هل فعلا تستحق انك تكون مصرى

[الكاتشو]

لو سألتك إنتى مصرى تقوللى إيه

هتقولى مصرى وابن مصرى

و ابن مصر الله عليه

ولما سألت مصر مين فيكى يبقى مصرى قالتلى إيه

لما سألتها مين فيكى صحيح الله عليه

قالت

:ولادى زمان خلونى بلد الحضارة

وأرضى كانت للعلم منارة

كانوا سابقين العالم وبجسارة

وحتى لما جه الإستعمار

عشان يخلينى أنهار

وقفله ولادى الأحرار

والتاريخ شاهد وعنده الأخبار

من زمن أحمس لحد السادات أبو الأنوار

هاااااااااااااااااااااااا ا

ه......................

هاااااه إيه .....................

مالك يا مصر سكتى ليه??!!!!!!!!!!!

صبرك عليا مهوا دا اللى بقول عليه

قبل ما تسألينى روحى شوفى التاريخ وإسأليه

إسألى قلمه إذا كان عارفكوا ولا إييييه

إنزلى شوارعى وإسأليها

قوليلها فين أحفاد جمال


فين العقول اللى ما يفنيها إغتيال

عدى كم قرن فات ظهر فيهم كام زويل

ومشرفة ويعقوب عددهم ليه قليل

وإسألى ولادى ليه بقوا أشباه عيال

شوفى ليه مية النيل فى دمهم متعكرة

شوفى قلوبهم على بعض ليه متحجرة

ونظرة الإعجاب فى عينهم ع الغرب ليه متسمرة

وإسأليهم إيه شقلب كيانهم وغمى عنيهم

وإسألى القواميس كمان

لغة الكووول دى نزلت فى أى زمان

اللى خلت(حاضر) يعنى (قشطة) و(راجل) يعنى (مان)

وفى الآخر يقولوا أنا اللى بخلت عليهم

دى حتى لغتى سابوها

وأرضى تناسوا يعمروها

ونيلى ميته ياعينى

مبقيتش صالحة يشربوها

يااااه يامصر كل دا شايلاه فى قلبك

المهم قوليلى يلا إيه إجابتك

يعنى معرفش أفضفض بكلمتين

إسمعى ياستى إجابة السؤالين

أولا: كل ولادى مصريين

صحيح كتير منهم كسلانين

بس أنا صدقينى تغيرهم مش محتاج سنين

أما بقى مين صحيح الله عليه

فسأليهم وشوفى الرد إيه

واللى يقولوه أنا موافقة عليه

ودلوقتى بسألكم ...................:

مين شايف نفسه منكم





يستاهل يبقى الله عليه.....................

[Ali Pharouq Najar]

رائعة .....

[شروق شريف]

الموضوع جميل جدا والكلام الي فيه في غاية الروعة والاحساس
الكلام كلو صح
جوابي على سؤالك مفيش حد يستاهل الا ولاد زمان الي خل البلد ليها مكان بين الاوطان دلوقتي

[ineedu85]

الله عليك ياعبدالرحمن
الكلام دا كلام راجل مش ماان

[الكاتشو]

شكرا ياجماعه على ردودك ان شاء الله بس نكون احنا كفيلين اننا نكون نستاهل بكده ان شاء الله
متشكر يا زا جوست على ردك ياجميل
ياشروق والله البلد مليانه ناس تستاهل بس المشكله ان الايد الواحدة مبتسقفش لازم حد يمول عشان نقدر نعمل مشكله بلدنا ان اللى معاه فكر مش معاه مال والعكس
شكرا يا اى نيد يو 85
بس سؤالى ليك هو انتى تعرفنى وانا اعرفك ؟؟؟؟؟؟؟؟ ياريت ترد ياجميل



الموضوع منقول

[ineedu85]

[
شكرا يا اى نيد يو 85
بس سؤالى ليك هو انتى تعرفنى وانا اعرفك ؟؟؟؟؟؟؟؟ ياريت ترد ياجميل


الكلمات متميزة وبتعبر عن واقع بنعيشه وشباب مش عنده إحساس بالمسئولية (وإن لم يكن كل الشباب)
وبالنسبة لسؤالك ؟؟؟؟؟؟؟؟؟؟ :
أنا أعتقد ان حتى الآن مفيش حد يعرفني في الكافيه بالنسبة ليك أنا بعد ما قرأت الموضوع حبيت اعرف مبن اللي كتبه فاطلعت على بيانتك

أرجو ألا يكون ذلك قد سبب لك ضيقا

[ماجد m]

جميله أوى
تسلم الأيادى

[الكاتشو]

عادى ياجميل مفيش مشاكل مفيش ضيق ولا حاجه وان شاء الله ربنا مش هايجيب ضيق ابدا

شكرا ياماجد تسلم على ردك

[queen2010]

thank you tobic fantastic

[الكاتشو]

شكرا على ردك ياجميل