مملكه الرخـــــــــــامه

[Hooba]

مملكه الرخامه
موضوع جديد جه علي بالي بما إني جديد في المنتدي يعني لسه محدش هياخد علي كلاميقلت يا واد يا هوبا اعرض علي اخواتك الاعضاءاخر تطورات الرخامه علي الساحه الدوليه
يلا اتفضلوا

بص يا مولانا
1 - تدخل موضوع اى حد وانت ياعينى لسه عضو على قدك وتكتب لصاحب الموضوع بالبنط العريض(تم تثبيت الموضوع)....
آل يعنى الواد بقي مشرف خلاص


2 - تدخل موضوع صاحبه مألفه وطالع عين أهله فيه وتكتبله:
انا شوفت الموضوع ده قبل كده.. انت مجبتش جديد


3 - او تدخل موضوع جامد جدا وبرضه صاحبه مألفه وتقوم(بكل غتاته)كاتب: جاااامد جدا بجد...وبعد شويه نفاق تقول:
بس بعد كده ابقى اكتب يا أخي انه منقول..بلاش الحركات القرعه دى.. جتكوا القرف مليتو المنتدي


4 - تدخل اى موضوع وياسلام لو سهل ومفهوم وتكتب فى الرد:
مش فاهم بجد حضرتك تقصد ايه ..بس ممكن....الحل يكون البطيخه....صح؟


5 - تدخل موضوع اى حد وترد بداله على الناس..ولا كأن الموضوع بتاعك؟؟



6 - تبعت لصاحب اى موضوع دخلته الرد بتاعك فى رساله خاصه...وتقول:
لا بجد موضوع تمام؟؟؟


7 - تدخل انت وواحد صاحبك على نفس الموضوع وتقعدوا تدردشوا شويه...
وتطنش صاحب الموضوع اساسا...


8 - تكتب ردك بلون مش باين خالص(زي ده )او فاقع زياده عن اللزوم...أو صغير خاااالص..نمنم..
وفى الاخر تكتب بالاسود تقول معلش كنت بجرب اللون حلو ولا لأ؟

9 - تكتب فى رد شويه حروف مش مفهومه خالص
وفى الرد اللى بعديه تكتبله:
معلش نسيت اغير لغه الكيبورد
وتسكت على كده..


10 - تقعد تقول شعر فى الموضوع..وتمدح فى صاحب الموضوع(من غير ما تذكر اسمه في كلامك)على قد ما ربنا يقدرك..
وفى رد بعده على طول..تكتب :
اسف انا كنت فاكرك (.....)وتكتب اسم اى واحد تانى
************************
اي خدمه
انا عارف ان التوبيك بينقط رخامه .. وإنكم خلاص مش طايقينني في الكافيه
واهو واحد جاى من بعيد اهو عشان يحاسب لي علي المشاريب عشان اقوم انكشح من وسطكم

بس علي مين ؟... انا قاعد ومتبت يا بشر
اعمل ايه بقي نصيبكم تبقوا صحابي
سلام يا قطاقيط ..
هههههه هههههه ههههههه هههههههه

Hooba

[×X× sHeKo0o0o ×X×]

هههههه
مشكوووره هوبا على الموضوع الجميل و اللطيف ده

[طيف عابر]

دايما نصائح هوبا ممتازة ونتيجتها
تسلم يا رب مشكور جدا

تدخل اى موضوع وياسلام لو سهل ومفهوم وتكتب فى الرد:
مش فاهم بجد حضرتك تقصد ايه ..بس ممكن....الحل يكون البطيخه....صح؟

[نجمة عسولة]

هو موضوع جميل جدا

بس نتايجه مش جميلة خاااااااالص

عموما شكرا ياعمو على الموضوع الجميل ده

شكرا جزيلا

آسفه كت بجرب اللون
ههههههههه

[ساندرا]

شكرا كتير هوبا عودتنا عمواضيعك الحلوة

[Hooba]

هههههههههههههه ايه يا جدعان ؟؟؟ هو اللي هنعمله في الناس هيطلع علينا ولا ايه ؟؟؟؟؟؟؟؟؟؟؟؟؟؟؟؟؟؟؟؟؟

[Hooba]

يلا اللي بعده ..........