أخطــــاء الحــــب

**Hooba** · 11 - 4 - 2008, 01:40 PM

بيت خبره هوبا للإستشارات العاطفيه
يسعده ان يقدم

أخطاء في الحب

الخطأ الاول

انك تفترض ان الشخص اللى قدامك خلاص بقى محل ثقه
لأ وايه مش اى ثقه دى ثقه مطلقه
وانك مادمت بتستريحله بدرجه كبيره يبقى احساسك مابيكدبش
وساعتها بقى بتجيلك نوبه صراحه مفاجئه
وتقول للشخص اللى قدامك كل اسرارك ومشكلاتك
يعنى من الاخر
تفضح نفسك يعنى

الخطأ الثانى

انك تبالغ فى تعبيرك عن مشاعرك عشان تكسب ود الطرف التانى
لا وايه وتبالغ وتاخد من المبالغه
دى اسلوب لعلاقتك معاه.. يعني مثلا :
تتصل بيه كل شويه وتطلب منه الخروج كل يوم
وكل خروجه بورد وكل مناسبه بهديه
حتى لو عيد العمال
وتبالغ فى اهتمامك بنفسك وفى ارسال
SMS
ملتهبه الاشواق كل نص ساعه
المشكله هنا ان الطرف التانى مايعرفش انك بتبالغ فى اهتمامك وبيعتقد ان دا
هو العادى بتاعك
ولما بقى ترجع لطبيعتك وتنتهى المرحله دى
هيعتقد الطرف التانى ان حبك ليه اصبح بارد
وانك فقدت اهتمامك بيه

الخطأ الثالث

انك تركز مجهودك فى انك تسيطر على الطرف الاخر تحت شعار
انا بحبك وبخاف عليك
مع ان العلاقه هتستمر لو انت ركزت جهودك
فى انك تسيطر على نفسك

الخطأ الرابع

انك تدى انطباع للطرف التانى ان العلاقه دى مسروقه
فترفض انك تظهر معاه فى الاماكن العامه
وماتكلموش الا فى نص الليل
ولو اتصلت بيك اللى بتحبها ترد عليها على اساس انها راجل
ايوة يا اسماعيل بيه
او العكس طبعا
الاداء ده بيخلى فى شعور بعدم الامان
والشعور دا هينمو مع قصه الحب نفسها فتكبر وهى ضعيفه وهشه

الخطأ الخامس

انك تعيش فى انتظار ان يقدم لك الحب حاجه
اى حاجه
والحب مش انك تستنى تاخد حاجه
لالالالالالالالا
الحب انك تتعب علشان الحاجه اللى عايزها

اخطأ السادس

إنك تاخد راى اى حد فى الطرف الاخر
او مثلا تسال صاحبك ولا صديقك
ايه رايك فى فلانه؟
وده يعنى انك مابتحبش فلانه
كده يعنى

الخطأ السابع

نك تكتر فى كلامك جمل من نوعيه
اصلى انا ماباحبش كذا
انا ماينفعش معايا كده
خدى بالك انا فيا ميزه
عندى عيب بس هو ميزه فى نفس الوقت
بلاش تفضل مركز فى نفسك وفى كرامه نفس سيادتك
ورهافه نفس جنابك وحضرتك
يعنى من الاخر
ركز مع اللى قدامك شوووووويه
***
الخطأ الاهم

انك تفترض وتعتقد ان العلاقه دى
one way
وماتبقاش عامل حساب انها ممكن تخلص لاى سبب
فتقف مكانك مجروح بعد ما كنت راكب عربيه واحد وماشى بيك
فى طريق كله ورد وزهور جميله وعبيرها اخاذ
وفجأه
يقرر ينزلك فى حته مقطوعه ويمشى لوحده ويسيبك لوحدك...!!!
تاخد بقي نصيحتي الشخصيه ؟؟؟؟؟؟؟

لو وقعت في الحب .

ماتركبش مع حد عربيته

Hooba

**طيف عابر** · 11 - 4 - 2008, 03:06 PM

تصدق انك فعلا بتتكلم صح وكله فعلا بيحصل

هى كلها فعلا اخطاء ممكن نرتكبها

انما عندى نقطة ممكن اعلق عليها لانها صعبه وهى الخطأ الرابع
هو يمكن خطأ لكن لاننا عارفين انه الحب من غير نية زواج مؤكدة مرفوض من طرف الحبيبين والاهل والمجتمع
فعشان هيك بيحصل

لخطأ الرابع

انك تدى انطباع للطرف التانى ان العلاقه دى مسروقه
فترفض انك تظهر معاه فى الاماكن العامه
وماتكلموش الا فى نص الليل
ولو اتصلت بيك اللى بتحبها ترد عليها على اساس انها راجل
ايوة يا اسماعيل بيه
او العكس طبعا
الاداء ده بيخلى فى شعور بعدم الامان
والشعور دا هينمو مع قصه الحب نفسها فتكبر وهى ضعيفه وهشه

**ملكة الاحزان** · 11 - 4 - 2008, 04:03 PM

الخطأ الرابع

انك تدى انطباع للطرف التانى ان العلاقه دى مسروقه
فترفض انك تظهر معاه فى الاماكن العامه
وماتكلموش الا فى نص الليل
ولو اتصلت بيك اللى بتحبها ترد عليها على اساس انها راجل
ايوة يا اسماعيل بيه
او العكس طبعا

بكرة لما البنت تحس انها بتعمل حاجة غلط وميرسى ياهوبا لان معظم الاخطاء الى انا ذكرتها بنقع فيها

**kokototy** · 12 - 4 - 2008, 12:53 AM

إنك تاخد راى اى حد فى الطرف الاخر
او مثلا تسال صاحبك ولا صديقك
ايه رايك فى فلانه؟
وده يعنى انك مابتحبش فلانه
كده يعنى

اعتقد ان ده فعلا يا ايهاب خطأ جامد جدا
لان اللى بيحب حد مش هيتوقف الحب ده مع ايجابيه رأى فلان او سلبيه رأى فلان
تسلم يا هوبا ودايما موضيعك متميزه