إوعديني ... أحمد سعيد موسى

[هشام اللول1]

كلمات رائعه و احساس اروع احمد
لك مني كل التحيه والتقدير لك

بارك الله فيك وحفظك ورعاك

[أحمد سعيد]

ما اصعبها الوعود حينما يغلف أمانيها الشجن
حينما تلقى على أرض من عذاب لواقع جاف
لا يعرف كم هي عاشقــة
حرف رشيق يعرف كيف تكون الكلمــة
وكيف هو الوصول للقلــوب
دمت بألق
ودي وتقديري

الأخت العزيزة / هنا

اسمحي لنهركِ العذب قبول انحناء فسيلتي لتنهل من كوثره وتغدو نخلة علم وأدب
لا عدمتكِ أيتها الأخت
وافر التقدير والإحترام
أحمد

[أحمد سعيد]

كلمات رائعه و احساس اروع احمد
لك مني كل التحيه والتقدير لك

بارك الله فيك وحفظك ورعاك

الأخ / هشام

لعمري مرورك عندي أغلى من ألف قصيدة
لا عدمتكَ أخا عزيزا
ولك المحبة الخالصة
أخوك

[اميره بلا وطن]

إوعديني
..
.
إوعديني لمّا نبعد
متلوميش ع الذكريات
إوعديني تشطبيني
من سجِلّ الأمنيات
إللي بنّا صفحه عدِّت
ماضي باكي وحلم مات
الجراح كات منَّا فينا
كنا بنفكر ف بكره
واحنا يومنا كان ناسينا
كات بتخدعنا المرايه
كات بترسم لينا ضحكه
لما نغرق ف الدموع
إوعي تبكي ف يوم عليا
ولّا تتمني الرجوع
اضحكي الضحكه البريئه
الفراق والموت حبيبتي
صعب لكن دي الحقيقه
إنكتب نحلم ونبدأ
نركب الأمواج ونسبق
جوه بحر اليأس نرشق
والأماني تموت غريقه
كنّا بنعاند زمنّا
من بداية ما اتقابلنا
كنا بنحاول نجازف
والزمان كان اقوى منّا
إتهزمنا في المحاوله
بس يمكن لسه جوله
طول ما فينا الروح يا دنيا
مش هنعلن إنسحابنا
مهما كان العمر نازف
القلوب ممكن تجازف
تجمع الأحلام وتشرب
ف الطريق نخب انتصارنا
وان عجزنا
والقدر كان اقوي منّا
قولي حاول
وابقي سامحي
عيشي يومك جنب جرحي
وارسميني بشكل تاني
غيّري تقاطيع ملامحي
إرسميني نجمه حالفه
تنتهي وهيا ف مدارك
والا شمعه ف وسط تورته
تتحرق يوم عيد ميلادك
وان قابلتك مرَّه صدفه
قابلي قلبي بابتسامه
م انتي ساكنه جوه مني
من هنا ليوم القيامه
وان لاموكي ف مره قولي
أي حاجة
بس إوعي تنكريني
قولي كان مجنون عرفته
قولي شاعر كان هاويني
كان بيبكي لجل أضحك
وارسم البسمه ف جبيني
أي حاجه .. أي حاجه
بس إوعي تنكريني
واوعي تنسي الفاتحه يمكن
جوه قبري
ترحميني
توعديني ؟؟
...
.
شعر / أحمد سعيد موسى

اكيد يااحمد توعدك
لو كان دا وعد هيسعدك
وازاى بقى تنسى الوعود
وازاى تهون الذكريات
الحب لو تبعد يعود
ويرجع مهما العمر فات
ليه تقول الحلم مات
ليه تقول بلا اشتياق
هل هتقدر يوم يااحمد
تمنع الحب اللى اجمد
م الهروب وم الفراق
ليه بتعلن الانسحاب
وان قايل فوق فى لحظات العتاب
مش هنعلن انسحاب
ورغم ده بتتمنى ليها
دنيا حلوه مابين ايديها
وقولت اوعى تنكرينى
واوعدينى

راااااااااااااااااااااائع ايها الشاعر المتمكن
بجد والله قصيده اكثر من رائعه
نتمنى منك المزيد
تحياتى

[آية الرحمن]

موضوع رائع وكلمات معبرة
سلمت يداك

[دره]

جميله جدا ومعانيها حلوه اوى
بجد متفوق فى احساسك وكلماتك
دمت متميز

[&!! Who's care&]

احساسك حلو
تقبل مرورى

[أحمد سعيد]

اكيد يااحمد توعدك
لو كان دا وعد هيسعدك
وازاى بقى تنسى الوعود
وازاى تهون الذكريات
الحب لو تبعد يعود
ويرجع مهما العمر فات
ليه تقول الحلم مات
ليه تقول بلا اشتياق
هل هتقدر يوم يااحمد
تمنع الحب اللى اجمد
م الهروب وم الفراق
ليه بتعلن الانسحاب
وان قايل فوق فى لحظات العتاب
مش هنعلن انسحاب
ورغم ده بتتمنى ليها
دنيا حلوه مابين ايديها
وقولت اوعى تنكرينى
واوعدينى

راااااااااااااااااااااائع ايها الشاعر المتمكن
بجد والله قصيده اكثر من رائعه
نتمنى منك المزيد
تحياتى

أيوه قلت ابقي اذكريني
واوعديني
تحفظي عهد الغرام
موتي فيّا المواجع .. والألام
إنسحابي غصب عنّي
والدموع دي كات لأني
مش بإيدي احفظ هواها
كات ربيع مفروش ف كوني
كنت انا خارج مداها
م البدايه
حبنا نازف هموم
والبراح جوّه ف سمايه
كان ملبّد بالغيوم
والنجوم ماتت حزينه
والقمر مقبلش لوم
متلوميش يا أميره اخوكي
الأسى هدّه وأذاه
والفراق كاسر جناحه
فاختفى طوق النجاه
يا أميره إسمي ميِّت
بس فوق قيد الحياه
فاعذريني


........
أختي الغالية / أميرة
أرجو أن تقبلي - كرما - هذه المداخلة الكيبوردية الإرتجالية بعلاتها
فهي وليدة اللحظة ردا على مداخلتك القيمة
محبتي ووافر مودتي
أخوكِ

[اميره بلا وطن]

أيوه قلت ابقي اذكريني
واوعديني
تحفظي عهد الغرام
موتي فيّا المواجع .. والألام
إنسحابي غصب عنّي
والدموع دي كات لأني
مش بإيدي احفظ هواها
كات ربيع مفروش ف كوني
كنت انا خارج مداها
م البدايه
حبنا نازف هموم
والبراح جوّه ف سمايه
كان ملبّد بالغيوم
والنجوم ماتت حزينه
والقمر مقبلش لوم
متلوميش يا أميره اخوكي
الأسى هدّه وأذاه
والفراق كاسر جناحه
فاختفى طوق النجاه
يا أميره إسمي ميِّت
بس فوق قيد الحياه
فاعذريني


........
أختي الغالية / أميرة
أرجو أن تقبلي - كرما - هذه المداخلة الكيبوردية الإرتجالية بعلاتها
فهي وليدة اللحظة ردا على مداخلتك القيمة
محبتي ووافر مودتي
أخوكِ

مش هلومك هعذرك
ازاى حبيبتك تهجرك
الالم فوق احتمالك
والجراح دى بتكسرك
انت قولت اسيبها يمكن
لما ابعد تبقى احسن
يجى بعدى اللى يصونها
وتنسى كل جراحها جدا
بس فكرك ده يااحمد يبقى احسن؟
ليه بنبعد ثم نحزن؟
ليه لأحزاننا بنخضع
طول حياتنا نعيش وندمع
والزمن فينا بيخدع
واحنا بنقول فى الزمان القاسى نهرب
م الألام والآه بنشرب
تفتكر افراحنا ترجع؟

[اميره بلا وطن]

اخونا الموهوب اكيد
الشاعر احمد سعيد

ليا طلب
ياريت تحاول اكتر من كده تتواصل معانا
حرام بجد مانقراش قصايدك الجميله دى