رد مع اقتباس
يا أميره ..المشاركة الأصلية كتبت بواسطة اميره بلا وطن
لمّا مات الحلم فوق كفّ السنين
إتكتب ف القلب جرح بخيط أنين
إبتدى الزهر اللي فتّح ع الأماني
يتخنق ويموت حزين
وابتدى القلب اللي عاشق
ينكر النبض اللي راشق
واختفى لحن السعاده ف خوف دفين
الزمن طول عمره قاضي
والفراق كان حُكمه لينا
د النصيب انا قلبي راضي
مهما هتدمَّع عنينا
طول حياتي .. ولمماتي
حبَّها ساكن ف قلبي
وف كلامي وف سكاتي
بعترف م الذنب ذنبي
جوّه حضن الماضي عايش
بكره مش فارق كتير
سور حنايا القلب بايش
والمرار هوّا المصير
لمّا غابت ...
قلبي سابني وراح معاها
يبقى بسّ ازاي احبّ ف يوم سواها
يا أميره فَرْحي كان ف بحور هواها
وامّا غابت ...
يتِّمت كل الأماني
صعب ييجي الفرْح تاني
كل عاشق آخره دمعه
كلّ حب مسيره فاني
فاعذريني
قهوتنا على الانترنت
