وإيه الشعر من غيرك ؟؟ ... أحمد سعيد موسى

[أحمد سعيد]

وإيه الشعر من غيرك ؟؟
..
.
أقول لك شعر ؟؟
من عيني
وانا حيلتي غير الأشعار
ف إيدي الورقه هكتبلك
وهرسم لك سطوري نهار
لكن هبدأ بإيه ومنين
أقول مغرم ؟
أخاف الكلمه متكفيش
أقول عاشق ؟
دنا جنب العيون درويش
و لو بيدي
أضيف عمري على عمرك
عشان قلبك
في فرح يعيش
و مش بالشعر هوصف لك
مشاعر ساكنه جوايا
دنا طول عمري بحلف لك
بإنك ذِكري وغنايا
وجودِك في الحياه يفرق
لإنِّك كلّ دنيايا
واقول لك شعر ؟
من عيني
د لعيونك
يطير الشعر ويجيني
يدندنلك ... ويكتب لك
ف غنوة شوق .. وحشتيني
دي نار السهد ف بعادك
بلمسه يادوب بتكويني
يا نايمه بين حنايا الروح
و مزروعه ف شراييني
وإيه الشعر من غيرك ؟
سوى حبة كلام فاضي
ملوش معنى
وبوجودِك بيجمعنا
وعزّ الليل بيطرحنا
على الدنيا كما القناديل
ننوّر ضلمة المجاريح
وصوت الريح
يكون تراتيل
وانا ف عيونك الحلوه
بقيت اكتب واقول مواويل
وبتمنى أكون ورده
على خدك تملّي تميل
وبتوشوش عيون قلبك
وتترجى ف لحظه يميل
أقول لك شعر ؟
من عيني
وهو الشعر يصبح شعر
من غيرك
يا ملهمتي
دنا ف بحر الحياه شايفك
جناح مجدافي وسفينتي
ولو بالشعر هتكلم
راح ارسم بالحروف أشواق
وأصبح كعبه للعشاق
ولو قالوا الغرام ترياق
أقول ترياقي هو انتي
فـ عز الضحكه والدمعه
بشوفك في الضلام شمعه
ياريتك بعد دا سامعه
ويبقى لي ف قلبك سعر
أقول لك شعر ؟
انا آسف
لقيت الشعر مش واصف
وانا شايف حنين جارف
واخدني بقوه لعنيكي
وف عنيكي
مداين سحر مقفوله
مفيش قوله
تفك طلاسم الأشعار
انا محتار
وتايه بين بحور الشعر مش لاقي
سوى عينك تكون لي الدار
وميت مشوار
على شوقي بخطيهم
وبطوي سنيني بسنيني
واعديهم
أقولك إيه ؟؟
انا هظلم جمالك ليه ؟
أنا هسكت
واخلّي الصمت يوصف لك
كلام مداريه
اقول لك شعر ؟؟
قولي انتي .. أقول لك إيه ؟
...........
......
..
شعر / أحمد سعيد موسى

[اميره بلا وطن]

ويوصف ايه كلام الشعر ياشاعر
مادمت بحبى ليك شاعر
خلاص كلمه بتكفينى
بحبِك بس لما تقولها تشجينى
ولو عطشانه تروينى
سيبك م الرسم والأشعار
بلاش تحتار
وليه وانا قلبى حاسس بيها م الاول
ودبت خلاص
ولو من غير كلام يفهم اكيد حساس
ياشاعر فى بلاد الحرف والكلمه
يارسم اسمى ع النسمه
بلاش تحتار
لإنى عارفه احساسك بلا أشعار


طبعا الكلام ده رد على القصيده المكتوبه
بصراحه قصيده جميله جداااااااااااااااااا
ايوه كده يااحمد لبى الندا
واكتب لنا
واطربنا بكلماتك الجميله دى
دايما من تقدم لتقدم بأمر الله

[أحمد سعيد]

ويوصف ايه كلام الشعر ياشاعر

مادمت بحبى ليك شاعر
خلاص كلمه بتكفينى
بحبِك بس لما تقولها تشجينى
ولو عطشانه تروينى
سيبك م الرسم والأشعار
بلاش تحتار
وليه وانا قلبى حاسس بيها م الاول
ودبت خلاص
ولو من غير كلام يفهم اكيد حساس
ياشاعر فى بلاد الحرف والكلمه
يارسم اسمى ع النسمه
بلاش تحتار
لإنى عارفه احساسك بلا أشعار

طبعا الكلام ده رد على القصيده المكتوبه
بصراحه قصيده جميله جداااااااااااااااااا
ايوه كده يااحمد لبى الندا
واكتب لنا
واطربنا بكلماتك الجميله دى
دايما من تقدم لتقدم بأمر الله

بحبَّك .. لمّا بسمعها
بترويني
ونظره بسّ من عينك
بتحييني
ولمّا بتطلبي منّي
أقولك شعر من قلبي
فاكتب من دموع عيني
...
واقولك إيه انا وانتي
وحشتيني
بحبِّك ؟؟ .. قالها قبلي كتير
ف شعر ياخدني ويجيبني
وبتمنى أجيب تعبير
جمالك سحره يغلبني
فاعيد الكرّه من تاني
واسيب الصمت يملاني
واغيب لكن .. مبتقلشي
بدوَّر عن لغه تانيه
واقولك شعر متقالشي
***

الله يكرمك يا أميره
مرورك وردك أجمل من القصيدة وياريت تقبلي الرد
السريع دا بعلاته
محبتي وتقديري

[اميره بلا وطن]

احمد قايل لمحبوبته
فى شعر جميل بانه احتار
ومش نافع كلام أشعار
لان الحب فى قلبه بينزف نار
لاقادره المية تطفيها
ولا الكلمات بتسقيها
ومن شده لهيب النار كتب اشعار
مايمكن كلمه تشفعله
وزمنه القاسى يخضعله
ويوصل حبه للمحبوبه فى رساله
تقول انه ومهما قال بقى قواله
خلاص انهار
ومن حبه صبح شاعر
وجاى يحكيلنا عن احساسه بالاشعار

[أحمد سعيد]

احمد قايل لمحبوبته
فى شعر جميل بانه احتار
ومش نافع كلام أشعار
لان الحب فى قلبه بينزف نار
لاقادره المية تطفيها
ولا الكلمات بتسقيها
ومن شده لهيب النار كتب اشعار
مايمكن كلمه تشفعله
وزمنه القاسى يخضعله
ويوصل حبه للمحبوبه فى رساله
تقول انه ومهما قال بقى قواله
خلاص انهار
ومن حبه صبح شاعر
وجاى يحكيلنا عن احساسه بالاشعار

أنا قلتلها م الأول
إذا قصَّر ف يوم حرفي
ولو طوِّل
بإنّ الحب مش أشعار
وإن عنيها وحديها
بتغنيني عن الدنيا
وثانيه تفوت ورا ثانيه
بيكبّر حبّها فيّا
فبطوي العمر بالمشوار
أنا لولا عنيها ( السود )
ما كان قلبي يزوره الشعر
ولا عمري يكونلي وجود
ولا حرفي يكون ليه سِعر
أنا الشاعر وانا العاشق
وانا اللي فقلبي سهم الحب كان راشق
يا أهل العشق بصّولي
بحب بكل ما فيّا
وهيّا برقّه ملكاني
وبتسوق الجراح ليّا
برمش عنيها جرحاني
يا محلى الجرح لو منها
ومحلى السجن ف عيونها
بشرط .. تكونلي سجّاني
إذا غضبت .. تموّتني
ولو ضحكت .. بتحييني
وتبقى معايا وقصادي
واقول ( واللهْ وحشتيني )
فروض الدين ...
على كل البشر خمسه
وانا اللي عليّا .. أعشقها
واقول واهمس لها همسه
مفيش بسمايه أسرقها ؟
بلفّ الدنيا طول أو عرض
واعود واقف على بابها
وف عنيها بصلّي الفرض
انا زاهد ف محرابها
صلاة العشق لو مرّه هصليها ..
تكون قِبله
واسيب الدنيا وسنين الهنا ليها
ياريت قابله
قربيه وبردو احنّلها
ورغم الجرح اغنّيلها
وتطلب قلبي .. أدّيلها
ياريت أوصف معانيها
يا أهل العشق سامحوني
حبيبتي صعب يوصفها متين شاعر
ولو هيصيغوا فيها الحرف م الفاخر
ما هيّوَفّوش
ولو فاقوا قصيد عنتر .. وقيس .. وجميل
ما هيكفّوش
حبيبتي .. هديه للدنيا
ورحمه ونور
فصعب بجد توصفها
حروف ف سطور
كفايه ف قلبي محفوره ليوم الدين

[دره]

قصيده جميله جدا يا احمد وردودك انت وميره بجد فوق الوصف
فعلا مش كل من قال كلمتين شاعر
بجد تسلملنا يا احمد
ويسلم احساسك وكلماتك
لك فائق الاحترام

[thesniper_12007]

حبيبي خلاص
انا دبت ف كلامك دوب
وقلبي يا دوب
صغير لسه ما يتحملش
ما تكملش
دا شوق حرفك بيكفيني
بدون ما تقول
انا حاساك في شوق عينك
رسالة حب تكفيني
من الساعه لتكفيني
بحس بقلبك الصافي
سفينة حب وسط الموج بتحدفني
وقلبك هو مجدافي

بلاش اشعار
بلاش تحتار
كفايه في حبي بتذاكر
دا يكفيني
من الساعه لتكفيني

أحمد بالنسبة للقصيدة لا تعليق فعلا بجد والله لإن مجرد تعليقي ح يفقد مصداقيتي في التعبير عن احساسي فإذاً لا تعليق
تقبل تحياتي أخي الفاضل
لك خالص ودي وتقديري واحترامي

[أحمد سعيد]

قصيده جميله جدا يا احمد وردودك انت وميره بجد فوق الوصف

فعلا مش كل من قال كلمتين شاعر
بجد تسلملنا يا احمد
ويسلم احساسك وكلماتك
لك فائق الاحترام

مرورك الأروع يا أسماء من أي شعر
تسلمي يارب من كل سوء
ولا عدمتكِ أبدا
ولك التحية والتجلة
أحمد

[دره]

ياريت يا احمد نشوف وجودك فى اقسام الكافيه اكتر
وفى موضوع اسمه

أجمل القصائد عن طريق" أعضاء الكافية "

ياريت نشوفك فيه وتبقى ضمن اسرتنا
وتبقى متواجد اكتر
مستنيين جديدك

[أحمد سعيد]

حبيبي خلاص
انا دبت ف كلامك دوب
وقلبي يا دوب
صغير لسه ما يتحملش
ما تكملش
دا شوق حرفك بيكفيني
بدون ما تقول
انا حاساك في شوق عينك
رسالة حب تكفيني
من الساعه لتكفيني
بحس بقلبك الصافي
سفينة حب وسط الموج بتحدفني
وقلبك هو مجدافي

بلاش اشعار
بلاش تحتار
كفايه في حبي بتذاكر
دا يكفيني
من الساعه لتكفيني

أحمد بالنسبة للقصيدة لا تعليق فعلا بجد والله لإن مجرد تعليقي ح يفقد مصداقيتي في التعبير عن احساسي فإذاً لا تعليق
تقبل تحياتي أخي الفاضل
لك خالص ودي وتقديري واحترامي

حبيبتي بجد مش قادر
أقول عن رمشك الساهي
ف بحر عنيكي شوق هادر
وانا اللي غرقت واللهِ
بحبك حب مش معتاد
ونبض القلب ليّا مداد
وقربك دنيا م الأفراح
وبُعدك صرح ويل وحداد
ياوش الصبح ع الدنيا
ملكتيني
أنا لو متّ... وتنادي !!
صدى صوت هيحييني
ولو أنفاسك الطاهره
تمرّ ف وقت تكفيني
هتحييني
أنا بغزل سنين الفرح واهديلك عناقيدي
بحبك حب مش ممكن
يكون أبدا تراجيييدي
ولو بيدي
أكون خاتم ف صابعك مش راح اتأخّر
ولو بيدي أكون الجنّ واتسخّر
ما هتأخّر
غرامك يغلي جوايا
ما يتبخَّر
أنا اللي عشقت اقول إسمك
واصيغ رسمك
وأستنّاكي من قبل المعاد بسنين
واقول انا جيّ متأخّر
بلاش قلبك يضنّ عليا من نبضه
ويستخسر
أنا الأجدر . بإنّي أكونلك الفارس
واكون لعيونك السوده
ملاك حارس
واقولك إيه ؟؟
أنا في الحب مش دارس
***

يا عم إكرام إحنا مش قد الكلام دا
وبعدين انت كل مره تتقمص دور الحبيبه
هحبك إنت حر .. ههههههههههه
تسلم يا حبيبوتقبل ارتجالي