مشكلتي ..المشكلة الثانيه ....محتاجة رأيكم

[طيف عابر]

السلام عليكم

كيفكم

محتاجة رأيكم بالمشكلة التانيه وارجو الاهتمام

وسانقل المشكلة كما وردتني على الخاص

=======

المشكله ان انا ليا واحده صحبتي بتدخل علي النت كتير ميلات وشاتنج بقي انها تكلم ناس وبس مش استفاده يعني صحبتي دي نصحتها كذا مره متتعلقش بحد وان كل الي في النت ممكن يلعبو بيها وهيا كانت بتقول انها فهمه بس ثبتلي غير كدا خالص انا لقيتها بتحكيلي عن واحد كلمته علي شات واديتله ميلها اتكلمو بعد كدا بتقول انه بيحبها وهيا حبته وعايزه تروح تقابله نصحتها انها متروحش لكن مصممه وبتقول انهم هيخرجو يروحو سينما
وانتي طبعا فاهمه هو ممكن يعمل ايه انا فعلا خايفه عليها انا مش عارفه اقول لمامتها ولا اسيبها براحتها ولا اعمل ايه بالظبط؟؟؟؟؟؟؟؟؟؟


=======
انتهت المشكلة
ارجو ان اسمع رأيكم

[Serag Magdy]

انتي عارفة؟
المشكلة انه كله في الاول بيبقي وهم
وهم كبير كمان
بس نعمل ايه في اللي عقلهم مريحهم
بس انتي اتكلمي معاها مرة واتنين وتلاتة
بس اهم حاجة تفهميها ان النت مش بيجي من وراه حاجة عدلة والله
وفي ناس مش بتقتنع بالحب اصلاً
يبقي ازاي ها يبقي في حب نتاوي؟
حاولي بس تقنعيها
وفهميها ان ده شاب بيلعب بيها
لان والله مفيش شاب ها يحب واحدة من غير ما يكون عارف اصلها وفصلها وبنت مين ونظامها ايه في الحياة
وربنا يقدم اللي فيه الخير

[أحمد عمر]

اهلا طيف

بالاضافه لرأى سراج فبعد كده ضرورى تبلغ ام البنت قبل ما يطور الموضوع اكبر لان تفكرها ف انها تقابله معناه ان الموضوع اخد منحى اكبر وبخاصه ف السن دا بتكون العاطفه غالبه ع العقل وما بيكونوا قادرين ع التفكير بشكل سليم

ربنا يحفظنا ويهدينا جميعا
تسلمى

[طيف عابر]

انتي عارفة؟
المشكلة انه كله في الاول بيبقي وهم
وهم كبير كمان
بس نعمل ايه في اللي عقلهم مريحهم
بس انتي اتكلمي معاها مرة واتنين وتلاتة
بس اهم حاجة تفهميها ان النت مش بيجي من وراه حاجة عدلة والله
وفي ناس مش بتقتنع بالحب اصلاً
يبقي ازاي ها يبقي في حب نتاوي؟
حاولي بس تقنعيها
وفهميها ان ده شاب بيلعب بيها
لان والله مفيش شاب ها يحب واحدة من غير ما يكون عارف اصلها وفصلها وبنت مين ونظامها ايه في الحياة
وربنا يقدم اللي فيه الخير

شكرا كتير سراج لتنويرك الموضوع وردك عليه واهتمامك
واكيد البنات في هذه الحاله محتاجين جدا يسمعوا رأي الشباب
تسلم يا رب
يبارك بقلبك لتقديم النصح
مشكور جدا

[طيف عابر]

اهلا طيف

بالاضافه لرأى سراج فبعد كده ضرورى تبلغ ام البنت قبل ما يطور الموضوع اكبر لان تفكرها ف انها تقابله معناه ان الموضوع اخد منحى اكبر وبخاصه ف السن دا بتكون العاطفه غالبه ع العقل وما بيكونوا قادرين ع التفكير بشكل سليم

ربنا يحفظنا ويهدينا جميعا
تسلمى

مشكور جدا احمد على تعاونك واهتمامك
وانا برضه معك واوافقك الرأي ولكن انا اخشى ان تعمل شيء من دون معرفة والدتها
تسلم يا رب على الرأي الجميل

[شمس]

اهلا طيف بصراحة النت ده بقى مشكلة وياما لسة حنشوف البنت دي طبعا مش حتسمع لكلامك لانها عايشة في دوامة اسمها الحب وتفكيرها كلو رايح لحتة تانية فالحل ولو انو مش حل لاننا منعرفش لو انتي قلتي لامها ايه لي ممكن يحصل خصوصا لو كانت الام غير متفهمة وللاسف فيه كثير وده ميمنعش انك تقوللها حتى ولو مقدرتش تعمل حاجة المهم تكون على علم وتراقب تصرفات بنتها لانها الاقرب ليها اتمنى اكون قدرت احل معاكي المشكلة وربنا يوفقك

[طيف عابر]

اهلا طيف بصراحة النت ده بقى مشكلة وياما لسة حنشوف البنت دي طبعا مش حتسمع لكلامك لانها عايشة في دوامة اسمها الحب وتفكيرها كلو رايح لحتة تانية فالحل ولو انو مش حل لاننا منعرفش لو انتي قلتي لامها ايه لي ممكن يحصل خصوصا لو كانت الام غير متفهمة وللاسف فيه كثير وده ميمنعش انك تقوللها حتى ولو مقدرتش تعمل حاجة المهم تكون على علم وتراقب تصرفات بنتها لانها الاقرب ليها اتمنى اكون قدرت احل معاكي المشكلة وربنا يوفقك

يعنى اولا اسمحيلي اشكرك شكر كبير كبير على اد كبر قلبك يا شمس

تانيا رد وجواب رائع ومقنع

وانا اللي بشكرك لمساعدتى في المشاكل المطروحه
تسلمى يا رب وما يحرمناش منك
يا قمرنا

[المعلم عجوة كرامل]

انتى لازم نصيحها تانى وتالت وتنبها بخطورة الموضوع دا
وانتى لازم تبلغى والدتها لان هذا واجب الصداقة عشان متقعش فى مشكلة اكبر وهى ممكن تزعل شوية بس هتعرف بعدين انك صح

[طيف عابر]

انتى لازم نصيحها تانى وتالت وتنبها بخطورة الموضوع دا
وانتى لازم تبلغى والدتها لان هذا واجب الصداقة عشان متقعش فى مشكلة اكبر وهى ممكن تزعل شوية بس هتعرف بعدين انك صح

شكرا كتير معلم عجوة على اهتمامك وردك
تسلم يا رب ويبارك فيك

[ساندرا]

انا بقول بردو امها تاخد خبر احسن از اختها الكبيرة لو الها اخت
يجزيكى الخير وكل يلي شاركو بردو يجزيهم الخير