قالى يافلاحه .... ماتلزمينيش

**اميره بلا وطن** · 16 - 8 - 2010, 05:57 PM

قلتله فلاحـــــــــــــــــه
...........
قالى يافلاحه ماتلزمينيش
أنا عاوز ادلع روحى وأعيش
عاوزها بنوته شقيه
والفرق بينك انتى وهيا
هيا البديهات والبنطلونات
وانتى اكيد لابسه الجلابيه
وكمان زمانها بكرانيش
قلتله طيب سيبنى وعيش
ماانت كمان بعد كلامك دا ماتلزمنيش
سابنى وراح وتعالوا نشوف
خلّته عايش عمره فى خوف
وبقت هيا الآمر الناهى
ماهو اصل صنفه اكيد معروف
كل كلامه بقى طيب حاضر
وان قال لأ تعمله محاضر
يعنى عليه سمع و100 طاعه
نرجع بقى ونقول ياجماعه
وانا يوم ماشيه على الزراعيه
لابسه الفستان زى قيثاره
والكعب العالى ونضاره
سمعت واحد بيقول ايه..
الحلو ده فى بلدنا خساره
اتاريه هو وحاله ما يسُر
بعد ماخد ست الستات
داق الحلو فى كاس شربات
وبعد كده عايش فى المر
بص وشافنى وقال هو انتى
وربى اشتقنالك ياحبيبتى
دا انتى بقيتى همزة وصل
بين الشياكه وبين الأصل
وانا من غيرك صعب أعيش
قلتله لأ صدقنى ياباشا
صنفك عمره مايعجبنيش
أصل انا رغم شياكتى وشكلى
وطريقتى فى لبسى أو أكلى
لسه بقى وبكل صراحه
البنت اللى تلف الدنيا
ماتنساش يوم انها فلاحه

**هشام اللول1** · 16 - 8 - 2010, 06:43 PM

ههههههههه
كلمات جميله اميره

اصل الفلاحه دي مش عيبه
دي اصل وفصل وعمر ما يخرجه العيبه
ومفيش احسن من الهاديه
غيره تبيعك وتتجوز من بعدك واحد واتنين وتلاته زي شاديه

دمتي مبدعه ومتميزة اميرة
بارك الله فيكي وحفظك ورعاكي

**thesniper_12007** · 16 - 8 - 2010, 07:20 PM

يا ست البيت يا فلاحة
يا علم أصول
وفيكي الأصل متأصل
حقيق مش قول
يا شامه ع الخدود طاله
وزاينه ع الشُرف قلّة
وفي البساتين براح أخضر
نسيمك دا غزيل فله

يا ست البيت يا فلاحه
يا صاينه في الغياب زوجك
تعيشي العمر مرتاحه
ولا تخرجي مرة من توبك

ما فيه باديهات
وبانطلونات
لكن عبايتك الحشمه فيها سرك
وجلبابك الطويل كاسي على شرّك
ويوم ما تبان ملامحك خارجه عن بيتك
تحسي الويل ظلام ضرك

فلما تكوني فلاحه ايه العيب
دا أشرف م الشرف ذاته
وزوجك حالفه بحياته
لاعيشلك ست فلاحه
ما انا في الاصل فلاحه

**thesniper_12007** · 16 - 8 - 2010, 07:29 PM

اميرة بصراحه بعد ما سمعت هشام الجخ واشعاره بصراحه حاسس اني باتهجى الحروف بصراحه لو ما سمعتيش الشاعر ده ح يفوتك كتير لو عندك ايميل ابعتيهولي على الايمل وانا ابعت لك الحاجات الخاصه بيه mp4 ساعيتها هتدعيلي

**دره** · 16 - 8 - 2010, 07:33 PM

الله الله الله
جميل جدا ياميرو
يارب دايما متالقه كده
رمضان مبارك عليكى

**roro_rawan** · 16 - 8 - 2010, 09:06 PM

حلو اوى يا ميرو بجد كلماته جميله خالص
نايس توبيك يا قمورة

**ELBRNSISA ESRAA** · 16 - 8 - 2010, 09:13 PM

ايه الكلام الحلو دا لا لا لا جامد

**عفريت أفندى** · 17 - 8 - 2010, 07:05 AM

ده صنف من الرجال تعبان

وصعب العيش معاه بأمان

عينيه شايفه التراب مرجان

مسيره يقاسى م الحرمان

و يعرف قيمة الإنسان

يدوق من العذاب ألوان

لأنه قريب من الحيوان

و لاغى الفكر و الوجدان

تسلمى يا أميره ع الكلام الجااااااامد اللى من معاميق المعاميق ده

و يارب دايما منوره الكافيه بإبداعك و كلماتك

دمت بود

**اميره بلا وطن** · 17 - 8 - 2010, 12:05 PM

المشاركة الأصلية كتبت بواسطة هشام اللول1

ههههههههه
كلمات جميله اميره

اصل الفلاحه دي مش عيبه
دي اصل وفصل وعمر ما يخرجه العيبه
ومفيش احسن من الهاديه
غيره تبيعك وتتجوز من بعدك واحد واتنين وتلاته زي شاديه

دمتي مبدعه ومتميزة اميرة
بارك الله فيكي وحفظك ورعاكي

طيب والله حلو الشعر اللى انت قلته ده
ماتكتب وتورينا كده
ربنا يكرمك يارب

**اميره بلا وطن** · 17 - 8 - 2010, 12:10 PM

المشاركة الأصلية كتبت بواسطة ekrammegawer

يا ست البيت يا فلاحة
يا علم أصول
وفيكي الأصل متأصل
حقيق مش قول
يا شامه ع الخدود طاله
وزاينه ع الشُرف قلّة
وفي البساتين براح أخضر
نسيمك دا غزيل فله

يا ست البيت يا فلاحه
يا صاينه في الغياب زوجك
تعيشي العمر مرتاحه
ولا تخرجي مرة من توبك

ما فيه باديهات
وبانطلونات
لكن عبايتك الحشمه فيها سرك
وجلبابك الطويل كاسي على شرّك
ويوم ما تبان ملامحك خارجه عن بيتك
تحسي الويل ظلام ضرك

فلما تكوني فلاحه ايه العيب
دا أشرف م الشرف ذاته
وزوجك حالفه بحياته
لاعيشلك ست فلاحه
ما انا في الاصل فلاحه

ياسلام يااكرام على الكلام الجميل
تصدق حسيت انى فى الجو اللى بتمنى طول عمرى اعيش فيه
اللى هو الريف الجميل والخضره المنتشره
والحياه البسيطه
انا حسيتها من كلامك دلوقتى فى القصيده الجميله دى

الموضوع: قالى يافلاحه .... ماتلزمينيش

أدوات الموضوع

قالى يافلاحه .... ماتلزمينيش

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة