انا والتليفزيون ورمضان ,, انا تايه وحيران

[HoBa HoBa]

السلام عليكم ورحمة الله وبركاته

أنا والتليفزيون ورمضان
أنا تايه وحيران
...و التلفزيون بيكلمني في ثوب المحسن الغلبان
أما رمضان فهو الرحمه والمغفره والعتق من النيران
*
*
*

الاستعداد لرمضان
المشهد الأول : ( التلفزيون بيعرض البرومات الخاصه بالمسلسلات والأفلام )
أنا : ممممممم
التلفزيون : أيه مالك ... مش عاجبك كل العروض اللى انا وريتهالك !!
أنا : بالعكس ، بس هو لازم يعني تعرضوا كل المسلسلات والأفلام دي في رمضان
التلفزيون : هدفنا منها أننا نسلي صيامك .. ونحلي أيامك
أنا : معاك حق أكيد ، أنا قاعد في رمضان على التلفزيون ليل نهار وهتابع كل الجديد
التلفزيون : بارك الله فيك ، وأعانك على ما قدمناه إليك
*
*
*

في 1 – 10 رمضان
المشهد الثاني ( وقت السحور )
التلفزيون : رايح فين
أنا : هقوم اتسحر
التلفزيون : طيب اتسحر وانا معاك ،
هتفوت يعني الحلقه دي
أنا : آه صح ، بس انا بعد السحور عاوز
انام وحاسس ان عيني تعبتني اوي
التلفزيون : طيب قوم نام ... اتسحر ونام بسرعه
رمضان : يلااا اصحى صلي الفجر
أنا : حرام عليك انا هلكان ... انا طول
الليل سهران وطول النهار صايم وتعبان
رمضان : مش قولتلك المسلسلات مش بتخلص!!!
*
*
*

في 10 – 20 رمضان
المشهد الثالث : في نهار رمضان

رمضان : كده انت تفسد صيامك ، بلاش تلفزيون
أنا : هو انا عملت ايه يعني ، انا بسلي صيامي
رمضان : سلي صيامك بختم كتابك
أنا : هقرأ قرآن بعد الفطور ، دلوقتي انا
تعبان وراسي بتدور
رمضان : طيب قوم ساعد أهلك في
تحضير الفطور
أنا : شويه وهقوم ، أخلص الحته دي بس
*
*
*

العشر الأواخر من رمضان
المشهد الرابع (دا وقت صلاة التراويح )
أنا : يا سيدي خلاص سبني ، قولتلك
هخلص المسلسل دا وبعدين هنزل أصلي التراويح
رمضان : المسلسل مش هيخلص ، ولا اللى بعده هيخلص
أنا : طيب حاضر هقوم هقوم
رمضان : قوم لرحمة رمضان وللعتق من النيران
أنا : حاضر هخلص المسلسل دا بس
واقوم اصلي في البيت هو لازم التراويح في المسجد يعني

رمضان : إلحق نفسك قبل فوات أوان
الحسنات ، وتب قبل كتابة السيئات
أنا : ــــــــ
*
*
*

ليلة العيد
المشهد الخامس ( يا حسرتنا على ما فرطنا فيها )
أنا : رمضان خلاص خلص ، وانا زي ما كنت ، معملتش أي حاجه
ضيعت وقتي في مسلسلات وافلام ،
وخسرت الرحمه والمغفره والعتق من النيران
التلفزيون : لا أبداً مخسرتش أي حاجه ،
تعالى كده هدي اعصابك وروح عن نفسك ،
انا عملت برنامج هايل في 3 ايام العيد

رمضان : بل خبت وخسرت ، فأهل الفن والعفن لا يرجون من عملهم إلّا
تجارة أجساديتربحون بها لإثراء دنياهم على حساب دينهم,
ومن تبعهم فسيخسر دينه ودنياه معاً ، فلا مربح من روائهم إلا الذنوب ،
فكيف بالله عليك ترفض دعوة من فتح لك أبواب الخير وترتمي في أحضان ما أرادوا بك خيبه وخسراناً
كيف بالله عليك ضيعت أوقاتك بين معصيةوأختها,
حتى إذا ما ذهب رمضان وذهب معه بعضك فتحت يديك فإذا هما خاويتين,
ونفضت ثيابك فإذا هي دنسة من المعاصي,
وكان الأجدر أن تفتح يديك فتجدالكثير من الحسنات تستشعرها بما قدمت من ختمات للقرآن,
وصدقات للجائعوالظمآن, صلوات في دلجة الليل,
وركعات مع المسلمين في فرائض وقيام,
حلقاتللقرآن, ومجالس لتواصل الأرحام,
محبة وإطعام ودعوة ودعاء,
إخبات ورجاء, فيالخسارة من ترك كل
هذا الخير وارتمى في أحضان اللئام.
أنا : صدقت يا رمضان ، فأنا لم أحصد
سوى الذنوب والآثام
وحُرمت الحسنات والاحسان
فاللهم اغفر لي ذنبي وبلغني رمضان

و والله يااارب لأكونن فيه من خير عبادك
ولن يكون هناك تلفزيون في رمضان
القادم نهائياً ... أعدُكَ ياااارب
*
*
*

أخي واختى فى الله
هذه دعوه لمقاطعه الأفلام
والمسلسلات في نهار رمضان وليله
( وفي سائر الأوقات )
أخي في الله / هذه دعوه لأني أحبك في الله
ولا أريد لك إلا الخير
ولا أريد من حديثي إليك إلا الجنه لي ولك
أخى واختى في الله /
" بَعُدَ من أدركَ رمضان ولم يُغفر له "
أتريد أن تكون بعيداً عن ربك ومولاك ...
أتريد أن تتحسر على رمضان بعد فواته

الآن خذ القرار وارفع شعار

[هناا]

اللهم صلي على محمد وعلى آل محمد
بارك الله فيكٍ وجعله في ميزان حسناتك

[HoBa HoBa]

اللهم صلي على محمد وعلى آل محمد
بارك الله فيكٍ وجعله في ميزان حسناتك

بارك فيكى ايضا اختى هنا
وميرسى ع مرورك الجميل ده
منورانى بجد

[ayosha love]

جزاكى الله كل خير على الطريقة فى توصيل الفكرة
و بارك الله فيكى

[HoBa HoBa]

جزاكى الله كل خير على الطريقة فى توصيل الفكرة
و بارك الله فيكى

وجزاكى الله مثله يا ايوش
وان شاء الله تكون فكرة جيده لتوصيل المعلومة
منورانى والله

[آيه محمد]

فعلا والله عندك كل الحق دى حاجه لازم نعملها كلنا نبعد عن كل المسلسلات والبرامج فى رمضان

ونخلينا بس فى الصلاه والقرآن وقيام اليل يااااااااه ماأحلى هذه الأوقات فعلا متعه حقيقيه

شكرا لكى أختى الحبيبه وجزاكى الله خيرا

[ELBRNSISA ESRAA]

موضوعك جميل اوى يا هبه ربنا يخليكى

[HoBa HoBa]

فعلا والله عندك كل الحق دى حاجه لازم نعملها كلنا نبعد عن كل المسلسلات والبرامج فى رمضان

ونخلينا بس فى الصلاه والقرآن وقيام اليل يااااااااه ماأحلى هذه الأوقات فعلا متعه حقيقيه

شكرا لكى أختى الحبيبه وجزاكى الله خيرا

ميرسى يا ايه
وبجد يا ريت الناس تعمل كدة
وفعلا ثوابها كبير اوووووووووووووووووى
منورانى يا جميل

[HoBa HoBa]

موضوعك جميل اوى يا هبه ربنا يخليكى

بجد بجد بجد مرورك هو الاجمل يا سراء
منورانى ومنورة الموضوع كله بجد

[هشام اللول1]

بارك الله فيكي وحفظك ورعاكي
وجعله الله في ميزان حسناتك

دمتي بخير وسعاده وصحه وراحه بال