اتعودنا عليها وخلاص؟؟؟؟؟

[هبةالله]

سؤال بسيط ساعات بسأله لنفسي وكتير مننا بيسأله لنفسه

كتير مننا بيحب الصلاة وعاف إنّها مهمّه جداً بس مش بيصلّي ساعات

وساعات اللي بيصلّي مش بيصلّي السنن ولا قيام الليل

رغم إننا بنحب الصلاة بجد

وكتير مننا بيحس قلبه طاير وهو بيقرأ القرآن أو بيسمعه من قارئ هو بيحبّه

ومع ذلك نادر لمّا نقرا قرآن غير في الصلاة بالكتير

كتير بيحب الأطفال ونفسه يعطف على يتيم وياخد حسنات بالملايين

ورغم كده محدّش فينا دوّر مرّه على حد يتيم يعطف عليه

وكتير نفسنا نشوف برامج لشيخ أو داعيه بنحبّه

بس نادر إننا نكون تابعنا برنامج او إتنين بحلقاتهم كاملة

رغم إننا بنتابع مسلسلات أجنبي وعربي بتوصل لخمس وستّ سيزونات

ليـــــــه؟؟؟

ببساطة علشان احنا مش واخدين بالنا إحنا بنعمل إيه.......ماشيين مع التيّار

بنصحى....ونستنّى اليوم يخلص.....وننام

أياً كان الأسباب أو الدوافع اللي شاغلانا ....دي حاجه هنفضل فيها طول
عمرنا مش هتتحل ببساطه زي ما الناس بتقول (لمّا أكبر هعقل) ......لأ مش
هتتحل كده ......هو ممكن نقول لمّا أكبر هفكّر أكتر

طيّـب ما تيجوا نفكّر دلوقتي وناخد خطوات مع بعض

هو إحنا بنحبّ إيه أكتر!!؟.....الحاجات اللي لسّه قايله عليها فوق دي

ولا اللي بنعمله في العادي

مسلسلات..........تليفزيونات...... أغاني.......كليبّ ات

كافيتيريات........طاوله وشيشه وكوتشينه وكل وسائل الترفيه

النــوم....هوايه جميله عند بعض الناس

القعده على النت بلا هدف....أي كلام بيتقال

أروح عند صاحبتي ونقعد نرغي ونعمل أي حاجه لحد اليوم مايخلص

ننزل أنا وصاحباتي نلف نتفرّج على الفاتارين ويمكن نشتري حاجه

شويّه ممكن نروح النادي بقى نخلّص اليوم بقى يمكن بكره يكون مش ممل زي النهارده

لو ركّزنا والله هتلاقو إننا بنحبّ الحاجات اللي فوق اكتر من الحاجات اللي
تحت....بس إحنا متعوّدناش من صغرنا نقف ونختار اليوم هيمشي
إزّاي........بس دلوقتي لازم نقف بقى ونفكّر......أكيد زهقنا من كتر الملل
اللي إحنا فيه وأراهن إن ناس كتييييير كده.........ياريت
بقى نقف ونفكّر إحنا عايشين ليه؟؟؟ وبنسيب أيامنا تضيع على الفاضي كده
ليه؟؟؟؟

ياريت ناخد قرار إننا نعمل أي حاجه بنحبّها ونبطّل نعمل حاجات لمجرّد إننا (إتعوّدنا عليها) ومبقتش بتفرّحنا

[فتى الإسلام]

جزاكي ربي خيرا
بس المشكلة إن الجنة حفت بالمكاره
يعني الواحد عارف أن دا الافضل
وهذا هو الطريق إلى الجنة
ولكن النفس البشرية
أكبر عدو دائما تريد الراحة !!
تريد الكسل !!
ولكن من منا يجاهد نفسه؟؟ ويكرها على فعل مالا تريد؟؟
فأفضل شئ
ترى ما لا تريده نفسك وتفعله
ونسأل الله أن يهدينا إلى الحق وإلى طريقه المستقيم
دمتي بخير وصحة

[هبةالله]

جزاكي ربي خيرا
بس المشكلة إن الجنة حفت بالمكاره
يعني الواحد عارف أن دا الافضل
وهذا هو الطريق إلى الجنة
ولكن النفس البشرية
أكبر عدو دائما تريد الراحة !!
تريد الكسل !!
ولكن من منا يجاهد نفسه؟؟ ويكرها على فعل مالا تريد؟؟
فأفضل شئ
ترى ما لا تريده نفسك وتفعله
ونسأل الله أن يهدينا إلى الحق وإلى طريقه المستقيم
دمتي بخير وصحة

جزاك الله كل خير اخي علي مرورك الجميل

[بك أستجير فمن يجير سواك]

جزاك الله كل الخير اختى
بوركنى وحفظك الرحمن على الطرح الطيب والمنير
اسال الله ان ينير دربك ويحقق كل امالك ويجزيك الجنه باذنه
تحياتى ووفير احترامى غاليتى

[_EVE_]

جزاك الله خيرا
وجعله الله فى ميزان حسناتك
تسلم الايادى هبة

[&!! Who's care&]

جزاكى الله خيرا ياهبة
حفظكى الله ورعاكى

[هبةالله]

جزاك الله كل الخير اختى
بوركنى وحفظك الرحمن على الطرح الطيب والمنير
اسال الله ان ينير دربك ويحقق كل امالك ويجزيك الجنه باذنه
تحياتى ووفير احترامى غاليتى

جزيتي خيرا اخيتي علي مرورك الطيب الذي افتخر به
حياكي الله

[ابو تريكه]

بارك الله ف عمرك وعظم لكى الاجر والثواب

[Ṃỏ7äṃΣď Ụ-ĐęṾĭ Ĺş]

جزااكى الله كل خير

[الحريه]

اللهم اغفر لنا تقصيرنا وانر قلوبنا بطاعتك ورضاك
اللهم امين يارب العالمين
جزاكى الله خيرا اختى وجعله فى ميزان حسناتك