ارجو المساعده العاجله

**مليش غيرك يارب** · 19 - 8 - 2010, 01:47 AM

ارجو المساعده ياجماعه انا الجهاز بتاعي كل يوم لازم اصطب البرامج انا مش عارفه
هو في ايه او محتاج ايه او بيعمل كده ليه كل يوم انزل الياهو والريال بلير والهوت ميل
وبرامج تانيه وبمجرد ماالجهاز يرستر او اقفله وارجع افتحه تاني الاقي كل ده اتمسح
والمفروض اني انزلهم من اول وجديد وبجد خلاص تعبت وزهقت من الحوار ده ارجوكم
ساعدوني وانصحوني اعمل ايه عشان البرامج تثبت علي الجهاز لاني تعبت

**آية الرحمن** · 19 - 8 - 2010, 01:52 AM

يبقى الجهاز عايز نسخة ويندوز جديدة
اكيد النسخة القديمة فيها حاجة غلط
جربى كدة وغيريها وان شاء الله
الجهاز هيتظبط يارب اكون ساعدتك
تقبل مرورى

**تحياتى لمن دمرت حياتى** · 19 - 8 - 2010, 01:54 AM

الحكايه دى ملهاش غير تفسير واحد
ان الجهاز بتاعك يكون عليه ديب فريز
لو انتى شاريه الجهاز من مركز او شوفى اخر واحد نزل نسخه ويندوز مين
وسطب الديب فريز
ممكن تعرفى منه الباسورد للبرنامج
وتدخليه وتوقفيه لحد ما تسطبى البرامج كلها وبعد كده ممكن تشغليه تانى
او لو حبيتى تشيله خالص من ع الجهاز
اتمنى انى اكون افادتك

**مليش غيرك يارب** · 19 - 8 - 2010, 02:16 AM

اشكركم اوي ويا الرومانسيه انا اخويا بيصطب نسخه ويندوز ولان الكمبيوتر البرامج مبتشتغلش فبيصطبها كتير ولسه منزل نسخه ويندوز جديده امبارح لكن برضوا الموضوع متحلش وبالنسبه للبرنامج اللي انت بتقول عليه الحقيقه انا مش عارفاه ومش عارفه ده الغيه ازاي او اعرفه منين معلش اسفه لو هتعبك معايا توضحلي اكتر وشكراااااااااااااااااا بجد علي مساعدتكم ليا واتمني انكم تقبلوني صديقه لكم وكنت حبه استفسر عن حاجه اذا ما ازعجتكم هو وسيله الاتصال بين الاعضاء هنا بتم ازاي ولا مفيش وسيله اخري غير اني اكتب موضوع او مشاركه والاعضاء ترد عليا كنت حبه اعرف بس وشكرا ليكم اوي

**آية الرحمن** · 19 - 8 - 2010, 02:23 AM

لا والله يا قمر مفيش وسيلة اتصال
هنا بالاعضاء خالص غير المواضيع
والردود غير كدة مش هتتواصلى
مع حد خالص وطبعا احنا نتشرف
بوجودك معانا ونتشرف بيكى
صديقة واخت جديدة