ثــالــث حلقــــة من .: مصــــــراوي اليـــــوم :. أول برنـــامج اخبــــاري

[ورقه]

السلام عليكم و رحمه الله و بركاته

اهلا بيكم فى تالت حلقه من مصراوى كافيه

ايه دا مش لاقيه نفسى انا فى الكلام الجد دا
بحاول اقلد احمد بس مش لايق عليا صح . ؟؟
ازيكم يا شباب و يا بنات
وحشوتنى والله
انهردا حلقتنا خفيفه .. ان شاء الله تعجبكو ..
المقدمه ليا انا بس انهردا .. هيه (( احم احم حاضر .. )) المخرج دايما بيصوت فى ودنى ..

نبدا باخبار الكافيه ..

غياب الزميل احمد بطيخه فى ظروف غامضه .. عن تقديم الحلقه و انا مستفرده بيها انهردا
يعنى بطولتى النهاردة هاعيش .. احم احم
و كمان وعدناكو ان الحلقه هتبقى كل ثلاثاء ..
هتوحشنا يا احمد هتوشحنا بس مش اوى :ح
فانا للاسف مش هلاقى حد النهاردة اغلس عليه خااالص

الاسبوع دا الكافيه مولع بالمواضيع ناااار
تخاريف ماسنجر و عباره عن حوار خفيف بين ورقه و الزعيم عن مخلتف المواضيع

صديق الاسبوع لمريوما . . و واضح ان نال اعجباب كثير من الناس

و مواضيع كتير مولعه الكافيه الاسبوع دا
بتمنى لكل الاعضاء النجاح و الاستمرار فيه

روجوع على مدكور بالسلامه .. و بقالو الف حمدلله على السلامه ..
و ترشيحو فى موضوع قول اسمك و ماتخفش سرك فى برميل .. و تقرريبا كل الاعضاء بيوجهولو نداء التوجهه فورا الى ساحه الموضوع لبدء ربط الاحزمه و الانطلاق بالاسئله ..

(( ما انا حلوة اهو و بعرف اتكلم لغه عربيه .. عشان احمد بيعد يتريق عليا . ))

...............

ندخل فى اخبار مصر اللى دايما بتبقى كتير ..

( 1 )
بس الاسبوع دا مسيطر عليه اخبار الاضراب ..
و قامت بتغطيه كامله للاطراب الاستاذه شمس الاصيل .. اعتقد انى مهما جبت اخبار مش هيبقى زى تغطيتهم
.. https://forum.masrawycafe.net/showthread.php?t=7833

و احمد التيتى كمان قام بالواجب
.. https://forum.masrawycafe.net/showthread.php?t=7866

بس انا احب طبعا ادى رائى انتو عارفين انه قد ايه مهم لمصر .. كنت بتفرج على برنامج .. قام المذيع عمل اتصالات تليفونيه مع شهاد عيان من الحمله الكبرى اكتر محاظقه حصل فيها الاضراب و اعمال شغب على حد قول شاهد العيان، اعد يقول ايه بقى : دول فقه من الشباب الطايش و دى اعمال شغب و تخريب ليس الا .. و واحد تانى يقول حراااام .. احنا تعبنا . و من حقنا نعمل اضراب .. و الامن المركزى بصراحه قام بالواجب بالقنابل مسيله للدموع .. بجد الامن حاسه بيتعامل كانه مستعمر بلد اخرى و ان الشعب اللى بيعذبه دا شعب هو مش منه .. !!

و يقال بقى ان مصدر كل دا مجموعه من الشباب على الفيس بوك ..
و انا دخلت على جروب من بتاعهم و جبتلكو شويه صور حاطنها ..
وهى طبعا سخريه من الواقع اللى بنعانى منه :

.......................................
( 2 )
يا جماعه فى حاجه غريبه اوى انا بجد جبت اخرى منها .. و بجد متغاظه .. اعلان ..
لا لا مش اعلان عن حاجه ساقعه لا سمح الله ..
اعلان نجمه .. يقال يعنى انها نجمه الاغراء الاولى فى العالم طبعا كلكو عرفتو مين هى ! الفنانه الكبيره ذات الحاجات الغريبه هيفا وهبى .. قناه الاغانى اللى بتعملها الاعلان عن اغنيهتا بقالها شهرين تلاته .. مش كفايه .. ايه دا .. ايه دا .. ليه اصلا .. انا مش بتكلم عن شوقى لرؤيه حاجه تحرق الدم لا لا .. انا بتكلم عن الاسلوب انهم يعملو اعلان عن فيدو كليب .. ! بجد متغاظه منهم اوى .. ارحمنا يا رب ..
و بمناسبه الاعلانات ..
كانوا قرفنا الشهرين اللى فاتوا باعلانات الضرايب اللى تجيب الشلل و الروماتزم و تجيب كل خير بصراحه
...
مرة ميكانيكى و مرة دكتور .. و مره حلاق ..
يعنى بجد حاجه الواحد اكيد يقف عندها و ....
بلاش نكمل احسن ..
بس انا مازلت لا اجد نفعا من هذه الاعلانات غير انها بتجيب الضغط للمواطن الغلبان اللى بيتفرج . !

................................................

( 3 )
جايبالكو خبر .. انا هأسميه (( اللى يشوف لحمه غيرو تهون عليه لحمته .. ))
على الرغم من مخاطر الإصابة بسارس في الصين مطعم للحوم الفئران يحقق ازدهارا

بكين

يحقق مطعم في اقليم كانتون جنوب الصين متخصص في تقديم لحم الفئران رواجا كبيرا رغم مخاطر الاصابة بفيروس السارس.

وذكرت صحيفة شينشيشيباو ان المطعم الكائن في مدينة دجوهاي يستهلك حوالي مائة فأر كبير يوميا رغم تحذيرات السلطات من مخاطر انتشار فيروس سارس من خلال الحيوانات والقوارض ومن بينها الفئران.
ويتناول اهالي الاقاليم فئران الحقول او الجبال مؤكدين انهم لا يخشون شيئا طالما لا يتناولون فئران المدن الا ان الصحيفة حذرت من خطر انتشار المرض ايا كان مصدر الحيوان.
وقد يصل طول الفئران التي يقدمها المطعم الى 20 سم. وابتكر الطهاة طريقة لسلخها مع غمسها في القطران الساخن ومع ازالة طبقة الاسفلت بعد ان تبرد ينزع الجلد معها.
ويلاحظ ان مرض الالتهاب الرئوي الحاد الذي ظهر في نوفمبر من العام الماضي في اقليم كانتون لم يغير العادات الغذائية لسكانه الذين يقبلون على الماكولات الغريبة.
والصين كانت المصدر الرئيسي واكبر ضحايا فيروس سارس مع 349 حالة وفاة من الحالات ال774 التي حصدها هذا المرض في العالم.

يا حول الله .. مش احنا بس يعنى احنا حمير وهما فران . !!!
بس فى اختلاف شاسع
على الاقل الناس اللى بتاكل الفران .. عارفه انها بتاكل فران .
بس الناس اللى بتاكل جمير .. عارفه انها بتاكل ........
لا تعليق .. !

.........................

حقائق لذيذه ..

بما انى فى لغات شرقيه .. و كلمه لغات دى خالتنى افكر هما كام لغه اصلا فى العالم ؟
اعد ادور و لاقيت ارقام غريبه .. بس الرقم دا اتكرر كتير ..ان :
يوجد في العالم نحو 2700 لغة مختلفة وينطق بمعظمها في قارة آسيا .. !

اما بقى بالنسبه للحيوانات فانا من محبى معرفه الحاجات الغريبه . (( فينك يا احمد ))
حجم قلب الحوت الأزرق البالغ يساوي حجم سيارة، أما لسانه فيبلغ طوله نحو 5 أمتار.
(( لسانه طويل اوووى ههههههه . . و قلبه مشاء الله .. ))

أطول عمر يمكن أن تعيشه ذبابة منزلية هو 14 يوماً.
و الواحد فاكر انه لما بيجرى ورا دبانه بيحس انه هو اللى بيموت .. و انها معمره .. سبحان الله ..

و للبنات خبر جامد اوووى .. احمد لو كان هنا كانت الدنيا خربت .
بيقولو ايه
غالبية أنواع أحمر الشفاة تحتوي على مساحيق مستخلصة من قشور الأسماك. و يقال انها جماجم اسماك ..
خدو بالكو بقى هههههههههههه ..

يمكن للرجال أن يقرؤوا الأحرف المكتوبة بخط صغير، بينما يمكن للنساء سماع الأصواتالمنخفضة أكثر.
يعنى ايه .. حاجه بصراحه على قد انها متميزة على قد ان البعض بياخدها بمعانى تانيه ..

المره للى فاتت كان صراصار .. المره دى :
يستطيع رأس الثعبان أن يلدغ حتى بعد مرور نصف ساعة على بتره.

و دا اخر حاجه فى الاخبار الخفيفه ..
سبحان الله بجد
تحتوي شبكية العين على نحو 135 مليون خلية حسية مسؤولة عن التقاط الصور وتمييزالألوان.

.....................................

و ادى sms هاخدها كلها لوحدددى انهردا

مجمان :
بحب اشكر كلالموجودين في البرنامج وانت يا زعيم خاصه .. وانا عاوز اقول حاجه ان لحمه الحمير دي مش موجوده عندنابس دي موجوده في العالم كلهومرسي جدا لانك اهتميت بالموضوعده ...
ايوا .. صح يا مجمان .. موجوده فى امبابا و العتبا و كوبرى عبود .. المشكله دى مشكله عالميه يا راااجل.
نشكرك على sms و احمد هيرد عليك الحلقه اللى جايه ان شاء الله و هنسنتى sms بتاعتك تانى . .

سندرا
حلقه كتير حلوة ومميزة والمقدمين ورقه واحمد بيجننو وبياخدو العقل
تسلمى يا سندرا على sms و يا رب الحلقه دى كمان تعجبك .. يا كميله انتى ..

Lost
والله يا احمد انت و ورقهمش لاقى اى كلام بجدممكن يوصف البرنامج الجامددهوالله خرافهيلا وربنا يوفقكواوالبرنامج يتحسن اكتر واكتر منكده ان شاء اللهبالمناسبهانتوا مش هاتعملوا مراسلين للبرنامجمن كل قسم فى الكافيهينقلكم اخبار القسم ايهوكدههاتبقى حاجه جامده هاتخلى البرنامجاجمد واجمدوالى الامام دائما يامنتدانا الغالى
مرسيه على sms
و ان شاء الله احنا بندرس الموضوع دا و عاملين اوضه عمليات كمان ..

اختراع sms اختراع اعتقد انه جميل ..
وصل العالم كله ببعضه تقريبا ..
فى ثانيه واحده تيك تيك تيك تبقى عارف الخبر قبل ما ينزل ..
..................

اخر فقره معانا انهردا ..
و انا بصراحه اعد افكر . تبقى ايه ؟؟
تبقى ايه فقلت اكيد لازم تبقى عن اعضانا و متابعنا ..
و هى كلمه نوجاها لكل عضو ..

طبعا انا مش هعرف احصر جميع الاعضاء يعنى اللى مش هيلاقى اسمه يا ريت مايرفعش علينا قضيه احنا مش ناقسين ..

نبدا بالبيك بوص
على مدكور : حمدلله على السلامه يا رب تكون جبتلنا هدايا حلوة
سراج : حاسه انك لابس طقيه الاخفا ..
كارثه : يقف مع سراج تحت طقيه الاخفا ..
طيف : زى السكر صاروخ المنتدى ..
سندرا : زى العسل .. حاسه انى مش بشوفها كتير بس طلتها ليها طعم تانى
ساره ديفيل : عفريته المنتدى و معذبه الشباب ..
ريم (بحبك يا بوى ) : مبروك على البانبينو يا ريت لو بنت تسميها على اسمى ..
هموسه : كتوكوته المنتدى ..
مجمان : متغاظ من ورقه عشان موضوع اختلافات الصور .. حاسس انه عامله ليها بس ..
مريوما : عضوه جديده مولعه المنتدى بموضعها الجديد ..
احمد التيتى : قام بالواجب يوم الاضراب ..
يحي : تبع احمد التيتى مختفين بقالهم يومين ..
تيمور : وحشتنا يا راجل . يا عم بان بقى .. و زاكر كويس ..
احمد عمر : باشا المنتدى
الاستاذه شمس : استاذتنا كلنـــــــــا .. و معلمتنا ..
العوامى : العقل المدبر .. و خفيف الظل
ماسمان : مش باين و السبب فى دا تقريبا كروت لشحن ..
لوست : كاتب الخواطر الجميله و الخفيفه ..
و اخييييييرا الزعيم : الحلقه وحشه من غيرك اوى .. مش لاقيه حد ارخم عليه انا ..

خلاااص خلصت اخبارى .. و خلصت فقراتى انهردا ..
هتوشحونى للحلقه اللى جايه ..
و هستنى ال sms و ماحدش يطنش ..
و يا ريت تكتبو جانبها sms انا مش هشم على ضهر ايديى انها sms
احم احم

و خلاص خلاص

اشوفكو الحلقه اللى جايه و حاجات تانيه جديده و متنزوعه و روجوع الزعيم ..

سلامو عليكو .

[طيف عابر]

برافوووووووو ورقه و الحلقه مميزة ولها نكهة خاصه مش لانه احمد مش فيها وبس
لا لانها منوعه كمان وممتعه وخفيفه عالقلب والعقل والعيون
اما الروج --صدقينى ما رح نبطله حتى لو قالولنا عليه سم كمان
هههههههههه

فعلا جميل جدااااااااا جدا
مش مجامله

تسلمى يا قمر

وال sms

خربتيها بموضوع الفيران يا ورقه
ولا بتوصفيها كمان وبدقة وفرحانة كتير يعني وانتى بتوصفي سلخها وووووووو
وشكرا على الحلقه المميزة

[Treka]

جاااااامدة اوى الحلقة بتاعت النهاردة دى
وخاصة الموضوع بتاع الفيران ده

SMS
اول مرة اعرف موضوع الذباب ده
14 يوم مرة واحدة
انا متهيقلى كتير
ولا انتى رأيك ايه ...

[Serag Magdy]

عارفة يا ورقة
مش موضوع طاقية الاخفا ولا حاجة
بس يعني انا شايف ان انا عادي جدا في الكافيه
انما بخصوص كارثة
ربنا يكرمه علشان هو في خطوة انتقالية هامة جداً
وبس بامانة
الموضوع اكتر من رائع
وحلقات اخبارية تمام التمام
بحس اني في برنامج 85دقيقة
بس لا مؤاخذة يا لولي
غياب احمد مأثر حبتين
هو مش مأثر اوي
بس برده الواحد بيحس انه شئ اساسي في مصراوي اليوم
زي ابو تريكة في الاهلي كدة
هو مش زييه اوي ولا حاجة احسن يتطنط علينا بعد كدة ومش يرضي يجدد العقد بتاعه مع الكافيه
وباذن الله ربنا يكرمكم ويبقي كل حلقة بجديد دائماً

[ساندرا]

حلقه كتير حلوة متل يلي قبلها
وماي اس ام اس هي
رجعولنا اخى احمد ولو انو ورقه قامت بتقديم الحلقه كتير ممتازة وحلوة

[MagMan]

يع يع يع يع يع يع يع يع يع يع يع يع

الحلقه من غير الواد بطيخه متسواش ...

سيبك انتي من البرامج بتاعه الرادوي والذي منه ده وخليكي في الفروق احسن ....

SMS

بحب امسي علي كل الموجودين في الكافيه انا والبرنس صايع مصراوي كافيه وعصام نت احنا قعدين دلوقتي بنسمع الحلقه في الرادوي ولوسمجتي ممكن تسمعينا اغنيه العنب للفنان كاظم الساهر ومقطع من اذان المغرب بس كفايه عليكم كده الحلقه دي ..... سلامي ..

[ورقه]

برافوووووووو ورقه و الحلقه مميزة ولها نكهة خاصه مش لانه احمد مش فيها وبس

لا لانها منوعه كمان وممتعه وخفيفه عالقلب والعقل والعيون
اما الروج --صدقينى ما رح نبطله حتى لو قالولنا عليه سم كمان
هههههههههه

فعلا جميل جدااااااااا جدا
مش مجامله

تسلمى يا قمر

تسلمى يا طيف

اهم حاجه انها عجبتك

و فعلا والله عندك حق لو طلع مش جماجم اسماك سم هنحط بردو

هههههههه

[ورقه]

جاااااامدة اوى الحلقة بتاعت النهاردة دى

وخاصة الموضوع بتاع الفيران ده

شوفت عشان ماتقولش اننا عندنا حمير و كلاب اهم طلع عندهم فران


تسلم يا تريكا

يا رب تكون عجبتك

[ورقه]

عارفة يا ورقة

مش موضوع طاقية الاخفا ولا حاجة
بس يعني انا شايف ان انا عادي جدا في الكافيه
انما بخصوص كارثة
ربنا يكرمه علشان هو في خطوة انتقالية هامة جداً
وبس بامانة
الموضوع اكتر من رائع
وحلقات اخبارية تمام التمام
بحس اني في برنامج 85دقيقة
بس لا مؤاخذة يا لولي
غياب احمد مأثر حبتين
هو مش مأثر اوي
بس برده الواحد بيحس انه شئ اساسي في مصراوي اليوم
زي ابو تريكة في الاهلي كدة
هو مش زييه اوي ولا حاجة احسن يتطنط علينا بعد كدة ومش يرضي يجدد العقد بتاعه مع الكافيه
وباذن الله ربنا يكرمكم ويبقي كل حلقة بجديد دائماً

اكييييييييييييد مأثر كفايه انى مش لاقيه حد اغلس عليه

تسلم يا سراج

و ربنا مع كارثه و يعادى المرحله الانتقاليه بسلام ..

و الزعيم دا اساس مصراوى اليوم طبعا ..

زى ابو تريكه الله يتور عليك

[ورقه]

حلقه كتير حلوة متل يلي قبلها

تسلمى يا سندرا ..

يا رب نكون دايما عند حسن ظنكم ..