واخره المشاهدات ايه.....

[دره]

بسم الله الرحمن الرحيم



السلام عليكم ورحمه الله وبركاته







ايه رايكم لو مثلا انت او انتى دخلت موضوعك او موضوع حد تانى وكان الموضوع فى الحالتين هادف

وبعد كده تبص تلاقى ان العضو ده مقيمش الموضوع

ولا قال رايه فيه

وممكن تبقى مثلا محتاج تعرف راى العضو ده فى موضوعك

انا جربت الاحساس ده زعلت فى الاول بس بعد كده بقيت اريح اعصابى واقول يمكن هو محسش بقيمه اللى عايزه اوصله

عايزه اعرف رايكم ايه وحصل الموقف ده ولا لاء معاكم

واحساسكم ايه بعد كده

بجد يهمنى رايكم

اه نسيت اقول مبحبش المشاهدات بس ...........

والسلام عليكم ورحمه الله وبركاته

[الحريه]

اه نسيت اقول مبحبش المشاهدات بس ...........

ايه رئيك دلوقتى انا شاهدت موضوعك وقيمته ورديت عليه

انا رئيى بصراحه فى الموضوع ده

ان فى ناس بتتأثر من المواقف دى

وفى ناس ولا بتفرق معاها

وبعدين كمان

ولا اقولك كفايه كده هههههههه

تسلمى يا اسماء على طرحك للمواضيع المهمه

[هناا]

ياربي بجد اتكلمت هنا في نقطة مهمة أوي
يعني أي كاتب بيحط موضوع أو حتى معلومــة أو شعــر
وخصوصاً الكتابات الخاصة بيبئا محتاج جداً يعرف رأي الأخرين فيها
يعني يحس انه محتاج فعلاًدة وبتبئا صعبه أوي ومحبطة جداً
أنه يلاقــي نسبة المشاهدات عالية جداً ويمكن تبئا أعلى مشهدات في مواضيع القسم كله
لكن مفيش ولا رد أو رد او اتنين بس
بتخليه ميحطش ولا موضوع تاني يعني بتقلل نسبة الحماس عنده
يعني أنا حطيت شعر كمثال نسبة المشاهدات هتقرب تبئا200والردود قليلة جداً
وفي نفس الوقت أسعدني وجود تقييم عليه أوووي
إحنا بجد محتاجين نلاقي ردود تقيم الموضوع بشكل راقي طبعاً
أو تقول كنا هٌنا على الاقل هههههههههه
ميرسي عالطرح المهم ده

[هشام اللول1]

موضوع جميل وحساس اسماء

والله يا اسماء لازم نلتمس الاعذار لبعضنا
ممكن يكون اللي دخل الموضوع ده

النت فصل عليه
او دخل الموضوع وانشغل بحاجه تاني
او بيحب يتناقش و حس انه الموضوع لا يحتاج نقاش
ومش بيحب يكتب شكرا علي الموضوع والسلامه عليكم

وفي اعذار كتير لازم نلتمسه لبعض

انا بيحصل معاي كتير كده زيكم برده
بس عادي لازم التمس العذر لاي حد

موضوع جميل اسماء
وانتي مشغله مخبرين بقي ولا ايه


بارك الله فيكي وحفظك ورعاكي

[دره]

ايه رئيك دلوقتى انا شاهدت موضوعك وقيمته ورديت عليه

انا رئيى بصراحه فى الموضوع ده

ان فى ناس بتتأثر من المواقف دى

وفى ناس ولا بتفرق معاها

وبعدين كمان

ولا اقولك كفايه كده هههههههه

تسلمى يا اسماء على طرحك للمواضيع المهمه

هو ايه بقى ده
مفيش كفايه كده دى اتكلمى وقولى كل اللى نفسك فيه
بس ميمنعش ان ساعات الواحد بيتضايق
ربنا يحميكى يارب

[دره]

ياربي بجد اتكلمت هنا في نقطة مهمة أوي
يعني أي كاتب بيحط موضوع أو حتى معلومــة أو شعــر
وخصوصاً الكتابات الخاصة بيبئا محتاج جداً يعرف رأي الأخرين فيها
يعني يحس انه محتاج فعلاًدة وبتبئا صعبه أوي ومحبطة جداً
أنه يلاقــي نسبة المشاهدات عالية جداً ويمكن تبئا أعلى مشهدات في مواضيع القسم كله
لكن مفيش ولا رد أو رد او اتنين بس
بتخليه ميحطش ولا موضوع تاني يعني بتقلل نسبة الحماس عنده
يعني أنا حطيت شعر كمثال نسبة المشاهدات هتقرب تبئا200والردود قليلة جداً
وفي نفس الوقت أسعدني وجود تقييم عليه أوووي
إحنا بجد محتاجين نلاقي ردود تقيم الموضوع بشكل راقي طبعاً
أو تقول كنا هٌنا على الاقل هههههههههه
ميرسي عالطرح المهم ده

تسلمى يا هنا عالرد الرائع ده
بس انا مشفتش الشعر بتاعك كنت اتمنى اشوفه
بس كفايه وجودك فى موضوعى
ربنا يكرمك يارب

[دره]

موضوع جميل وحساس اسماء

والله يا اسماء لازم نلتمس الاعذار لبعضنا
ممكن يكون اللي دخل الموضوع ده

النت فصل عليه
او دخل الموضوع وانشغل بحاجه تاني
او بيحب يتناقش و حس انه الموضوع لا يحتاج نقاش
ومش بيحب يكتب شكرا علي الموضوع والسلامه عليكم

وفي اعذار كتير لازم نلتمسه لبعض

انا بيحصل معاي كتير كده زيكم برده
بس عادي لازم التمس العذر لاي حد

موضوع جميل اسماء
وانتي مشغله مخبرين بقي ولا ايه


بارك الله فيكي وحفظك ورعاكي

ههههههههههههه
مش مشغله مخبرين ده المخبرين نفسهم
هو انت عندك حق المفروض نلتمس الاعزار ولازم يبقى فى تشجيع للعضاء بردو
وادى عندك مثلا الموضوع شافه حوالى حاجه و30 ورد كام 3
والله الواحد مش عارف يعمل ايه
ربنا يهدى الجميع
ويباركلك يارب يا هشام
منور بجد

[قطره ندي]

موضوعك مهم يا اسماء
طبعا انا حصلي كده كتير في الاول كنت بزعل جدا عشان مكونوش يئضروا التعب
بس بعد كده خلاص عادي يعني
تسلمي اسماء علي طرحك المتميز

[مونه]

السلام عليكم ورحمة الله وبركاته
سمسم روح قلبى يارب تكونى بخير
وحشتينى خااااااااااااالص
وبعدين مين ده اللى يقدر يدخل لأسماء موضوع
ويطلع من غير مايرد دى مهزله لابجد موضوع
جميل ويستاهل النقاش بس أنا مع كلام أخى
الفاضل هشام لازم نلتمس ليهم العذر
على الأقل علشان إحنا نستريح ونريح نفسنا
وبجد سلمتى وسلمت يمينك على الطرح المهم ده
يالله بقى سلام علشان إحنا لسه الصبح
وبلاش نصدعك كده من أول النهار
قولى أمين قولى كمان أمين
عارفه على إيه عندى طريقه ممكن
أقدر أكلمك بيها بس قولى يارب تنفع
يااااااااااااااااارب أميييييييييين

[معا لنصرة ديننا]

لا تغضبي أختي والله
أنا كتييير جدا جدا بعمل كده بس والله مش مش برد تقليل من قيمة المواضيع أقسم بالله أبدا
بس فعلا ببقي مشغول جدا جدا جدا أنا يعلم ربي أني بدأت أتعب جدا جدا من جلوسي أمام الكمبيوتر
والبيت هنا خلاص قربوا يضربوني بجد فببقي مشغول جدا جدا يعلم ربي ما أنا فيه 6 صفحات فيس بوك وجروبات ومنتديات أخري والحمد لله أني برد الآن هههه
ربي يحفظك أختي ويبارك في عمرك يارب العالمين
وأعتذر مرة أخري