قناه السويس بتسلم عليكم

[avatar22]

اولا كل سنه وانتم طيبين بمناسبه الشهر الكريم اعاده الله عليكم جمعيا بالخير والبركات
انا هدخل في الموضوع علي طول
اتكلمت قبل كده عن ترشيد الكهرباء في مصر
هتكلم انهارده عن الكنز القومي ( قناه السويس ) اللي المفروض انها ملكك لمصر لكن الله اعلم بقي هيا ملك مين.
قناه السويس بتدخل كل سنه مليارات الجنيهات حد يقدر يقولي بتروح فين .
طيب لو فعلا الحكومه بتستثمر المليارات دي في مشلريع قوميه هيا فين المشاريع دي
ولو فعلا في مشاريع بتتم الشعب اللي مات في حفر قناه السويس ومات بسبب تاميم القناه ايه وجه استفادته من المشاريع دي ان وجدت اصلا
من فتره قريبه صرح رئيس هيئه قناه السويس وتفضل مشكورا واوضح ان نسبه ايرادات قناه السويس للسنه دي زادت بنسبه كويسه جدا عن السنه اللي فاتت ده شئ جميل بس برضه كالعاده ربنا يخلي سويسرا
المهم الثروه دي والكنز ده امتي الشعب هيستفاد منه دم الناس اللي ماتت ظلم وهيا بتحفرها مين هيديها حقها دم الناس اللي ماتت علشان بتدافع عن حقها لما حصل العدوان الثلاثي 56 بسبب تاميمها وروجوعها للسياده المصريه هل واحنا بنحتفل كل سنه بزكري تاميم قناه السويس وبنجيب افلام تاريخيه علي الفضائيات افتكرنا حد من اللي ماتوا وهما بيحفروها بذمتكم حد فيكم بيقرا القاتحه علي روحهم
احنا لينا حق في البلد دي وهيا ليها حق علينا بلدنا مليانه خير بس للاسف الشر اكتر وده اللي مخلينا عالم تالت علي طول عمرنا ما هنتقدم
سامحوني لو كلامي دايقكم بس انا اتعودت اكون صريح واتمني انكم ما تزعلوش مني بس بجد كان لازم اتكلم في الموضوع ده وانتوا اللي عودتوني اني ما اسكتش اتمني من الله دوام المحبه بيننا
وكل سنه وانتوا طيبين

[king of sadness]

ربنا يخلى أحمد بية فاضل...
الراجل دة ميحبش يكدب ياجماعه ...صرح أن قناة السويس جابت إيرادات كويسة السنة دي على كد الموظفين والمش موظفين وسويسرا ....وبعدين المبلغ مش الى هو المبلغ ....بصراحة يا جماعه يعنى إيه 4مليار ونص ودولار يعنى حوالى البيتلاتبليبلتنيل يساوي 25مليار ونص جنية مصرى ودة طبعا مش مبلغ علشان يعمل بية كام مستشفى وكام مصنع وكام شركة دة كلوا خاص طبعا ... وبعد دة كله عاوزين من الراجل يطلع جزء لأهلى الناس الى ضحت بحياتهم علشان قناة السوس سواء الناس الى حفرت او الى حررت قناة السويس مش كفاية إنهم بيحتفلوا بنهب قناة السويس للمرة 54 حرام والله بلاش يا جماعه نحسد الناس الشريفة دي ...
إحنا مش فى إيدينا حاجة غير إننا نقول حسبنا الله ونعم الوكيل وبس ... هو دة إلى نقدر نقولة
وبشكرك جدا على هذا الموضوع

[السيف المسلول]

قناه السويس فلوسها للحكومه انما الغلب والشقا للشعب المطحون
تقبل مرورى