الرئيس مبارك يستفسر عن أسباب زيادة انقطاع التيار الكهربائي

**براكودا** · 15 - 8 - 2010, 08:01 AM

كتب - شريف عبدالحميد:
استفسر الرئيس حسني مبارك من الدكتور حسن يونس وزير الكهرباء والطاقة عن الأسباب التي أدت إلي زيادة انقطاع التيار الكهربائي في الفترة الأخيرة وما تحقق في اطار إنشاء محطات التوليد الجديدة..وقال الرئيس مبارك خلال افتتاح متحف الفن الإسلامي بمنطقة باب الخلق: عاوز أعرف ليه التيار الكهربائي يقطع خصوصا اننا عندنا إنتاج كبير من الكهرباء؟
رد وزير الكهرباء قائلا: من الساعة الواحدة بعد منتصف الليل حتي الساعة الثانية عشرة في منتصف الليل التالي "فترة 24 ساعة" نجد الحمل الكهربائي ينخفض خلال الليل لأن الناس نائمة ثم يبدأ في الصعود حتي يصل الذروة أثناء الغروب يقفز مرة واحدة بمقدار 3300 ميجاوات لمدة ساعتين أو ثلاثة.
وعقب الرئيس قائلا: احنا عندنا انتاج كافي وهل المحولات لا تتحمل؟
ورد الوزير قائلا: نعم عندنا إنتاج والقدرات التي تعمل حاليا لا تستطيع أن تكفي وقت الذروة التي تستمر لمدة ساعتين. نحن لسنا ضد استخدام الناس التكييف ولكن مع ان يستخدموه فقط في الأماكن التي يتواجدون فيها وكذلك إنارة الأماكن التي يتواجدون فيها خلال وقت الذروة.

شكرا لاهتمامك يا ريس

**ايسل** · 15 - 8 - 2010, 08:14 AM

تحس كده يابراكودا انه رئيس دولة تانيه وجاى يطمن على اشقاءه المصريين لسه جاى يسأل على مشكلة الكهربا وعلى الهواء مباشرة ليه كان فين محدش قالوا قبل كده عموما علشانك انت بس هشكره

شكرا لأهتمامك ياريس متشكرين على السؤال تعبناك معانا كتر خيرك بنشغلك ولو عايز تساعدنا ياريس صحيح اجمع الوزرا بتوعك واتحايل عليهم كل واحد لو قفل تكيفين من العشره اللى عنده ممكن ازمة الكهربا تخف شويه ويبقى كتر خيرك هندعيلك لليل نهار
شكرا براكودا باشا انك اتحتلى فرصه اشكر الريس

**عفريت أفندى** · 15 - 8 - 2010, 08:27 AM

براكودا يا حبيبى

إنت اشتغلت مراسل و متابع لأخبار الريس ؟

و ايه الجمال ده يا عمونا

كاتب الحوار ولا أسامه أنور عكاشه الله يرحمه

عموما انا من رأى إيسل لو الحكومه رشدت الإستهلاك الكهربا عمرها ما هتقطع

هو الريس مش بياخد باله من عواميد الكهربا اللى بتنور بالنهار ؟؟

عموما تسلم يا ريس يا خايف علينا يا ابو قلب حونين

**براكودا** · 15 - 8 - 2010, 08:31 AM

اولا مبروك يا سيادة المشرفة

ثانيا اكيد ان الريس مشاغله كتير خصوصا الدوليه

والراجل لما بيعرف حاجة على طول بتتحل

والمشكلة دلوقتي مش في التكييفات

لانه زي ما قال الريس الكهرباء عندنا كتير بس الكابلات والمحولات مبقتش تستحمل الحمل الجديد الكبير جدا

دايما منوراني والله

**براكودا** · 15 - 8 - 2010, 08:33 AM

المشاركة الأصلية كتبت بواسطة عفريت أفندى

براكودا يا حبيبى

إنت اشتغلت مراسل و متابع لأخبار الريس ؟

و ايه الجمال ده يا عمونا

كاتب الحوار ولا أسامه أنور عكاشه الله يرحمه

عموما انا من رأى إيسل لو الحكومه رشدت الإستهلاك الكهربا عمرها ما هتقطع

هو الريس مش بياخد باله من عواميد الكهربا اللى بتنور بالنهار ؟؟

عموما تسلم يا ريس يا خايف علينا يا ابو قلب حونين

تلميذك يا معلم وليد

ومبروك الاشراف يا باشا

دايما منورني

**اميره بلا وطن** · 15 - 8 - 2010, 10:42 AM

طيب والله كتر خيره ع الاخر
يارب بس تكون كده المشكله اتحلت
استنى كده
ايه ده؟
معلش الكهربا انقطعت ابقى اكمل بعدين بقى

**براكودا** · 16 - 8 - 2010, 07:18 AM

لا اعتقد انها تتحل بين يوم وليلة
لكن نتمنى انها تنتهي بسرعة
شكرا لمرورك الجميل ده

**هشام اللول1** · 16 - 8 - 2010, 10:53 AM

لا حول ولا قوة الا بالله

يعني الدول اللي احنا بنصدر ليه كهرباء (( السعوديه ))
من الفائض اللي عندنا

كل بيت وكل شقه وكل فيلا
فيها علي الاقل مكيفات
بيستخدمها شارع عندنا في مصر

مش سمعنا الكهرباء بتقطع
او في ازمه

وربنا يكون في عونك ياريس
ياراجل الامن والسلام في المنطقه
يا خربتهااااااااااااا

شكرا لاخبارك الكميله بركودا

بارك الله فيك وحفظك ورعاك

**براكودا** · 17 - 8 - 2010, 02:17 AM

المشاركة الأصلية كتبت بواسطة هشام اللول1

لا حول ولا قوة الا بالله

يعني الدول اللي احنا بنصدر ليه كهرباء (( السعوديه ))
من الفائض اللي عندنا

كل بيت وكل شقه وكل فيلا
فيها علي الاقل مكيفات
بيستخدمها شارع عندنا في مصر

مش سمعنا الكهرباء بتقطع
او في ازمه

وربنا يكون في عونك ياريس
ياراجل الامن والسلام في المنطقه
يا خربتهااااااااااااا

شكرا لاخبارك الكميله بركودا

بارك الله فيك وحفظك ورعاك

لا يا حج
احنا مش بنصدر كهرباء للسعودية وبس
ولبنان والدول الافريقية
ناهيك عن غزة
امال
دا احنا كبار قوي
اي خدمة يا حج
منورني والله
يا سيادة المشرف

**هشام اللول1** · 17 - 8 - 2010, 02:50 AM

المشاركة الأصلية كتبت بواسطة براكودا

لا يا حج
احنا مش بنصدر كهرباء للسعودية وبس
ولبنان والدول الافريقية
ناهيك عن غزة
امال
دا احنا كبار قوي
اي خدمة يا حج
منورني والله
يا سيادة المشرف

امال في ايه
طالما احنا كبار قووووي
امال اللي بيحصل ده ايه يابركودا

ولا يمكن احنا بنظلم الحكومه وبندعي عليها

بالله عليك يابركودا
انزل ارض الواقع شوية
علشان بكلامك ده بتشجع الفساد والظلم
علي اكتر من نص الشعب

واسف علي الدخول مره ثانيه
واسف علي نقدي

ربنا يحفظك ويكرمك ياحاج

الموضوع: الرئيس مبارك يستفسر عن أسباب زيادة انقطاع التيار الكهربائي

أدوات الموضوع

الرئيس مبارك يستفسر عن أسباب زيادة انقطاع التيار الكهربائي

معلومات الموضوع

الأعضاء الذين يشاهدون هذا الموضوع

المواضيع المتشابهه

بالصور : ثلاثون ألف يستقبلون بنزيما و رئيس البلانكو يأمل في "زيدان" جديد

الكلمات الدلالية لهذا الموضوع

ضوابط المشاركة