لكل من ليه معرفه بالشعر ممكن تساعدونى

[اشراقه امل]

(انا عضوه جديده صاحبتى قالتلى ان المنتدى دا حلو اوى وكلكم اسرة واخوات بجد اما حكتلى ما اتخيلتش ان فى منتدى حلو كدا)

انا عاوزة حد يساعدنى ويقولى الحل
وانا صغيره كان شعرى حلو جدا وطويل
وبعدين وانا عندى 10سنين قصيته عند الكوافير وبقى صغير
وبعدين بقيت استخدم المكواه علطول والاستشوار
علشان الافراح وكدا يعنى
وانا عندى مكوا علشان كدا كنت بحب اتسلى واستخدمها
ولما طول شعرى قصيته وانا عندى13 سنه تانى وبقى بيطول ببىء جدا يعنى ما طولش حاجه اوى من ساعه ما قصيته
وبفعل كمان حراره الشمس شعرى بقى تالف
و اما اتحجبت بقيت بلبس ايس كاب علشان الطرحه تتظبط وبلبس طرح كتير كمان حتى فى الصيف
المشكله دلوقتى انا شعرى بقى تالف جدا ومتقصف وبيتساقت بسرعه اوى وكتير ورجع لورا شويه يعنى انا بقى عندى قورة
اعمل ايه بجد تعب وزهق واعصابى تعبت كل ال يشوف شعرى
بيعد يتحصر بقى ويقولو دا انتى كنتى احلى شعر فى العيله والكلام الى ما بيوديش ولا بيجيب دا
لو سمحتم ساااااااععدونى
انا دلوقتى عندى 15 سنه

[اميره بلا وطن]

حبيبتى اكيد ده بسبب استخدام المكواه كتير
بصى انا لسه قاريه موضوع دلوقتى فى الكافيه عن تساقط الشعر
للجميله بونبونايه سكره
دا الرابط بتاعه
https://forum.masrawycafe.net/showthread.php?t=79761

[اشراقه امل]

ميرسى اميرة بلا وطن على الاهتمام
وكل دى مشاهدات ومحدش عاوز يساعد
مش انتو اخوات وبتحبو تساعدو بعضكم
طيب ليه محدش عاوز يساعدنى
على العموم ميرسى جدا يا جماعه

[اميره بلا وطن]

حبيبتى ماتزعليش
الناس بس عشان صايمين كسلانين شويه
ربنا يوفقك يارب ويحل المشكله دى
بس ماتقلقيش هتتحل ان شاء الله

[اشراقه امل]

ان شاء الله انا عندى امل انها تتحل
بجد ميرسى على الاهتمام انا عارفه انى عذبتك معايا
يا جميل

[اميره بلا وطن]

ولا يهمك ياقمر
انتى حبيبتى اكيد
ربنا يوفقك