>>> الحشيش هو الحل ... !!! <<<

[عفريت أفندى]

_الكيمى كيمى كا..والكيمى كيمى كيه
نفض للدنيا يابيه وشوف لنا معاك سيجاره
وهات كوباية شاى واطفلنا النور
وابعدنا عن (المصرى اليوم والدستور)

_لولا انقطاع الحشيش ماكنا انتبهنا
لكل مايجرى حولنا ولا كنا سألنا عن
التجديد النصفى لمجلس الشورى
ولا انتبهنا الى القرار الجمهورى بتعين
44عضواً بالمجلس ولا لآخر طريقه
لعمل المهلبيه .

_عزيزى القارىء لو مولع سيجارة بانجو
وطافى النور بدلها بسيجارة حشيش لآن
صدرى ملبش واخاف اموت حاليا والطب
الشرعى يثبت اننى كنت متعاطى وسبب
وفاتى هو اسفكسيا الخنق .

_ايه اخباركم واخبار العيال مع الثانويه العامه.نظرا
لتخفيف العبىء على اولياء الامور واولياء الله الصالحين
تم التنسيق بين وزارة التربيه والتعليم ووزارة الداخليه
بعمل مشانق بطول كوبرى قصر النيل لآستقبال الطلبه
الراغبين فى الانتحار قبل فتح مكتب التنسيق.

_وانا كنت نايم ساعة العصريه لما سمعت امى بتدعى
على الحكومه علشان النور قطع وهى بتغسل،وصحيت
على صوت زينهم جارنا السئيل وهو بيصوت على السلم
فتحت الباب لقيته قاعد يعيط وبيقولى ضربونى
ياض يااستاذ فوزى علشان بسألهم معاكو تليفونات بكاميرا
قبل مايحطولى جسم صلب فى المسائل فافتكرونى
بتنطط عليهم وعينك ماتشوف الا النور فأخبرته ان الكمبيوتر
بتاعنا متراقب ومايصحش نزعج السُلطات وهى بتتصنط

_إن كنت تطمح لآن تكون وزيرا او رجل اعمال متصيط.
فأنا عندى ليك جزيره فى النيل بتطل على مجلس الوزراء
ومتحملش هم تزوير الاوراق وتلبيس العمم والضحك ع الذقون
بس اشترط ان تجيب جماعتك واجيب جماعتى ونتصور وتنزل
الصور فى المجلات علشان ابين الضب.

_من فضلكم دام عزكم متضحكوش ومتخافوش
فالموضوع محتاج كُتّاب ومشاركين واجرى واجركم على الله
والكلبش وقرش الحشيش هديه منى

منقووووووول عشان عجبنى جدا

[براكودا]

انت بتقول ايه ياحج
عايز حشيش في رمضان
طب خليها عالعيد

[عفريت أفندى]

انت بتقول ايه ياحج
عايز حشيش في رمضان
طب خليها عالعيد

اقرا الموضوع كويس

او اقولك لو الصيام مأثر عليك إقراه بعد الفطار يا براكودا

و ان شاء الله تفهم انا عاوز أقول إيه

نورت الموضوع يا براكودا

[هشام اللول1]

شكرا ياحاج علي الاخبار الحلوة دي
بس الشعب مش محتاج حشيش علشان يتوه دماغه عن افعالهم
لان الجري وراء لقمه العيش وكثره الديون
دوووووووول يدوخوا الشعب ودماغهم تلف 360 درجه

تسلم ياحاج
ويارب مش يكون الصيام مأثر عليه

[دره]

صباح الفل يا وليد
ممكن تدينى لفه من عندك لزوم الاكتئاب بس
اصلا فعلا الحشيش هو الحل
موضوع جميل جدا
تسلم
دمت بود

[عفريت أفندى]

شكرا ياحاج علي الاخبار الحلوة دي
بس الشعب مش محتاج حشيش علشان يتوه دماغه عن افعالهم
لان الجري وراء لقمه العيش وكثره الديون
دوووووووول يدوخوا الشعب ودماغهم تلف 360 درجه

تسلم ياحاج
ويارب مش يكون الصيام مأثر عليه

فكرة الموضوع إنه عندما قل المعروض من الحشيش فى السوق

استفاق الناس و رأوا كل الكوارث المذكوره فى الموضوع

إذن أزمة الحشيش فوقت الناس من الغيبوبه اللى كانوا فيها

و لو تمعن كل قارئ للموضوع لوجد أنه يسرد أحداث سياسيه أليمه مرت

بالمواطن المصرى فى الآونه الأخيره

تسلم يا اتش ع المرور المميز

و دمت بود و إحترام و تقدير

[عفريت أفندى]

صباح الفل يا وليد
ممكن تدينى لفه من عندك لزوم الاكتئاب بس
اصلا فعلا الحشيش هو الحل
موضوع جميل جدا
تسلم
دمت بود

الحشيش هو الحل>>>>>بالنسبه للحكومه

عشان الشعب يفضل فى غيبوبه


لكن نقص الحشيش هو الحل>>>>>بالنسبه لمصر

عشان الشعب يفوق من الغيبوبه و يعرف يدافع عن حقوقه

تسلمى يا أسماء ع المرور و المشاركه

و بعدين لفة ايه بس؟

إنتى ناسيه إنى صيدلى! >>>>>يعنى طلبك عندى و بالقانون و الدستور

هههههههههههه

[ELBRNSISA ESRAA]

موضوعك مهم جدا يا وليد فعلا بالنسبه للمشانق جبلى واحدة لانى فى ثانويه عامه وطبعا اكيد هنتحر على اخر السنه ميرسى على الموضوع

[دره]

انت مدعو فى موضوع
مواهب مصراوى كافيه...ممنوع الاعتذار
ده اللينك
https://forum.masrawycafe.net/showth...754#post712754

[zezo3]

عفريت افندى
انا اخوك فوزى سيد فوزى
اشكر حضرتك على توضيح ان الموضوع منقول
لان كل اللى بيسرق المواضيع كان بينسب الكتابه لنفسه
لذا وجب علينا شكرك

بس كنت كتبت اسم الكاتب لزوم التصييت

انا موجود فى منتدى قهوة كتكوت
على طول الخط
والسلام عليكم