واحد قهوه على ريحة مصر

[preac]

رجعتلك ماشى وطريقى كان مليان بالحفر

رجعتلك يامه ونفسى ارتاح مالشقى والسفر

تعبت وكنت بموت وصورتك كانت الامل

فكرت انى هرجع وكل جرح فى حضنك هيندمل

هقولك ايه دى كات ابتسمتك هى الروح الى ممشيانى

مع ان كات جوايا الف حاجه معصيانى

بتقولى موتك هناك هيدفنوك مطرح ما جيت

لا عدش ليك فيها يابنى اهل ولا حتى بيت

ومهما روحت ولا جيت

وكنت حاجه ولا بقيت

متجيش فيها خيط من وسط مليون

خيط متعلق وسط خيط

وانا بغبائى وبحسن نيه

ازعق واصرخ بعزم ما فيا

واقول كفايه اسكتوا دى مهما كانت

دى مصر وهى ام الدنيا

ودوك وصلت الا ايها مكلضمه

مكشره ومظلمه

احزنها كوم وناسها كوم

واكلها فاسد وعيشتها مسرطنه

طب فين كلامكوا عنها

ولا اهو كلام ميجبش تمنه وبرطمه

ساكته ليه دا حالك فاق العجب

ودايما مكشره و مركبه الوش الخشب


طب قولى العيب فيكى ولا فينا

ولا ايه بس السبب

بتقولى احنا

طب احنا عايشين طول العمر خدمينك

دمى ياما نزف واتعصر جوه طينك

كنا كل حاجه فيكى ايمانك ودينك

كنا حماكى وكنا ناسك دلوقت خلاص

بقينا بيعينك

طب ما تقوليها معدناش من مقامك

ولا نيجى حاجه فى سلطانك ولا علامك

خلاص افرحى يا بلد العوالم

يا بلد الحجاره والحضاره والمعالم

يا بلد البهوات والبشوات والهوانم

يا بلد اتيكيت دول بياكلوا بتون وبسطرمه

وانا الى طالع عين ابويا ودبحانى بسكينه تلمه

لا لليا فيكى رأى ولا ققدر اقول عليكى كلمه

ما هو الفقر فى خيالكوا ايه غير شوية كلام

دا القطط والكلاب فيكى اعلى منا فى المقام

معدناش عرفين نعيش فيكى

ولا عاد لينا فيكى مكان

[preac]

[عفريتـــة هانم]

دا القطط والكلاب فيكى اعلى منا فى المقام

معدناش عرفين نعيش فيكى

ولا عاد لينا فيكى مكان

عنـــدك حق والله كلامــــك حكـــم
تسلـــــم ايدك على الكلام الجميـــ،ـــل
تقبل مرورى

[preac]

والله يا استاذه عفريته انتى منوره الموضوع رغم ان عفاريتك بهدلولى القصيده بس ميهمش فداكى

[هشام اللول1]

كلمات جميله وواقعيه
وبكره تنضف من العوالم والبهوات والبشوات والهوانم
وترجع ام الدنيا

دمت متميزا ومبدعا
بارك الله فيك وحفظك ورعاك

[preac]

كلمات جميله وواقعيه
وبكره تنضف من العوالم والبهوات والبشوات والهوانم
وترجع ام الدنيا

دمت متميزا ومبدعا
بارك الله فيك وحفظك ورعاك

نورت الموضوع يا هشام باشا قول يارب نشوف البلد حالها عدل

[عفريت أفندى]

العيب مش فيها

العيب فينا

سايبينهم ناهبين خيرها

و ساكتين

لحد امتى هنفضل ساكتين؟؟

تسلم أخى الكريم

دمت بود و إحترام و تقدير

[دره]

انا مع وليد العيب فينا احنا
تسلم عالكلمات الجميله
تقبل مرورى

[preac]

العيب مش فيها

العيب فينا

سايبينهم ناهبين خيرها

و ساكتين

لحد امتى هنفضل ساكتين؟؟

تسلم أخى الكريم

دمت بود و إحترام و تقدير

انا مش معاك ان العيب فينا


العيب فيهم مش فينا

عاميينا وقطعين روسنا ورجلينا

وشيخ المنصر اصلو حاميها

وقاعد عالعرش وعامل فيها افندينا

ونورت الموضوع كله

[preac]

العيب مش فيها

العيب فينا

سايبينهم ناهبين خيرها

و ساكتين

لحد امتى هنفضل ساكتين؟؟

تسلم أخى الكريم

دمت بود و إحترام و تقدير

يا باشا العيب فيهم والله احنا مغلوبين على امرنا والله