لا للبرادعى نعم لمبارك...!!!!!

[The dealer]

السلام عليكم ورحمة الله وبركاته

أنا مع مبارك وضد البردعي

لا للبرادعى لأنه رجل خبير فى الأدارة

لا للبرادعى لأنه رجل نظيف لم تتوسخ يداه

لا للبرادعى لأنه مش مسنود من رجال الأعمال

لا للبرادعى لأنه عايز يحكم مصر فترتين بس مش تلاتين سنة

لا للبرادعى عشان هيقضى على الفساد

لا للبرادعى لأنه مش هيبقى فيه رشوة و محسوبية

لا للبرادعى لأنه مش هتلاقى أمين شرطة يرميك من الدور الخامس

لا للبرادعى لأنه مش هيهين و يذل الشعب

لا للبرادعى لأنه هيخلى أمن الدولة تسيب الناس تتكلم

لا للبرادعى لأن معندوش حد من ولاده طمعان فى الحكم من بعده

لا للبرادعى لأنه مش عايز ولاده ياخدو توكيلات نص البلد واللى ملوش خير فى أهله ملوش خير فى حد

لا للبرادعى لأنه رجل قانون و فاهم

لا للبرادعى لأنه مش هيخلى نص نواب مجلس الشعب تجار مخدرات وسلاح ودى عنصرية

لا للبرادعى عشان خد نوبل غصب عن الأمريكان

لا للبرادعى لأنه مش هيبيع الغاز لأسرائيل عشان توفرلهم يعملوا مشاريع فى دول المنبع عشان يقطعوا عليك المية

لا للبرادعى لأنه صاحب مبدأ و مش عايز يشارك فى التمثيلية

لا للبرادعى لأنه رجل غنى و شبعان ومش ناقص شهرة

لا للبرادعى لأنه خاطر بسمعته و دخل عش الدبابير و مفضلش عايش برة مصر ملوش دعوة

لا للبرادعى لأنه هيخلى الشعب يحب بلده

و أخيرا لا للبرادعى عشان لو بقى رئيس أنا هقلع هدومى و أجرى فى الشارع عريان من الفرحة



منقول للامانة

[The dealer]

..............

[عفريت أفندى]

اوك يا ديلر

ده رأيك


عشان كده بتقول لا للبرادعى

ممكن بئه نعرف ليه بتقول نعم لمبارك ؟

اووووووووووبز ( مزنق )

ههههههه

عموما الرساله وصلت

و تسلم الأيادى

[فتى الإسلام]

نعم
للبردعي
بس صدقني دا نظام وراثى
مش أنتخابات
تسلم

[ايسل]

انت عايز تعمل انقلاب ولا ايه بلدنا اسمها
المملكه المصريه العربيه يعنى الملك يمشى يجيلنا ابنه ولو مشى يجى اخوه او ابنه او عمه او جدته ثم مين البرادعى ده ابن مين فى مصر
هل ابوه يقرب للرئيس (لا) اذا هو دخيل على المملكه لا محل له من الاعراب ثم عايز الناس يتعبوا فى العزبه بتاعتهم ويسبوها بعد تلاتين سنه بسهوله كده ليه هما عبط ولا ايه
شكرا ياديلر انك عايز الملك بتاعنا مبارك مش حد تانى

[هشام اللول1]

البرادعي الرجل الصح
في البلد الغلط وفي الوقت الغلط
بس لازم يتحرك اكتر واسرع من كده
لازم يحاول يظهر علي الفضائيات
لازم يحاول يفرض نفسه علي الساحه اكتر من كده

انا عارف انه بيحارب جيش
بس ربنا معاه ومع الشعب المصري

بارك الله فيك وحفظك ورعاك

[The dealer]

(ايسل).... انتى شكلك مقرتيش الموضوع كويس
انا اقصد البرادعى بس بشكل غير مباشر..؟؟؟
انتظر ردك......

[ايمان غانم]

مصر لينا ومش حتتقدم غير بينا

[roro_rawan]

نعم للبرادعى نفسنا فى التغير بقا
وبعدين الرئيس مبارك عمل ايه لمصر علشان تبقى احسن بقالو 30 سنه ولا اى حاجه حصلت ولكن حصل العكس وما شاء الله مصر دلوقتى بقت دوله مش دوله اساسا والله ال مخلينا لسه عايشين هما الناس المصريه اه لو احنا ماكناش مصريين بجد كنا توفينا من زمان من الفساد ..... الخ بجد مفيش زى المصريين دول بجد احسن ناس والله وهوا دا ال مصبرنا

تخيل بقا واحده وفى سنى دا وبتقول الكلام دا اساسا دا دليل على ان حال البلد مش عاجب حد ولا كبير ولا صغير
وبجد انا عاوزة جواب لسؤال (مرهف الاحساس ) مستنيه جواب؟؟؟؟
هتعرف تجاوب ولا .....؟!
تقبل مرورى

[M.GLGL]

مصريين مين دول اللي احسن ناس قصدك تقولي طيبين زيادة عن اللزم لدرجة العبط معلش انا اسف في التعبير بس دة اللي لايق اكتر عشان ايه يتحملوا واحد مدة كبيرة جدا كل اللي بيعملو انه ينهب في خيرات بلدهم ويفضل الكوسة والوسطة و المحسوبية عن الاجتهاد و العمل بضمير دة كفاية انه قدر يخليهم يدورو الساقية كل واحد همه الاساسي انه يجيب فلوس عشان يربي ولاده ويستر بيته وياريته كافي دة حتي لو مش لاقي فلوس بالحلال بيدور علي اي حجة بالحرام دة حتي عرف يغير مفهوم الوطنية والانتماء و الثقافة عند ناس كتير تقدروا تقولو الاغلبية دة لو حد فضل يعد التغيير السلبي والمشاكل و العيوب اللي في عهده مش هيخلص كل دة والمصرين احسن ناس ؟؟؟؟؟؟؟؟؟؟؟؟؟؟؟؟؟؟؟؟؟؟