ممكن تفيدوني برايكم ؟

[avatar22]

انا هبدا علي طول من غير مقدمات ولا تقديم ولا اي حاجه بس قبل اي حاجه ممكن يكون موضوعي مالوش قيمه او ما يكونش موضوع هادف بس انا اتعودت منك علي حاجه اني اطلع كل اللي جوايا واتكلم حتي لوكلامي من غير معني او زو قيمه ...... انا انهارده عايز اعمل معاكم تقييم لبرامج رمضان هطرح عليكم شويه اسئله وعايز منك رد واللي مش هيرد عادي والله ما هزعل من حد بس اتمني الاقي مشاركتكم معايا في رايئ
اولا....
حد فيكم شايف ان البرامج المذاعه في رمضان السنه دي ليها مغزي او هدف ؟

طيب لو فيه برنامج فعلا هادف وممكن يحل حاجه ياتري ايه هو ؟

طيب مبن اجرئ مذيع في برنامج من برامج رمضان ؟

ممكن نلاقي قناه بتبث برامج نقد لاوضاع الشعب في البلد ؟

ياتري البرامج والفقرات اللي بتتذاع في رمضان كفيله انها تخرج المواطن من الكبت اللي هو عايش فيه ؟

طيب من وجه نظركم هل البرامج الكوميديه اللي بتتبث في رمضان ممكن يخرج منها نقد ساخر ؟

لوحد عنده راي او تقييم للفقرات المذاعه والبرامج الرمضانيه ياريت يقول عليه ولو حد عنده نقد لبرنامج برضوا يقوله ولو حد عنده وجه نظرفي مذيع او فقره برضه يقوله ؟

المهم في الاخر عايزين نوصل لوجبه دسمه تنور عقول اطفالنا وشبابنا وتزرع فيهم الاخلاق والقيم مش نزرع فيهم الهزيمه والكره واللامبالاه
اتمني يكون الموضوع عجبكم ؟؟؟؟ واتمني ردودكم...............
ورمضان كريم ...................... اخوكم في الله حازم

[ايسل]

شوف يا حازم بصراحه انا مش متابعه البرامج غير وائل الابراشى برنامجه عجبنى

اللى مش عاجبنى برامج الكاميرا الخفيه بأمانه حرام اللى بيعملوا فى الناس علشان يضحكونا
حرام بجدانا عن نفسى مش بضحك يعنى هقولك مثال على غفله بحول القنوات لقيت شاب واقف يرقص وهو بيقول اسمه ومؤهله واللى قاعد قدامه عامل انه صاحب الوظيفه ماسك طبله وبيقولوا لازم تعمل كده والشاب يا عينى واقف زى الاهبل بينفذ كلامه ده يبكى مش يضحك علشان كده برامج الكاميرا الخفيه حاجه حقيره بجد بس هو ده اللى شوفته من البرامج
بجد موضوعك رائع وكويس قوى ان كل واحد يقول ايه اللى عجبه وفادوا شكرا ليك حازم

[عفريت أفندى]

شوف يا عم حازم


أنا مش متابع حاجه السنه دى

بالصدفه امبارح كنت باقلب ف القنوات و لاقيت كم من المسلسلات الكوميدى رهيب

ايه كل ده !!!!!!

و كمان لاقيت ان كل واحد من الأبطال بيستظرف و خلاص عمال على بطال بمناسبه و بدون مناسبه

الظاهر الكل ماشى على نفس النغمه

و ف الآخر فين المتعه؟

مش لاقيها

و الأغلب كمان بيميل الى السخريه من شكل الشخص يعنى مثلا يبدأ يسخر من ملامحه او وزنه الزايد أو أو أو .........

عشان الناس تضحك

طيب هو بكده بيقدم شيئ هادف له قيمه ؟ لا اعتقد و على العكس ده بيعلم الأطفال انهم يسخروا من الأشخاص بسبب شكلهم القبيح او وزنهم او او او .........

كل ده شوفته امبارح بس و ربنا

ههههههههه

عشان كده مش هتاااااااابع

عشان أريح دمااااغى

و موضوعك حلو و جميل و هادف

تسلم الأيادى

[براكودا]

شوف يا حج
انا بقى مش هقدر اقولك رأيي
لاني مش بتابع حاجة في رمضان
انا اتابع ايه ولا ايه ولا ايه
انا بريح دماغي
وبعد رمضان ابتدي اتفرج بهداوه .. حاجة .. حاجة
يا عم دا مولد
المغني بيعمل برامج والممثل والسياسي والحلاق ...وكله
وعلشان مبقاش كداب انا لو لقيت بسنت ودياسطي شغال بقعد اتفرج

تسلم لموضوعك الجميل

[avatar22]

انا متشكر لتفاعلكم مع الموضوع وفعلا ردودوكم جميله وانا بحييكي ياايسل علي رايك فعلا برنامج وائل الابراشي من اهم البرامج اللي واحد بيتابعها في رمضان واشكر مروركم

[البنت الجديده 1]

والله مفيش وقت ان الواحد يشوف حاجه بس احيانا بيكون القدر بيجمعنا مع حاجات مش بنحسب ليها
انا احيانا اشوف برنامج محمود سعد اسمه سوره وصوره اعتقد دا برنامج كويس للي يتابعه
انما
فيه حاجات كتير خارجه جدا عن اللي مفروض يكون في شهر رمضان من الوقار والاحترام ولكن للاسف العكس بقي موجود وبكثره وكل سنه بيزداد الامر سوءا لكثره البرامج التافهه والمسلسلات غير محصوره العدد
ربنا يهدي كل الناس ويتقبل منا الصيام والقيام وقراءه القران

[♥بـونـبـونـايـه سـكـره♥]

بكد موضوعك مهم كداااااااااا
و كامد كدا كدا كداااااا بكد
بس انا بصراحه متابعتش حاجه خالث
لانى لو تابعت برنامج او مسلسل هاتر انى كل يوم ادور ع حلقاته و اتابعها حلقه حلقه واستناها واحير نفسى
تيب ليه كل ته باه؟ تعب الدماغ ته
مش عاوزه اضيع وقتى ب الحااجات تى
انا ممكن ابأه بقلب كته ف ال TV الاقى حلقه كته
اتفرج عليها وبعدها مكملش المسلسل او البرنامج
بس انا شايفه انها مش حاجه ضروريه يعنى انى اتابعها
بس بكد موضوعك مهم كداااااااااااااا
تسلم و تقبل مرورى
دمت بود

[الحريه]

انا مش بتابع المسلسلات مش بشغل دماغى بيها
بس علشان ما اكونشى كدابه ممكن كده وانا ماشيه من
ادام التليفزيون اشوف لقطه كده معرفشى من مسلسل ايه

وكمان البرامج الدينيه اكيد بسمعها
وفى برنامج كده اسمه جمعه وخميس هو برنامج كوميدى
ساخر او عامل فيها برنامج مش عارفه
ده بئه بيتكلم عن مشاكل البلد وعن الحكومه انت تبئه قاعد مش عارف
تضحك على نفسك ولا على ايه بالظبت

موضوعك جميل
بارك الله فيك