قهوتنا على الانترنت
ابحث عن :  
النتائج 1 إلى 9 من 9
  1. #1
    تاريخ التسجيل
    30 - 4 - 2009
    ساكن في
    هناهــو
    المشاركات
    14,292
    مقالات المدونة
    20
    النوع : انثيEgypt الفريق المفضل  : الاهلي

    افتراضي »-(¯`s´¯)-» ( موسوعة كــل شــئ عـن الرمـوش ) »-(¯`s´¯)-»


    الرموش الصناعية دي المفروض تبقى من فترة للتانية يعني لو فرحك او مناسبة...عشان الميك آب بيبقي قوي فلازم تبقى الرموش تقيلة عشان تناسب الشكل العام....و اهم حاجة في الرموش انها تبان طبيعية....

    الادوات اللي بنستخدمها في تركيب الرموش الصناعية :

    1-ملقاط...و الاحسن مش الملقات العادي بتاعنا لأ...يا اما نوع مخصص للرموش و بيبقى شكله كده



    بيبقى آخد زاوية عشان سهولة التركيب...او ملقاط بسن رفيع زي ده




    2-تاني حاجة و يمكن اهم حاجة هي الصمغ....و دي مشكلة هنا لأن صعب اننا نلاقيه و الكمية اللي بتيجي مع الرموش مش بتكفي
    في صمغ ابيض اللي احنا عرفينه و دة بيبقى شفاف لما ينشف



    و في نوع لونه اسود...




    3-ثالث حاجة طبعا هي الرموش...في نوعين..في رموش كاملة و في رموش منفصلة....هقولكوا على كل نوع و مميزاته و عيوبه و طريقة تركيبه

    نبدأ بالنوع المعرو ف و هو الرموش الكاملة...ليها أشكال و الوان و تصميمات من كل شكل....بيبقى عبارة عن شعيرات صناعية مترتبة باطوال مختلفة في خط واحد
    زي دي كدة



    بنبدأ نمسك العبوة و نزيل الرمش بالراحة من الجنب...





    و بعدين هنقيس الرموش على عنينا...طبيعي في عيون اصغر من عيون و بنحط الرمش على خط الرموش بتاعنا و نشوف لو فيه زيادة



    لو لقينا فيه زيادة..بمقص صغير نقص كام شعراية.....و خللي بالنا نقص من الطرف الخارجي...يعني اللي فيه الرموش أطول




    خلاص هنبدأ نحط الصمغ...في أكتر من طريقة....ممكن نحط الصمغ على ظهر ايدينا و نمرر الرموش عليه...و دي احتمال الصمغ يجي على الشعيرات نفسها لو ايديكي اتهزت...الطريقة التانية,نحط الصمغ على طرف خلة السنان أو الطرف الاخر لأي فرش عندك...و نمشي بيها على خط الرموش




    من أوله لآخره..و نزود الصمغ عند الأطراف



    حاجة مهمة جدا جدا جدا...لازم نستنى شويه الصمغ يتحول من الحالة السايلة للحالة اللزجة...لو حطيطيها بدري الصمغ هيلحوس كل جفنك و ممكن تلاقي نفسك لزقتي صوابعك في رموشك الطبيعيةفأصبري شويه او هوي على الصمغ


    هنمسك الرموش بأيد و الملقاط بالأيد التانية....نحط الرموش على خط الرموش الطبيعي...نمسك بالملقاط الطرف الداخلي للرموش, و نلزقه على الجفن...و نسبته شوية



    نمسك الرموش بالملقاط في منتصف الرموش...و برضو نلزقه و نسبته



    و نفس الحكاية من الطرف الخارجي...لازم نسبته و نضغط عليه شوية




    نأكد بالملقاط على الرموش تاني و نضغطه على قد ما نقدر قريب من خط الرموش الطبيعي




    و نمسك الرموش الصناعية و الطبيعية و نضغطهم علي بعض



    لازم بعد الرموش نحط ماسكرا عشان يتمزج الرموش الصناعية مع الطبيعية...



    و ده شكلها بعد ما خلصنا





    الافضل انك تحطي ايلاينر عشان تموهي خط الرموش الصناعية


    هقولكو مميزات و عيوب الرموش الكاملة_عن تجربة

    1-سرعة تركيبها بالمقارنة بالرموش المنفصلة
    2-أرخص من الرموش المنفصلة
    3-امكانية اعادة استخدامها عدد مرات كتير
    4-سهولة ازالتها..بالراحة شيليها و أغسلي عينيكي أو استخدمي أي زيت مفيد للرموش زي الخروع
    5-متوافرة في أشكال و ألوان و أطوال كتيرة جدا

    عيوبها بقى

    1-صعوبة تركيبها ,لازم التدريب كتير...و الافضل حد تاني يركبها
    2-لو الصمغ مش كويس أو نشف ممكن تقع و بيبقى الشكل ملحوظ و غصب عنك هتشيلي العين التانية
    3-عن تجربة برضو الانواع الرخيصة في مصر رديئة جدا
    4- غالبا بتبان مش طبيعية

    نيجي للنوع التاني...الرموش الصناعية المنفصلة...يعني رمش رمش او 3-4 رموش مع بعض..بالشكل ده



    بتبقى في الغالب 3 اطوال...طويل و قصير و متوسط...و فية أنواع العبوة فيها الثلاث أطوال

    هنمسك رمش بالملقاط



    و نغمس طرفه في الصمغ الابيض



    أو يفضل الاسود...و نشيله و نسيبه طبعا يمسك شوية






    في طريقتين للزق الرموش...الاسهل انط تحطيها فوق الرموش الطبيعية و انتي مغمضة كدة




    و تستني لما تسبت و بظهر الملقاط او بصباعك تمشي عليها عشان تتمزج مع الطبيعية

    و تمشي رمش رمش



    و تاخدي بالك من الاطوال...و تحطي الرموش لحد الكثافة اللي تعجبك

    و بعدين تحطي الماسكرا




    و نشوف الفرق اللي عمله كام رمش




    تاني طريقة..هي أصعب شوية بس أحلى و خصوصا لو رموشك واقعة و حالتها حالة

    هتشدي الجفن لفوق عشان يظهر خط الرموش...و تحطي الرمش بين الفراغات



    شكلها بعد اللزق كدة



    و هكذا الرمش التاني



    و التالت



    و كل شوية بصباعنا ندغدغ الرموش لفوق كدة عشان تتمزج مع بعض




    نمشي بقى رمش رمش








    و لما نوصل للكثافة اللي عيزينها ...بظهر الملقاط نمشي على الرموش...حركة زي اكن بتحطي ماسكرا عشان بس الرموش تتمزج مع الطبيعية



    و بعدين نستعمل الماسكرا...او مشط الماسكرا...بص ده أصعب شوية


    ده الشكل النهائي بتاعنا




    نقول بقى مميزاتها و عيوبها....و بصراحة هي المفضلة بالنسبة لي

    1-بتبان طبيعية أكيد لأانك بتتحكمي في الكثافة و الطول...مش مضطرة تستخدمي الرموش كلها

    2-سهلة الاستخدام و اللزق

    3-صعب تقع أو تتفك

    4-لو حصل و وقع رمش مش هيبان قوي يعني

    5-ممكن تقعد لمدة اسبوعين بحالهم...حتى لو غسلتي وشك

    عيوبها بقى

    1-مش كتيرة في المحلات و غالية حبة عن الكاملة

    2- بتاخد وقت أطول من الكاملة

    3-ازالتها مشكلة شوية...مينفعش تشيديها ممكن تشدي رمش طبيعيلازم مزيل الصمغ أو الزيت

    4-بتستهلك صمغ أكتر

    5-امكانية اعادة استخدامها مش كتير....ممكن مرة تانية بس

    خلاص خلصنا الرموش الصناعية...و بالنسبة لي المنفصلة أحسن...انا امبارح جبت رموش كاملة ب 16 جنيه..مش صيني الحمد لله...بس طلعت روحي و معرفتش اركبها و في الآخر....قصيتها حتة حتة و خليتها منفصلة ههههههههههههه كانت اسهل لي الصراحة

    آخر حاجة بالنسبة للرموش كان في أخت سألت عليها هي الاداة اللي بتتني الرموش eyelash curler أو زي العرب بيترجموها عاقصة الرموش

    هي اداة عشان تساعد ان الرموش تبقى ملفوفة منها المعدني النوع المعروف



    او بلاستيك زي بتاعة اوريفليم أو افون مش فاكرة





    و النوع التالت اظن ما فيش منه هنا و هو النوع الحراري






    هي زي السيشوار بس للرموش....بتبقى الحرارة بتاعتها مضبوطة عشان ما تحرقش رموشك بس طبعا زي السيشوار ليها ضرر على المدى الطويل لرموشك...

    اما بالنسبة للعادية فملهاش أي ضرر خالص علي الرموش...و استخدامها سهل و ان كان يبان انه صعب بالنسبة للناس...هحاول اوريكو خطوات العقص

    هتمسكيها و هي بتبقى مفتوحة...و تحطي رموشك فى الفراغ الموجود



    و بعدين و انت مسكاها تضغطي على الايدين أكنك بتقصي بمقص



    و هي هتلف الرموش لوحدها متلفيش ايديك انتي




    طبعا لازم بعديها ماسكرا...بصراحة تأثيرها مش قوي أوي بس ليها تأثير...و بتستخدم قبل الماسكرا مش بعدها لانها ممكن توقع الرموش

    ممكن حركة تعمليها قبل الاستخدام عشان تزيد التأثير هي انك توجهي سيشوار على السخن بس من بعيد عليها...عشان الحرارة البسيطة ممكن تزود الدوران للرموش



    و بكدة أكون قلت كل اللي أعرفه عن الرموش الصناعية و أدوات الاستخدام...و يا ريت يكون عجبكم

    و اسيبكم مع مجموعة رموش صناعية فيها المعقول و فيها المجنون























  2. #2
    تاريخ التسجيل
    3 - 6 - 2010
    ساكن في
    اكيد فى الدنيا
    المشاركات
    1,265
    النوع : انثيEgypt الفريق المفضل  : الاهلي

    افتراضي

    ميرسى على المعلومات الحلوى دى
    بس انا مش هحتاج الرموش الصناعيه اصلا لانى رموشى طويله لوحدها
    ميرسى سولى
    سبحان الله والحمد لله ولا اله الا الله والله اكبر
    سبحان الله و بحمده سبحان الله العظيم
    استغفر الله استغفر الله استغفر الله
    اللهم صلى و سلم و بارك على سيدنا محمد و على اهله




    البحث على جميع مواضيع العضو roro_rawan

  3. #3
    تاريخ التسجيل
    30 - 4 - 2009
    ساكن في
    هناهــو
    المشاركات
    14,292
    مقالات المدونة
    20
    النوع : انثيEgypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة roro_rawan مشاهدة المشاركة
    ميرسى على المعلومات الحلوى دى
    بس انا مش هحتاج الرموش الصناعيه اصلا لانى رموشى طويله لوحدها
    ميرسى سولى


    هيـــــــه بــاصــره ههههههههه
    منورانى والله ياقمر بكد لمرورك
    منورانى وربنا ياحبيبت قلبى
    ابو رموش تويله انت



  4. #4
    تاريخ التسجيل
    16 - 6 - 2009
    ساكن في
    EgYpt = CaiRo
    العمر
    31
    المشاركات
    5,114
    النوع : انثيEgypt الفريق المفضل  : الاهلي

    افتراضي

    هو الروموش جامدة اوووووووووووووووووووووووو ووووووووووووووووووووووووو ى
    بس لو حقيقة هتبقى جبااااااااااااااااااااااا اارة
    تسلمى يا باشااااااااااااااااا



    Pray For Me Plz
    دعوة وحدة مش كفاية


    البحث على جميع مواضيع العضو HoBa HoBa

  5. #5
    تاريخ التسجيل
    13 - 2 - 2011
    ساكن في
    وسط حياتى
    المشاركات
    384
    مقالات المدونة
    1
    النوع : انثيEgyptالفريق المفضل  : الزمالك

    افتراضي

    على فكرة أنا شوفت الموضوع دة على منتدى فتكات ونفسه بالظبط بس مش مشكله انك تنقليلنا حاجه جميله فى ناس ممكن مش تكون شافتها مرسى يا قمر حلوين خالس مالس يسلمولى أيديكى الأتنين بكد حلوين خالس اوى

    برنسيسه..الكافيه نودى بتقول
    برنسيسات الكافيه
    دريم
    ياسمين
    سولى
    نورتونى

    البحث على جميع مواضيع العضو أحلى بنت ندى

  6. #6
    تاريخ التسجيل
    30 - 4 - 2009
    ساكن في
    هناهــو
    المشاركات
    14,292
    مقالات المدونة
    20
    النوع : انثيEgypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة HoBa HoBa مشاهدة المشاركة
    هو الروموش جامدة اوووووووووووووووووووووووو ووووووووووووووووووووووووو ى
    بس لو حقيقة هتبقى جبااااااااااااااااااااااا اارة
    تسلمى يا باشااااااااااااااااا

    ثانكس هوبا بكد
    منورانى والله يائمر
    بارك الله فيكى بكد

  7. #7
    تاريخ التسجيل
    30 - 4 - 2009
    ساكن في
    هناهــو
    المشاركات
    14,292
    مقالات المدونة
    20
    النوع : انثيEgypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة أحلى بنت ندى مشاهدة المشاركة
    على فكرة أنا شوفت الموضوع دة على منتدى فتكات ونفسه بالظبط بس مش مشكله انك تنقليلنا حاجه جميله فى ناس ممكن مش تكون شافتها مرسى يا قمر حلوين خالس مالس يسلمولى أيديكى الأتنين بكد حلوين خالس اوى

    تيب وهو انا ئولت حاكه غير كته؟
    ماهى الصور مكتوب عليها منتدى فتكات يائمر
    و مش عيب فعلا انى انقله
    و على فكره انا اصلا مصممة فوتوشوب
    و كان ممكن امسح من على الصور منتدى فتكات
    بس ته مجهود غيرى
    حرام امسحه
    و زى ما احنا بناخد من فتكات
    فتكات برده بياخد من عندنا توبيكات
    منورانى والله يائمر بوكودك
    بارك الله فيكى

  8. #8

  9. #9
    تاريخ التسجيل
    30 - 4 - 2009
    ساكن في
    هناهــو
    المشاركات
    14,292
    مقالات المدونة
    20
    النوع : انثيEgypt الفريق المفضل  : الاهلي

    افتراضي

    اقتباس المشاركة الأصلية كتبت بواسطة الملاك الساحر مشاهدة المشاركة
    تسلمي ياقمري

    ثانكس ياروحى
    منورانى وربناااااا


 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. موسوعة نكت موسوعة بجد مش هتقدر تبطل ضحك 1000 نكته
    بواسطة 3asheq Elrasol في المنتدى خمسة فرفشة
    مشاركات: 6
    آخر مشاركة: 5 - 6 - 2011, 06:55 PM
  2. حصريا : موسوعة صحيح الامام مسلم cd1@cd2
    بواسطة fathi minchaoui في المنتدى منتدى البرامج العام والشروحات المصورة
    مشاركات: 0
    آخر مشاركة: 16 - 2 - 2010, 06:25 PM
  3. دليل موسوعات الكتب (لو اردت اى موسوعةأدخل هنا )
    بواسطة احمد الصباغ في المنتدى مكتبة مصراوي كافيه
    مشاركات: 8
    آخر مشاركة: 1 - 1 - 2010, 07:58 AM
  4. موسوعة جميلة جدا لـ ... ادخلوا وشوفوا
    بواسطة نجمة عسولة في المنتدى ارشيف شهر رمضان 1428هـ - 2008 م
    مشاركات: 5
    آخر مشاركة: 1 - 9 - 2008, 05:24 AM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©