::::::::"""""""بالليل وبالنهار والله العظيم حرام"""""""":::::::::::

[الحريه]

حرام والله اللى بيحصل ده

كل يوم كل يوم الكهربا تقطع بالليل وبالنهار

وبتطول كمان بالسعات ده قرف ايه ده

وكل يوم بتطول عن اليوم اللى قبله

هى الحكومه دى بتدور على وسائل القرف عشان تقرفنا بيها

انا حاسه انهم بيتسلو علينا مش لقيين حاجه يعملوها

قالو نتسلى على الشعب الغلبان ده ونعذب فيه

والشعب طيب وبياخد على راسه ويسكت

ومفيش حد بيتكلم وبيعمل حاجه برده ساكتين زى العاده

نفسى اعرف هو ليه مفيش غير بلدنا اللى بتعانى من كل حاجه

كهربا وغاز وميه وقمح ورز وسكر وتموين وارتفاع فى الاسعار

وحاجات تانيه كتير هو احنا بلد فقيرة معندناش ثروات

احنا بلد فقيرة؟؟

بس الكهربا

حر وصيام وكمان الميه بتقطع

ماهى المية لازملها مواتير والمواتير عايزه كهربا

ومش عارفين لحد دلوقتى سبب انقطاع الكهربا يرجع لاى جهة

بيقولو أن السبب الحقيقي وراء انقطاعات

الكهربا دلوقتى وزارة البترول

نقص كميات الغاز الطبيعي المورد من وزارة

البترول لمحطات توليد الكهربا

ازاى وزير الكهربا يقابل الريس

و يساله فيرد الوزير و يقول ان السبب

هو كثرة الاحمال وزيادة الإستهلاك

وبعدين يقول بعد كده انها البترول

ايه الوزير العيل ده

هو عيل ولا احنا اللى عيال وبيضحك علينا

النهارده الكوره اتحدفت فى ملعب وزارة البترول

بكره الكوره هتكون فيييييييييييييييييييييييي ين


فى وزارة الثقافه

[عفريت أفندى]

الحل موجود يا فريدوم

اشترى مولد كهرباء



بس تعرفى عندك حق

وزير عيل

ههههههههههه

و ربنا صعبانين عليا

صيام و حر

يعنى 2 فى 1 زى شامبو بيرت بلس

ههههههههه

معلشى يا فريدوم شر البلية ما يضحك

غصب عنى مش قادر امسك نفسى م الضحك

ربنا يصبرك و يكون ف عونك

الهى الكهربا تقطع عن الحكومه كلها و الحزب الوطنى كله من أكبر راس لأصغر راس

[الحريه]

ماااااااااشى ماشى اضحك براحتك

هى جات عليك انت ما كل الناس بتضحك علينا

حتى احنا بنضحك على نفسنا

وبعدين انت يا عم شكلك كده الكهربا مش بتقطع عندك

يا بختكبحقد عليك

والله كل الوزرا دول عيال وعايزين اللى يربوهم

يارب الانارات اللى عندهم والتكيفات وكل حاجه

بتشتغل بالكهربا

تتحرق ويموتو من الحر ويتعذبو زينا ومولدات الكهربا

اللى عندهم تنفجر


خلصت ضحك ولا لسه

[Ali Pharouq Najar]

ألا إن نصر الله قريب

مشكورة فريدم على التوبيك

[الحريه]

ربنا ينصرنا

اصل كفايه علينا كده اللى بيعملو فينا

ربنا ينصرنا بارك الله فيك اخى

[عفريت أفندى]

ماااااااااشى ماشى اضحك براحتك

هى جات عليك انت ما كل الناس بتضحك علينا

حتى احنا بنضحك على نفسنا

وبعدين انت يا عم شكلك كده الكهربا مش بتقطع عندك

يا بختكبحقد عليك

والله كل الوزرا دول عيال وعايزين اللى يربوهم

يارب الانارات اللى عندهم والتكيفات وكل حاجه

بتشتغل بالكهربا

تتحرق ويموتو من الحر ويتعذبو زينا ومولدات الكهربا

اللى عندهم تنفجر


خلصت ضحك ولا لسه

أيوه خلصت من بدرى

و جيت أضحك تاااااااانى



كل ما اعوز اضحك هآجى بعد إذنك اوك ؟؟؟

[عفريتـــة هانم]

يا بنتى والله الغلط عندنـــأ احنا الى خلاص اتعودنا بناخد على قفانا ونوطى تانى علشان نـــاخد على قفانا تانى اتعودنا خلاااااااااااااص نسكـــت وكل واحد يبقى مستنى التانى يتحرك ياشيخـــــه اسكتى بقى ضايقتينى
احنا عندنا الكهربا بتقطــع تلت ساعات تقريبا فى اليوم ده غير الميا طبعا يبقو كدابين لو قالولك بترول وغاز بيقطعو يابنتىلا علشان يوفره وطبعا العادى انهم عارفين اننا ساكتيـــن فابيزيدو فيها وياعالم بكره هيعملو فينا ايه
متزعليش نفسك وفوكى كده

[ابو تريكه]

ليس لها من دون الله كاشفه


كل شئ هيبقى تمام والصبر جمييييييييل

[دره]

والله يا بنتى الى فهمته من الجرايد بتاعه المعارضه ان الغاز هو السبب فى انقطاع الكهربا
يعنى المحطات محتاجه غاز علشان تشتغل واحنا بنبيعه ب دولار ونص لليهود
على الرغم ان المصرييين بياخدوا الغاز ب3 دولار
يعنى مصلحه بمصلحه احنا اولى عل الاقل فى فلوس هياخدوها
ولا مصلحه ماما امريكا اننا نتودد لليهود
حسبى الله ونعم الوكيل
عارفه اللى يغيظ ان الكهربا عاملينها لعبه يعنى عندنا والله ساعتين شغاله و4 مش شغاله
ايه رايك بقى؟
والنهارده 3 مرات بيقطع وييجى فى خلال 10 دقايق
طيب بالله عليك دول عايزين يموتوا الناس بالسكته القلبيه اكتر ما هما ميتين
منهم لله
معلش بقى بقلب المواجع مانا اصلى هتجنن من النور والل بيعملوه فينا

[الحريه]

أيوه خلصت من بدرى

و جيت أضحك تاااااااانى



كل ما اعوز اضحك هآجى بعد إذنك اوك ؟؟؟

لا هى مرة واحده بس
ايه الطمع اللى انتو فيه ده
دة لو الحكومه بتاعتنا كانت سابتك تضحك كده

ده كرم منى وهسامحك المرة دى