والله يا هوبا الموضوع عسل وخفيف وحلو جداااا
تسلم ايدك
مشكور جدااااااااااااا
الإذاعــ،ـــة المدرسيــ،ــــة
الكلية خلااااص خلت الواحد ينسى الأذاعة المدرسية وطابور الصباح والحركات الجامدة دى ( كااااانت أيام)
المهم ندخل فى قصتنا مباشرة وأعرفكوا الأول بأبطال القصة
1- kalapala
2- safaa2010
3- gaagoor
كل الحكاية وما فيها إن أنا والشلة الجامدة اللى فوق دى كنا فى فصل واحد يعنى من الاخر كنا خاربنها
المهم مدرس الفصل دخل فى يوم من الأيام وطلب مننا إن احنا الأربعة نشارك فى الأذاعة المدرسية (والمشاركة اجبارى )
كل واحد مننا خد دور سريع كدة العبد لله قالهم انا مش هتفذلك أنا اللى هقدم
نيجى بقى للمعلمين التلاتة التانين ههههههه
صفاء قالت انا هقول اخر الاخبار ( مثقفة من يومها )
اما جاجور قال انا هقول حتة شعر إنما إيه من تأليفى (يا خوفى من تأليفك) ده بيكتب اسمه بالعافية وشكله هيودينا فى داهية
اما البرنس كالابالا قال سيبونا ناخد فرصتنا أنا هقول شوية أمثال
تسيب للواحد بصمة فى المدرسة ( بصمة ماشى يا عم )
وجه اليوم وتـعـ،ــالوا نشــ،ــوف إيه اللى حصل
الحمد لله دورى مفيهوش مشاكل عدى على خير
تعالوا نشوف المعلمة صفاء وفقرة الأخبار
الأخبــــــــار
1- تأكد غياب الشمندى (نجم خط دفاع المنتخب)عن لقاء الفريق مع نظيره الأرجنتينى وذلك لتزامن ميعاد المبارة مع موسم جنى القطن !!
2- (واجب عزاء ) وفاة والدة مدرس التاريخ بالمدرسة المجاورة والدفنة اليوم بعد مسلسل كفر عسكر !!!
3- صدور اخر البومات المطرب الشعبى الشهير أسامة الجاحظ
طبعا الحاجة صفاء لسه ما كملتش الاخبار ولقت نظرة صارمة من الست الناظرة وقالتلها دورك انتهى واسبقينى على حجرة المدير ههههه
اما المعلم جاجور قولتله واد يا جاجو ايه اخبار الشعر شكلك هتودينا ف داهية زى صفاء قالى ماتخافش انا مظبط قولتله ربنا يستر وبدأ المعلم يعيش مع نفسه
الشعــــــــر
شبشـــب حمـــامى اتســـــرق
شبشب حمامى اتسرق
ومسحت دمعى بمنديل ورق
وكنت خايف وكلى قلق
وهقولها تانى على الملأ
شبشب حمامى اتسرق
ومش انا اللى شبشبى ينسرق
وقلبى عليه ينحرق
شبشبى كان ماركة البطريق
وكنت بمشى بيه فى اى طريق
شبشب حمامى اتسرق
وتارى وهاخده بايديا
علشان شبشبى غالى عليا
ومش هقبل من حد دية
علشان ما أطمعش حد فيا
بالسلاح هاخد تارى
حتى ولو كان من جارى
شبشب وارثه من جدودى
هيثم ومودى وبودى
مش ممكن اضيع مجهود جدودى
وخاصة جدى بودى
شبشب حمامى اتسرق
هههههه بمجرد ما المعلم خلص القصيدة لقى قفا محترم نازل عليه
وقاله عارف زميلتك راحت فين وراها يا حبوب علشان نشوف شبشبك اللى اتسرق ده هههه
وسع للكبير اوووى كالابالا جهزت الامثال يا كالابالا
قالى كله فى الكليتش هههه (صايع اوى الواد ده هههه)
وبدأ المعلم يسمعنا حكمه وامثاله
الأمثـــــال
1- جرى الحمار طول النهار يجيبه الباجور فى ساعة
2- عاكس الوحشة ينوبك فيها ثواب
هههه وكالعادة المعلم ده بقى لسه ما خلصش فقرته ولقينا نفسنا بالكامل فى حجرة المدير واجتماع مغلق غير معروف العواقب
وذكرياااات من زمن فااااات مع الاذاعة المدرسية
يا رب يكون الموضوع عجبكم
والله يا هوبا الموضوع عسل وخفيف وحلو جداااا
تسلم ايدك
مشكور جدااااااااااااا
شعر الشبشب ده ... له علاقه قويه جدا بقصيده الطشت قال لي الخالده
يا ابن الايه يا هوبه هتموتني من الضحك ...
بس الشبشب ده تمام ...
ولا الواد كلابالا ده واد جنان ...
أي خدمه يا مان .... فكرتك أنا بأيام الشقاوه صح ؟
هههههه
مشكووووووور هوبا على الموضوع الجامد ده
~ FoKaK mEnY bA2A ~
[IMG]http://www.***********/up/73952/751570882.jpg[/IMG]
xxxxxxx sHeKo0o0o xxxxxxxالبحث على جميع مواضيع العضو ×X× sHeKo0o0o ×X×
ههههههههههههههههههه
لا بجد موضوع تحفه يفتس من الضحك
بجد هي دي احلي ايام
مشكووووووووور يا هوبا علي الاذاعه التحفه ديه
اي خدمه يا شباب ..... عارف انا انكم كنتو خاربينها وانتو صغيرين
الذين يشاهدون الموضوع الآن: 1 (0 من الأعضاء و 1 زائر)