقابه ليها انه يضربها بظهر ايده على وشها

والله انا كان هاين عليا انفجر فيه ...........

انا عايزه اعرف رايكم ايه فى الموضوع ده

[ELBRNSISA ESRAA]

بصى يا سوما فى وسائل غير الضرب ممكن نتعامل بيها الاثار النفسيه بتكون اكتر من الاثار الجسديه يعنى هو لو قعد واتكلم معاها براحه هل البنت مش هستجيب ليه يعنى لو هى مش هتستجيب يبقى دا وضع تانى خالص وميرسى على التوبك

[BANOTADALO3A]

بصراحة انا بتفق مع اسراء
لان كل الى عملو هو انو احرج نفسو وبنتو قدام الناس بلعكس ده كان منظرو وحش اوى والناس هتحس انزش متحضر
واول دليل على كده رده فعلك انتى

وبعدين ده مجرد باهانته لبنته بيضيع علاقتهم ببعض وبيقلل من احترامها ليه
ده رايى
ورسى ليكى اوى على التوبيك الحلو ده

[THE SNIPER]

انا هقولك رايى المتواضع

الضرب ده بينشأ حسب البيئه اللى تربى فيها الاب والابناء اقصد من ذلك عاداته

ولكن الاب اكيد مليون فى الميه غلطان وكمان البنت

بالنسبه للاب فلما بشوف اب بيضرب ولد بقول انه غلطان ما بالك ببنت وقدام ناس ويحرجها

بالنسبه للبنت يجب انها تطيع كلام ابوها وكلمه باسلوب احسن علشان ميتنرفزش

[ملكه البحور]

انا متفقه مع كل اللي اتقال يعني ده حسب البيئة ممكن تكون البنت دي مش بتيجي غير بالضرب مثلا وانها مش تستحق غير كده.....وممكن نقول ان الاب متخلف وبيتعامل كده وده طبعا اسلوب خطأ ميه بالميه وده هيأثر عليه وعلي بنته عاجلا او اجلا

[ED GIEN]

اولا مشكوره يا أسماء على موضوعك الجميل

ثانيا بصى ضرب الاب لعياله ممكن يكون عقاب ليهم فى اى شئ

بس لما يكون بينه وبين عياله

لكن مش قدام الناس

لان كده اهانه ليه...........

انا شوفت كتيييييييييييييييييييير

مش عنده 20 سنه

لا ده بيبقى عنده 30 سنه وبيتضرب من ابوه لحد ما يغمى عليه

مشكوره على الموضوع واتمنى اكون فهمتك وجهه نظرى

[ماجد m]

أولا شكراً على طرحك الموضوع المهم ده
بس أنا من رأيى إن ده بيرجع الى تربية الأب نفسه
يعنى الأب كمان إتربى بنفس الطريقه فهو بيطبق اللى إتربى عليه
بس ده طبعاً مش مبرر إن هو يعمل كده
لأنه المفروض يتعلم من الأخطاء اللى حصلت فى تربيته
كان المفروض على الأب أن يحافظ على كرامة وعزة نفس بنته
ويتصرف معها بالطريقه التى يراها مناسبه فى المنزل
لأن بتكرار هذه المواقف ستضعف شخصية البنت وخصوصا مع من أهينت أمامهم
وهذه إحدى عيوب التربيه بالضرب فهو يلغى عند الإبن العقل تماما
ويجعله ضعيف الشخصيه عديم الثقه بنفسه
منتنظر الأوامر من غيره كما كان معتاد من أبويه
وقد يكو ن الضرب مطلوب فى بعض الأحيان ولكن ليس فى مثل هذا السن
آسف على الإطاله
تقبلى مرورى

[فتى الإسلام]

الضرب عمره ما كان اسلوب لحل المشاكل
وقد يكون مهم في بعض الحالات النادرة جدااااااااااااا
ولكن يكون بحدود وبدون جرح شعور الابن او تغير صورته امام احد
بس لو الانسان كبير زي ما بتقولي 20 سنة دا مستحيل
ولا حتى 12 سنة
أنا عن نفسي الحمد الله عمري ما ضربت
وربنا يكملها على كدا
بس بجد في اساليب عقاب أثرها بيكون اكبر
آسف على الاطالة
تسلمي اسماء

[_EVE_]

اولا:انا معاكم يعنى
بس فى ناس بيشوفو ان من حقهم انهم يعملو كدا لانهم والدهم
وبعدين دا بيحطم نفسية الابن
وثقته فى نفسه اكيد هتقل بشكل كبير
ثانيا: تسلمى يا سهيله على الموضوع الجميل

[الحريه]

أولا شكراً على طرحك الموضوع المهم ده
بس أنا من رأيى إن ده بيرجع الى تربية الأب نفسه
يعنى الأب كمان إتربى بنفس الطريقه فهو بيطبق اللى إتربى عليه
بس ده طبعاً مش مبرر إن هو يعمل كده
لأنه المفروض يتعلم من الأخطاء اللى حصلت فى تربيته
كان المفروض على الأب أن يحافظ على كرامة وعزة نفس بنته
ويتصرف معها بالطريقه التى يراها مناسبه فى المنزل
لأن بتكرار هذه المواقف ستضعف شخصية البنت وخصوصا مع من أهينت أمامهم
وهذه إحدى عيوب التربيه بالضرب فهو يلغى عند الإبن العقل تماما
ويجعله ضعيف الشخصيه عديم الثقه بنفسه
منتنظر الأوامر من غيره كما كان معتاد من أبويه
وقد يكو ن الضرب مطلوب فى بعض الأحيان ولكن ليس فى مثل هذا السن
آسف على الإطاله
تقبلى مرورى

انا رئيي من رأى ماجد

اشكرك اسماء على طرحك للموضوع المهم ده

دى قضيه بحد زاتها ولها آثار نفسيه جامده على الابناء

وبتعيش معاهم لحد ما يتجوزو ويخلفو كمان