نفسي اقولك بحبك

[رهيف الاحساس]

قلبى على قلبك نخلق حمامة وطير
ونطير انا وانتى .. نطير
حبيت ابكى فوق انامل قسوتك
ملقيتش ليها مكان
حبيت اكون تاجك ونبراسك
حبيت اكون لعنيكى امان
ملقيتش ليا مكان
انا اللى عاشق
انا اللى دايب فى رموشك
انا اللى مزروع على صدرك دفا والحان
انا الولهان
انا اللى بيحبك كطير هيمان
كيف اقولِّك بحبِّك ؟

وانا اللي فعلا بحبك بس مش طايق ..
تبقي انتي ويّايا ف سفينة حبنا الطارح ورق اخضر..
وريحة البحر الوحيدة اللي تدوّخ رِقِتِك
تنزل عنيكي من الكسوف واللى فيها يبان
خايفة لاشوف في عنيكي حاجة من اللي جوّا
وإيدك المرمر على رجلك ليِتْشَاقَى الهوا من فرحته يخطف طراطيف الجونلّة ..
بضحكة هالّلة
محمّلة براكين وشوق ..
ومخطّية كل الشقوق ..
ويادوب افوق ..
القى السفينة بتمشي بينا تهزنا ..والقاني مش سايق..
فارجع كما الاول .. نفسي اقولك بحبك .. بس مش طايق ..
الاربع اللي فات
صِحْيِت حيطان البيت م الفجر صَحِّتْني ..
كان القمر كسلان والصبح معرفنيش
عيِّل ماليه الطيش ..
بجري على ميعادك ..
وانا جاي في قلبي حكاوي
ولما تمشي... بلاوي ف جِتِّتي قايدة
حاولت احاول اقولها رجعت بلا فايدة
حسيت بإيدِك ونفسِك وصدرِك غيَّروا لوني
نعسان يا جِفْنِك ..
كما شلال وكوم حبال دَلُّوني وعَلّوني
لِسَّاني شَعري اسود
ودراعي قادر يشِيلك
بس العِلَل في الوطن هما اللي علُّوني
كان نفسي اقولك بحبك
خفت اكون كداب يا ام الهوى حقايق
كان نفسي اقولك بحبك بس مش طايق
رتبى شعرى واحفظيه
وان لقيتى شذوذ عدليه
ما انتى اللى بإديكى الدهب كتبتيه
خفت احبك اكتر من حبى اللى مش رايق
كان نفسى اقولك بحبك بس مش طايق
انا اللي عمري ما اشتكيت هجرِك ولا بُعدِك
ولا اشتكيت من وجع صدك ولا ردك
بستسمحك وحدك
خايف عليكي من القصايد تدهنك اسود بلوني
كل كوني قِيلة .. كوني ف كوني ضِلّة
خايف عليكي من الكلام .. اصل الكلام في بلادنا عِلَّة
تحت البيوت عسكر
فوق اللسان عسكر
بين الضلوع عسكر

طب كيف اقولّك بحبك وضلوعي مُحتلّة
انتي اللي من يومِك طريقي
وريقك السيّال كما شلال يا دوبك بلّ ريقي
الليلة بتمرد على ريقي وطريقي وبرفض البلّة
سامحيني يا وحدك
بكرة اما اجيب ارضي حِمْلاها ليكي طيوب
مقدرش اسيب حبي بذرة ف وطن مسلوب
انعس في حضنك كيف ؟؟ ورجولتي مش ملكي
كل اللي رايح روايح اما اللي جايلك فضايح
سُكِّي البيبان سُكِّى

واسمعى صوتى .. اللى نفسى يقولك بحبك
نفسى اقولك بحبك ببال رايق
نفسى اقولك بحبك .. بس مش طايق

[قطر الندي]

مشاركة جميلة شكرا لك

[آية الرحمن]

اخى رهيف دائما تأتى لنا
بأجمل المواضيع التى اصبحت
لنا مثل قطرة الماء التى تروينا
فنتمنى ان تظل هكذا وتأتى لنا
بالمزيد سلمت يداك

[ملاك الكافيه]

واسمعى صوتى .. اللى نفسى يقولك بحبك
نفسى اقولك بحبك ببال رايق
نفسى اقولك بحبك .. بس مش طايق



رهيف

كلمات اكثر من رائعه

فالحب والاحساس

يواصل من غير ما نتكلم عنه

لك كل شكر وتقدير

[رهيف الاحساس]

مشاركة جميلة شكرا لك

مرسي لك قطر ندي ونسمة الصباح الجميل
على الرد الجميل والمرور العطر

[رهيف الاحساس]

اخى رهيف دائما تأتى لنا
بأجمل المواضيع التى اصبحت
لنا مثل قطرة الماء التى تروينا
فنتمنى ان تظل هكذا وتأتى لنا
بالمزيد سلمت يداك

مواضيعي اكتسبت جمالها ورونقها ورقتها
من ردك الاجمل بكلماته المنيره التى انارت كل كلمه
وحرف
فمرسي على الرد الجميل والمرور العطر

[رهيف الاحساس]

واسمعى صوتى .. اللى نفسى يقولك بحبك
نفسى اقولك بحبك ببال رايق
نفسى اقولك بحبك .. بس مش طايق

رهيف

كلمات اكثر من رائعه

فالحب والاحساس

يواصل من غير ما نتكلم عنه

لك كل شكر وتقدير

صدقتي ان الحب يوصل بالاحساس بالنظرات
بس النفس تواقه لان تنطق بها والعيون تراقب
وقوعها على ردة فعل الحبيب لما يسمعها
رغم ان احساسه كاشف ما فى عين الحبيب

[دموع الاقمر]

الله جميلة اوى رهف اية الجمال دة ربنا يكرمك يارب

[رهيف الاحساس]

الله جميلة اوى رهف اية الجمال دة ربنا يكرمك يارب

مرسي لك وعلى مروك العطر وردك الجميل
وعيدك مبارك وكل سنه وانتي طيبه

[محمد أبراهيم]

بقلم ساحر
وعطر كلمه
ورقه مساحه
كان
لقلمك التالق
وحرفك
فيه علامه
بسحر الكلمات ونقاء السطر
لك تقديرى
لك كل الشكر