إوعديني ... أحمد سعيد موسى

[أحمد سعيد]

مش هلومك هعذرك
ازاى حبيبتك تهجرك
الالم فوق احتمالك
والجراح دى بتكسرك
انت قولت اسيبها يمكن
لما ابعد تبقى احسن
يجى بعدى اللى يصونها
وتنسى كل جراحها جدا
بس فكرك ده يااحمد يبقى احسن؟
ليه بنبعد ثم نحزن؟
ليه لأحزاننا بنخضع
طول حياتنا نعيش وندمع
والزمن فينا بيخدع
واحنا بنقول فى الزمان القاسى نهرب
م الألام والآه بنشرب
تفتكر افراحنا ترجع؟

مش هترجع صدقيني
أي نسمه معاها فرحه
وامّا قلت لها " اوعديني "
كات زهور الحزن طارحه
هيا قصة حب كات من عمر سنّي
هيا ضحكة فجر غابت فجأه عنّي
حتى يومي بعدها همّ ومرار
قربها قنديل منوّر جوه قلبي
بُعدها يا أميره .. جرح وويل ونار
الفراق كان غصب عنّي وغصب عنها
صعب ناخده ف يوم قرار
هو دا طبع الحياه ويّا الأحبّه
لم تبالي
مهما عينها فيّا شافت
مهما قلبي قال تعالي
صوتنا مهما يعلا خافت
والقدر صوته اللي عالي
فاعذريني
وان لقيتي دموعي سايله
إعذريني
حبّنا مشهد درامي
فصل جوّه المسرحيه
كل عاشق شاف هيامي
دمعه رايحه .. دمعه جايّه
أهلنا .. سدّوا الطريق
حلمنا .. ميِّت غريق
وامّا ضحّوا بكل شيء
كنت انا وهيّا الضحيه
كل حاضر جوّه مسرح حبنا
شاف الحكايه
كله تابع قد إيه القسوه طاحنه
م البدايه
كله كان خارج بيبكي
من أنيني في العباره
وامّا قلت لها " اوعديني "
نزّلوا فوقنا الستاره
واتملى المسرح دمووووع
واتقفل باب الرجوع
واتكتب كلمة نهايه
صدّقيني

[أحمد سعيد]

موضوع رائع وكلمات معبرة
سلمت يداك

سلمتِ أيتها الرقيقة الرومنسية
مودتي وكل عام وانتِ بخير

[أحمد سعيد]

جميله جدا ومعانيها حلوه اوى
بجد متفوق فى احساسك وكلماتك
دمت متميز

راقية الحضور , بهيّة المرور
الأخت أسماء
أسعدك الله في الدارين
مودتي وتقديري
أخوكِ

[أحمد سعيد]

احساسك حلو
تقبل مرورى

الله يكرمك على رأيك الجميل
صدقني أنا اقل من كدا بكتير
محبتي ووافر مودتي
أحمد

[أحمد سعيد]

اخونا الموهوب اكيد
الشاعر احمد سعيد

ليا طلب
ياريت تحاول اكتر من كده تتواصل معانا
حرام بجد مانقراش قصايدك الجميله دى

وارفة الحضور والمرور

يا أميرة .. إنتي قلتي ف بداية كلامك " أخونا "
يبقى متقوليش ليا طلب , الإخوه تخليكي تؤمري
وأخوكي ينفذ ..
أنا والله مش عايز أدوشكم بس بالخربشات بتاعتي
لإني لا اعترف بشاعريتي إلا الآن
ولكني بحب ( جبر الخواطر ) من الناس المحترمه ذيكم
فالله يجبر بخاطركم جبرتم بخاطر واحد حسستوه انه شاعر
كل سنه وانتي طيبه
ونعم الأخت والله
أخوكِ

[أحمد سعيد]

إخوتي في الله ..
كل عام وحضراتكم بخير
ورمضان كريم
لكم المحبة الخالصة الصادقة في الله لا غير
جمعنا الله جميعا على سرر متقابلين يوم القيامة
تحياتي وتقديري
أحمد موسى

[فاطيما]

شكرا اخي علي الكلمات الرائعه ديه

[أحمد سعيد]

شكرا اخي علي الكلمات الرائعه ديه

وشكرا يا فطيما على المرور الأكثر من رائع دا
كل سنه وانتي
طيبة
أحمد

[اميره بلا وطن]

مش هترجع صدقيني
أي نسمه معاها فرحه
وامّا قلت لها " اوعديني "
كات زهور الحزن طارحه
هيا قصة حب كات من عمر سنّي
هيا ضحكة فجر غابت فجأه عنّي
حتى يومي بعدها همّ ومرار
قربها قنديل منوّر جوه قلبي
بُعدها يا أميره .. جرح وويل ونار
الفراق كان غصب عنّي وغصب عنها
صعب ناخده ف يوم قرار
هو دا طبع الحياه ويّا الأحبّه
لم تبالي
مهما عينها فيّا شافت
مهما قلبي قال تعالي
صوتنا مهما يعلا خافت
والقدر صوته اللي عالي
فاعذريني
وان لقيتي دموعي سايله
إعذريني
حبّنا مشهد درامي
فصل جوّه المسرحيه
كل عاشق شاف هيامي
دمعه رايحه .. دمعه جايّه
أهلنا .. سدّوا الطريق
حلمنا .. ميِّت غريق
وامّا ضحّوا بكل شيء
كنت انا وهيّا الضحيه
كل حاضر جوّه مسرح حبنا
شاف الحكايه
كله تابع قد إيه القسوه طاحنه
م البدايه
كله كان خارج بيبكي
من أنيني في العباره
وامّا قلت لها " اوعديني "
نزّلوا فوقنا الستاره
واتملى المسرح دمووووع
واتقفل باب الرجوع
واتكتب كلمة نهايه
صدّقيني

لو زهور الحزن غلفت الأمانى
تفتكر عمر الفَرَح ماهييجى تانى؟
لما غاب الحلم عنك
والفراق كان أقوى منك
والزمن كان يوم أنانى
لما كان حكم الحياه فارض رحيل
وابتدى يموت جنب منكم
حلمكو وشوقكو الجميل
لما خلصتوا الدموع
لما قلتو خلاص ياحب مافيش رجوع
او تفكير حتى لثوانى
لما كنتوا ف يوم ضحيه
وقلتوا كانت تمثيليه
وانتهى معاها الامان والفَرْح فانى
ليه يااحمد مش تحاول حب تانى
ليه مصمم جوا حزن الماضى تكبر
والحياه الحلوه اكبر
من الامك وانهزامك
والفراق اللى انت قلت مخلوق عشانى
تفتكر عمر الفَرَح ماهييجى تانى؟

[اميره بلا وطن]

وارفة الحضور والمرور

يا أميرة .. إنتي قلتي ف بداية كلامك " أخونا "
يبقى متقوليش ليا طلب , الإخوه تخليكي تؤمري
وأخوكي ينفذ ..
أنا والله مش عايز أدوشكم بس بالخربشات بتاعتي
لإني لا اعترف بشاعريتي إلا الآن
ولكني بحب ( جبر الخواطر ) من الناس المحترمه ذيكم
فالله يجبر بخاطركم جبرتم بخاطر واحد حسستوه انه شاعر
كل سنه وانتي طيبه
ونعم الأخت والله
أخوكِ

بتقول ايه يااحمد؟
حسسناك انك شاعر؟
ومسمى دى كمان خربشات؟
اومال اللى بكتبه انا يبقى ايه بقى؟
على فكره انا اللى شكلى هنسحب
معلش بتقل عليك ياريت تكتب جديد
وياريت كمان لو مش يضايق تطل على كتاباتنا كده وتقولنا رأيك ايه
بس عشان تتأكد ان اللى انت بتكتبه مش خربشات خالص
شكرااااااا