بيقولولى لية ما بتحبش مصر

**عبد الحميد بدوى** · 20 - 8 - 2010, 05:34 PM

بيقولولى لية مابتحبش مصر؟؟؟؟؟؟؟

وعلى طول بتشتمها

شكلك قليل الاصل

وناسى جميلها

انكشح برة وغور

و أتفضل من غير مطرود سبها

ساعتها بس هأتعرف قيمتها

وترجع ذليل تتمنى رضاها

وتبوس أيدها

طالما مصر تعباك قوى كدا

أيه اللى جبرك تقعد فيها

أرحل وفارقها

لا هى عجباك ولا انت بسلامتك عاجبها

رديت وقلت مصر حتة منى

وأنا منها

وأزاى محبش مصر

وسبحانة اللى خلقها

بس كل المشكلة

ان مش عاجبنى يا ناس حالها

راجعوا وقولوا مصر أم الدنيا

رديت وقلت ياناس

هو فية فى الدنيا أم بتقتل عيالها

الشاعر
عبد الحميد بدوى

**ايسل** · 21 - 8 - 2010, 04:44 AM

هو فية فى الدنيا أم بتقتل عيالها

سؤال مشروع من حقك تسأله بس للأسف مصر مظلومه من عيالها مش هى اللى ظالمه هى بتشتكينا اننا فرطنا فيها وسيبناهم ينهشوا فيها
كلمات جميله عبد الحميد سلمت يداك

**عفريت أفندى** · 22 - 8 - 2010, 08:25 AM

اعتقد أخى الكريم إنك تقصد بسؤالك
(هو فيه فى الدنيا أم بتقتل عيالها )

النظام و ليست البلد

و لو كان فعلا ده قصدك هتلاقى فيه كتير فى الدنيا نظام بيقتل شعبه

أما لو قصدك على مصر

هيكون ردى زى رد إيسل بالظبط

تسلم الأيادى

و بارك الله فيك

دمت بود

**ابو تريكه** · 22 - 8 - 2010, 10:49 AM

س كل المشكلة

ان مش عاجبنى يا ناس حالها

راجعوا وقولوا مصر أم الدنيا

رديت وقلت ياناس

هو فية فى الدنيا أم بتقتل عيالها

ان الله لا يغير ما بقوم حتى يغيروا ما بأنفسهم

**عبد الحميد بدوى** · 22 - 8 - 2010, 02:54 PM

اشكركم تقبلوا تحياتى
ولكن السؤال الاهم فين الشعوب
واية دورها

**~ NORA ~** · 6 - 9 - 2010, 02:39 PM

شكرا ليك على جهدك والواحد مش عارف يقول ايه حسبي الله ونعم الوكيل وأنا موافقة على كلام ايسل لانه صح وكل سنة وانت طيب

الموضوع: بيقولولى لية ما بتحبش مصر

أدوات الموضوع

بيقولولى لية ما بتحبش مصر

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة