يابلد معانده نفسها!!!!!!!!!!!!!!!!!!!!!!!!!!!!

**ايسل** · 4 - 8 - 2010, 03:22 PM

يابلد معانده نفسها يا كل حاجه وعكسها

بالورقه والقلم
خدتينى 100 ألم
انا شفت فيكى مرمطة وعرفت مين اللى اتظلم

ليه اللى جايلك اجنبى
عارفة عليه تطبطبى
وتركبى الوش الخشب وعلى اللى منك تقلبى

عارفة سواد العسل؟؟
اهو ده اللى حالك ليه وصل
ازاى قوليلى مكملة وكل ده فيكى حصل؟؟؟

يا بلد معاندة نفسها
يا كل حاجة وعكسها
ازاى وانا صبرى انتهى لسة بشوف فيكى امل!!؟؟

طرداك وهى بتحضنك
وهو ده اللى يجننك
بلد ماتعرف لو ساكنها والا هى بتسكنك

بتسرقك وتسلفك
ظلماك وبرضه بتنصفك
ازاى فى حضنك ملمومين وانتى على حالك كده!!؟؟!!؟؟
من كتر اللى بنشوفه
مبقيناش عارفين هى البلد ولا النظام
نكره مين فيهم
بس انا مش هكره حد فيهم
انا هكره شعبها
حتى النظام ملوش ذنب
لقى ناس مستسلمه
هيعمل ايه غير اللى بيعمله
المفروض ان بلدنا هى اللى تزعل مننا
احنا اللى فرطنا فيها
وسيبناهم يبعوها ويبهدلوها وينهبوها
مصر خساره فينا
مصر عايزه اللى يحميها
بجد انا مش عارفه هما فعلا كرهونا فى بلدنا ولا ميقدروش مهم عملو
بنحبك يا مصر ولا؟؟؟؟؟؟؟؟

**دره** · 4 - 8 - 2010, 03:47 PM

لا بحبها بحب ارضها
كرهت صمتها
كمان ظلمها
لا هى مش ظالمه
دى حكومه ظالمه
وناس ظالمه نفسها
حسبى الله ونعم الوكيل
والله يا ايسل انا خلاص قربت اتجنن من اللى بيحصل

**فتى الإسلام** · 4 - 8 - 2010, 03:51 PM

أبدأ بنفسك
وإذا تغير الشعب
سيتغير الحكام

**&!! Who's care&** · 4 - 8 - 2010, 04:14 PM

حسبى الله ونعم الوكيل
لايغير الله قوم الا اذا غيروا نفسهم
والله ياايسل اللى عرضتيه ده
اقل حاجة بتحصل
منهم لله
ربنا يهدهم

**~ NORA ~** · 4 - 8 - 2010, 05:01 PM

هفضل بحبك بحبك يامصر

وأعشقك

وحسبي الله ونعم الوكيل وشكرا ليكي يا ايسل

**SCREEM** · 4 - 8 - 2010, 05:32 PM

الواحد بيفضل يقول خلاص زهق بس هنعمل ايه هيا دي بلدنا بحلوها بمرها عارفه لو الهكسوس زات نفسهم هما الي كانو محتلينا مكانوش هيعملو فينا كده

ادينا صابرين مستحملين مستنين يجي يوم يخلصنا من كل الي احنا فيه

الف شكر ياخالتي تقبلي مرور مواطن مش طايق نفسه

**عفريت أفندى** · 4 - 8 - 2010, 06:21 PM

بحبها و هفضل أحبها

بحلوها و مرها

بكل حبه ف رملها

و هيجى يوم و شعبها

يصحى يدافع عنها

و الخير يعود لأهلها

و الشر يخرج منها

تسلمى يا ايسل

و مشكوره على طرحك المميز

دمت بود و احترام و تقدير

**عفريتـــة هانم** · 4 - 8 - 2010, 08:59 PM

وٍالله يا ايســـل مصر دى بقت مقرفة
وانتى مقرفة
والى يدخلك موضوع يبقى مقرف
يا شيخة احنا ناقصيــن قرف بتفكرينا لية ؟
كل ما الواحد يتلهى وينسى تطلعيلنـــا بكلام يخنقنا يا شيخة اجرى بقى انتى ومواضيعــــك
ولعلمك بقى مش هرد على الموضوع

**هشام اللول1** · 4 - 8 - 2010, 11:54 PM

بجد انا مش عارفه هما فعلا كرهونا فى بلدنا ولا ميقدروش مهم عملو
بنحبك يا مصر ولا؟؟؟؟؟؟؟؟

احنا عمرنا ما كرهنا بلدنا
محدش يكره ارضه وناسها
احنا كرهنا النظام والحكومه

والشعب المصري شعب جدع
ومش بيسيب حقه
وبكره هيروح الظلام وهيخرج النور تاني

شكرا لموضوعك الجميل ايسل
بارك الله فيكي وحفظك ورعاكي
دمت بخير وصحه وسعاده وراحه بال

**البنت الجديده 1** · 5 - 8 - 2010, 01:02 AM

قولوا يارب وكل حاجه هتتحسن ان شاء الله
والبلد دي احسن من غيرها رغم اللي احنا بنشوفه
بس..................؟؟؟؟؟؟؟؟؟؟؟؟؟؟ ؟؟
تقبلي مروري

الموضوع: يابلد معانده نفسها!!!!!!!!!!!!!!!!!!!!!!!!!!!!

أدوات الموضوع

يابلد معانده نفسها!!!!!!!!!!!!!!!!!!!!!!!!!!!!

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة