عندما يرتبط مصيرك بكليه الصيدله

[الكاتشو]

عندما يرتبط مصيرك بكلية الصيدلة

فاعلم أن فيه إنه في المسألة

ولا تتعجل الفرح متسرعاً

إنك لم تبلغ المجد بسلم


فلتوك بدأت طريقاً بلا نهاية


وحكايتك يا عينى هتبقى حكاية

ستبدأ طريقك بالإلتحاق بإعدادي

وسيراودك ساعتها إحساس غير عادى


ستصحو وتنام تهلوس

يارب أعدى نضيف السنة دى

ولكن الكيمياء بنوعيها تأبى أن تسيبك

فتظاهر أمام نفسك بأنك راضى

وإحمد ربك إنك دخلت أولي وفلت

ودا البادى

و إبدأ بإقناع نفسك أنك ستبدأ من جديد

و إقعد قول حب ما تعمل لتعمل ما تحب

وإحلم إنك يوم ترجع سعيد

بس مالآخر بقولك مهما تقول أو تعيد

لا حياة لمن تنادى...................

لا أمل في يوم عيد

وبعد سنتين أو تلاتة لما يتملك العبور

وتدخل تانية وتحلم ببصيص نور

هتفتح عينيك تلاقيك ياحبى فى الظلام مغمور

وتقعد تصرخ.............مين طفى النور

وتلاقى المصايب نازلة عليك بالدور

فلا تبتئس ولا تحزن

كلها خمس ست سنين وتعدى منها زى الشطور

تآخد كل بلوة.........قصدي كل مادة فى سنة

وتخلص منهم جميعاً إستعداداً لتالتة يا أمور

وتالتة لوحدها تكفى لجعلك

تشد فى شعرك لو لسه موجود وتقول

آآآآآآآععععععع ..............مش عاوز أبقى دكتور

ولما تيجى تجرى تجارب على الفئران

و تبصلها وهى بتموت وتبقى زعلان

فجأة يطرق عقلك سؤال

أى منكما أحسن حال

تلاقى الفار قام فجأة يقولك

أكيد مش إنتي دا شئ محال

أنا وبلا فخر هموت شهيد العلم

لكن إنتى مكمل معاهم يا غلبان

وبعد كاااااام سنة غير قابلة للعد

تلاقى رابعة بتوصل معاك الود

وتقريباً بتآخد فيها مراجعات عاللى فات

مناهج أكل عليها الدهر وشرب فتسمم ومات

وبعد ما فات وما هو آت

وبعد تعبك سنوات وسنوات

بمقبول أخدت لقب دكتور

ولا تحلم بأكثر من ذلك

هيهااات.........هيهات

وابدأ التفكير فى حياتك


مع العلم بإمكانياتك وأولوياتك

وهم كالآتى:.............

No jop ,No future,also in failure become ateacher

No wife ,No life ,go ahead ,,,,,use aknife

40 years, deseases series, it’s okay giving tears

[queen2010]

fantastic but There is despair

[عفريت أفندى]

معقوله يا كاتشو صيدله بتعمل كل ده؟

عموما دى وجهة نظرك

بس انا صيدلى و خلصت و شغال و الحمد لله مبسووط و كله تماااااام

و بحب مهنتى جدا


ربنا معاك يا كاتشو و ينور لك طريقك و يخليك تشوف جمال مهنة الصيدله مش عيوبها و بس


تسلم يا كاتشو

و تقبل مرورى ووجهة نظرى

دمت بود

[الكاتشو]

شكرا ياكوين على ردك ياعسل

يامرهف الاحساس دا كلام قلته مش اكتر وبعدين كليه الصيدله من احسن الكليات فى الدنيا انا بس بهزر وربنا يصلح حالنا كلنا يارب