خيمه رمضانيه كلها الغام ضيفتنا البنت الجديده (صفا )

[هشام اللول1]

شكرا لمرورك الكريم عماد
وكل عام وانت بخير وصحه وسعاده
واللهم اجعله شهر رحمه ومغفره عليك
وعلي الامه الاسلاميه كلها
والمشاريب جايه في الطريق
لما نرحب الاول بالضيف



ايه ياعم وليد
انت مستعجل علي رزقك ليه
ده حاجه علي الماشي

طب اتفضل يا حاج



بالهنااااااااااااا والشفتشي


ابدا معاك بسؤال خفيف
وانتظر مني باقي الاسئله
هل انت من انصار حزب معين ؟؟؟
هل انت منضم لهذا الحزب؟؟؟
واذا لا
ما الحزب الذى تميل له ومقتنع بافكاره .؟؟؟

دي وجبه خفيفه
عقبال ما نحضر التقيل
(( ملوخيه بالارنب ))


وفاصل ونواصل

[hero]

وليد باشا منور والله ايه رايك فى القاعده عندك هههههههههههههه
انا سيبلك تحياتى مع المشروب الرسمى
اء انا قولت بس ابص عليك وامشى ع طووووول
مش فاضى بئه هاجيلك بئه بكره يمكن يكون فيك حته سليمه
باى مش تنسا المشروب الرسمى تحت مش تنسا الحساب
باى

[عفريت أفندى]

شكرا لمرورك الكريم عماد
وكل عام وانت بخير وصحه وسعاده
واللهم اجعله شهر رحمه ومغفره عليك
وعلي الامه الاسلاميه كلها
والمشاريب جايه في الطريق
لما نرحب الاول بالضيف



ايه ياعم وليد
انت مستعجل علي رزقك ليه
ده حاجه علي الماشي

طب اتفضل يا حاج



بالهنااااااااااااا والشفتشي


أهو كده

ده الفطار التمام بصحيح

ما كان م الأول يا ابن الحلال

و لا لازم الواحد يوريكوا العين الحمرا >>>>>> أومال ايه مش عفريت
هههههههههههه

ابدا معاك بسؤال خفيف

ابدأ يا ضنايا
ربنا معانا و يقوينا
خفيف خفيف

وانتظر مني باقي الاسئله

حاضر يا اتش هكون ع الوايتنج و تحت الطلب

هل انت من انصار حزب معين ؟؟؟

أكيد العمل فى منظومه حزبيه بيكون أفضل من العمل كمستقل لأن تأثيره بيكون أقوى و أثره بيكون واضح

بس للأسف فى الفتره الحاليه لا يوجد حزب فى مصر يلبى طموحاتى أو أفكارى
لكن كان فيه حزب تحت الإنشاء لأسامه الغزالى حرب و كانت أفكاره جيده و رائعه و طبعا بسبب لجنة تكوين الأحزاب اللى من الوطنى أصلا لم ير هذا الحزب النور

مش عارف إزاى الوطنى يكون هو الحكم و الخصم ف نفس الوقت
يعنى اعضاء اللجنه الموقره ليهم الحق فى قبول او رفض إنشاء أى حزب
بالله عليك ده إسمه كلام ؟

هل انت منضم لهذا الحزب؟؟؟
واذا لا
ما الحزب الذى تميل له ومقتنع بافكاره .؟؟؟

طبعا زى ما قلت قبل كده الحزب ده تحت الإنشاء لكن أنا لم أنضم إلى أى حزب لأنها كلها ديكور فى ديكور

و الوطنى ما شاء الله عليه أول ما يشوف حزب بدأ يكون ليه شعبيه وسط الناس يبدأ يخترقه عن طريق أعضاء ف الحزب نفسه زى ما حصل لحزب الغد او حزب الوفد و دى سياسة فرق تسد او اعمل مشاحنات و مشاكل داخليه بين الأعضاء عشان يفكروا ف نفسهم و يبعدوا عن الشارع


دي وجبه خفيفه
عقبال ما نحضر التقيل
(( ملوخيه بالارنب ))



اوك يا اتش

بس أرنب واحد ؟؟

مصمم انك تكششها؟

مش عاوز تعرضها أبدا ؟

ههههههههه

وفاصل ونواصل

اوك يا كبير

بعد الفاصل هنواصل

و نواصل بعد الفاصل

و ربنا يكفينا شر المتدارى و المستخبى

[عفريت أفندى]

وليد باشا منور والله ايه رايك فى القاعده عندك هههههههههههههه
انا سيبلك تحياتى مع المشروب الرسمى
اء انا قولت بس ابص عليك وامشى ع طووووول
مش فاضى بئه هاجيلك بئه بكره يمكن يكون فيك حته سليمه
باى مش تنسا المشروب الرسمى تحت مش تنسا الحساب
باى

و انا اللى قولت هيرو حبيبى و هيظبطنى

تيجى منك انت ؟

دها انا بحبك مووووووووت يا هيرو

و احب اهديك اغنية

from zero to hero

أغنيه جامده موووووت و ربونا

يا رب تعجبك

و شكرا على مشروب الإعدام بتاعك

مش نجيلك ف حاجه وحشه

[هشام اللول1]

وبعد الفاصل
وبعد السلام والصباح
رجعنا مع ضيفنا الغالي
وليد

اولا بشكرك وليد علي اجابه السؤال الاول
بكل اقتناع عم يدور بذهنك وذهن كثير من الشباب
عن موضوع الاحزاب

وليد
وبعد وجبه الافطار التي تناولنها امس
وللاسف الان نحن صيام فألتمس لي العذر
لم يقدر لي تقديم شئ لك
(( الحمد الله صايم ))

وألان
تسمحلي اناقشك وتوضح لي بعض الاجابات علي هذه الاسئله
التي من الممكن ان اقول انها وجبه دسمه
لكن علي عقل و ثقافه ورزانة عقل مثل عقلك
لاتساوي اكثر من سندوتش فول وطعميه وكوبايه شاي تتناولهما في شرفتك
المطله علي باب صيدليه حضرتك

1- بتحب مصر قد ايه وايه اقصى حاجة ممكن تقدمها لمصر لو احتاجتك؟

2- شايف مصر دلوقتى رايحة على فين ؟
3- "الشعب المصرى حاليا متغير عن الزمن اللى كنا بنقرأة ونسمع عنة وقت الاحتلال"
هل هذه التغيير للاعلي ام للاسفل مع توضيح بعض الاسباب ؟؟؟
4 - ماهو رأيك فى المظاهرات؟ غباء أم وطنية؟ وفى الوضع الحالى هل هى الاختيار السليم لهذه المظاهرات والاحتجاجات ؟؟
5
- رأيك فى نظام الحكم، أنا مقصدش مبارك أنا أقصد أجندة الحزب، هل هى نظام آيل للسقوط يحتاج للهدم وإعادة بناء؟ أم نظام متصدع يحتاج للترميم؟
6- جاوب نفس السؤال بالنسبة للاخوان؟
(( وبعد ما جاوبت علي السؤال ال5 وال6 نحن جربنا حكم الحزب الوطني وانت تراه ماذا وصلت اليها مصر فاصبحت مصر دوله (( للرجال الاعمال فقط ))
فتخيل معي لو مسك الاخوان المسلمين البلد هل سيصلون لاعلي ام اسفل ما وصل اليها الحزب الوطني ...؟؟؟؟ )))

7 - تفتكر ثورة الجياع دى ممكن تحصل (بالنظر للناس اللى أنا وانتا شايفينهم فى الشارع) ولا دا مجرد تفاؤل زيادة عن اللزوم؟
8 - لو كنت عضو فى مجلس الشعب إيه القانون اللى هتضيفه (وخلى بالك تضيفه مش تحذفه)؟
9- مين مثلك الأعلى فى التاريخ الحديث (من أول محمد على باشا إلى يومنا هذا)؟

ما هي الديمقراطيه ...؟؟؟ وهل الديمقراطيه تطبق في مصر فعلا ....؟؟؟
11 - هل الاعلام من الممكن ان يوجهه الشعب الي الاختيار الانسب في انتخابات الرئاسه القادمه؟؟ ام كل الاعلام الموجود حاليا كلها اعلام سلطه ؟؟
12 - هل تري علي الساحه السياسيه شخصيه يقال عليها (( نصير الفقراء والغلابه )) .. مع ذكر بعض الاسماء ...؟؟
13 - ما رايك بعلاقه مصر مع الدول العربيه الان ..؟؟ هل سبب هذه المشاكل مصر ام هي هذه الدول .. ويوجد امل ان تتجمع قوميه عربيه مره اخري من بعد عهد الرئيس جمال عبد الناصر ..؟؟
14-لخص لي كل كلمه من هذه الكلمات في سطر
مصر
شباب مصر
مبارك
البرادعي
التوريث
مصراوي كافيه
هشام اللول

15 - هو ممكن يكون سؤال شخصي شوية بس رخامه بقي
)) هل اذا عرضت عليك الدوله التي تعمل بها الان الجنسيه بكل مميزاته ... هل توافق .؟؟؟ ((

واشكرك لرحب سعه صدرك وليد
وربنا يقويك علي الشر يا كبير


والان وبعد طرح الاسئله علي ضيفنا العزيز وليد
وبعد ان يجاوب علي هذه الاسئله البسيطه
فســـــــــــــوف نفتح التليفونات والاميلات
لكل حبابينا اعضاء مصراوي كافيه

لمن لديها سؤال او استسفار
لضيفنا العزيز
عفريت افندي

(( وليــــــــــــــــــــــ ـد))


انت هتتقطع ياحاج

ههههههههههه ضحكه شريره هههههههههههه

[عفريت أفندى]

و عليكم السلام و رحمة الله و بركاته




اللهم آمين يا رب العالمين

وبعد الفاصل
وبعد السلام والصباح
رجعنا مع ضيفنا الغالي
وليد

تسلم يا غاااااالى

اولا بشكرك وليد علي اجابه السؤال الاول
بكل اقتناع عم يدور بذهنك وذهن كثير من الشباب
عن موضوع الاحزاب

لا شكر على واجب يا هشام

وليد
وبعد وجبه الافطار التي تناولنها امس

إنت هتذلنى يا عم؟

كل شوية هتسيح ؟

ههههههههه

وللاسف الان نحن صيام فألتمس لي العذر
لم يقدر لي تقديم شئ لك

شكلك ما صدقت اننا ف صيام
عشان تهرب من العزومه
ههههههه

(( الحمد الله صايم ))

ربنا يتقبل منى و منك إن شاء الله

وألان
تسمحلي اناقشك وتوضح لي بعض الاجابات علي هذه الاسئله
التي من الممكن ان اقول انها وجبه دسمه
لكن علي عقل و ثقافه ورزانة عقل مثل عقلك
لاتساوي اكثر من سندوتش فول وطعميه وكوبايه شاي تتناولهما في شرفتك
المطله علي باب صيدليه حضرتك





تسلم يا هشام
و أخجلتم تواضعنا

1- بتحب مصر قد ايه وايه اقصى حاجة ممكن تقدمها لمصر لو احتاجتك؟

مصر بلدى و حبها لا يمكن اقدر أوصفه حب الوطن شيئ فريد من نوعه
مفيش أكتر من الروح و الدم أقدر أقدمه و لو فيه أكتر مش هتأخر

2- شايف مصر دلوقتى رايحة على فين ؟

صعب تقدر تحدد
لكن اللى اقدر أقوله رايحه لمصير مجهول ربنا وحده اللى يعلم
و بأدعى ربنا يسترها و يبعد عنها المتربصين بيها

3- "الشعب المصرى حاليا متغير عن الزمن اللى كنا بنقرأة ونسمع عنة وقت الاحتلال"
هل هذه التغيير للاعلي ام للاسفل مع توضيح بعض الاسباب ؟؟؟

فعلا الشعب متغير فى زمننا عن زمان
و ده شيئ طبيعى بسبب التغيرات العالميه و الانترنت و العولمه و اندماج الثقافات و الإختلاط بين الشعوب و الإنفتاح الاقتصادى
كل دى متغيرات لازم تأثر فى أى شعب

طبعا مش أقدر أقول إن التغيير للأعلى او للأسفل على طول الخط
لكن الملاحظ إن التغيير للأسفل أكتر بكتير من التغيير للأعلى و يفوقه بمراحل
ستجد إنحدار فى كافة المستويات سواء الأخلاقيه أو العلميه أو الثقافيه أو غيرها فى شتى المجالات
لكن مش كل حاجه سوده
هناك نماذج تعطى الأمل فى المستقبل زى العديد من العلماء ( أحمد زويل- فاروق الباز-مجدى يعقوب-و غيرهم كتير )
كمان الجيش المصرى مميز و له وضعه فى المنطقه
لكن لو قارنت الايجابيات و السلبيات ستجد أن السلبيات لا حصر لها
زى تعامل الخارجيه المصريه مع القضايا الاقليميه او الدوليه ( تعامل لا يرقى الى مستوى الأحداث )
طبعا اسباب الانحدار معروفه منها ما هو محلى و ما هو مرتبط بالتغيرات العالميه
المحلى : على سبيل المثال عدم ابراز الشخصيات التى تمثل القيم أمام المجتمع و الإهتمام بكل ما هو تافه ولا نفع منه و إبرازه فى وسائل الإعلام المختلفه و عدم الإهتمام بالتعليم و الثقافه
العالمى : زى ما قلت قبل كده الانترنت و العولمه و الاقتصاد الحر و اندماج الثقافات و الشعوب

4 - ماهو رأيك فى المظاهرات؟ غباء أم وطنية؟ وفى الوضع الحالى هل هى الاختيار السليم لهذه المظاهرات والاحتجاجات ؟؟

لكل مواطن حرية فى التعبير عن رأيه و عما يراه لمصلحة الوطن فله حق الإعتراض عما لا يرضيه و حق المطالبه بحقوقه الضائعه
لكن بضوابط و بطريقه سليمه و معايير دون الإخلال بالأمن او النظام
لا ارى غباء فى المظاهرات إلا إذا سارت فى طريق خطأ (و اقصد بذلك الإضرار بأمن المواطن او التخريب )

على كل مواطن ان يتبع الطرق المعروفه و السلميه و المشروعه فى المطالبه بحقوقه بصفه عامه
و إذا لم يحصل عليها فله الحق فى الاحتجاج او التظاهر و إذا لم يستمع إليه أحد فله الحق فى تصعيد الأمر و المواجهه حتى و لو أدى ذلك إلى عصيان مدنى

5
- رأيك فى نظام الحكم، أنا مقصدش مبارك أنا أقصد أجندة الحزب، هل هى نظام آيل للسقوط يحتاج للهدم وإعادة بناء؟ أم نظام متصدع يحتاج للترميم؟

للأسف سلطه مطلقه تؤدى إلى فساد مطلق و فى كافة المجالات
يجب إنشاء نظام جديد يقوم على المؤسسات و تفعيل دورها و ليس شكليا فقط
و تفعيل المؤسسات الرقابيه التى تحاسب المخطئ و تعيد الحقوق المهدره

6- جاوب نفس السؤال بالنسبة للاخوان؟

الإخوان فصيل سياسى موجود فى الشارع شاء النظام ام أبى
لى الكثير من التحفظات على برنامجهم السياسى
فمثلا موقفهم من ان يتولى الرئاسه إمرأه !
موقفهم من الأقباط فى مصر !
دائما ما يسارعون فى المظاهرات بالنسبه لفلسلطين و لكن أين هم من ارتفاع الأسعار! أين هم من القضايا الداخليه التى تهم المواطن كتدنى الأجور !
هل يبحثون عن مكاسب سياسيه من النظام و يقومون بالضغط من أجل ذلك فقط ؟
ام يقومون بذلك بدافع وطنى و حبا فى مستقبل أفضل لمصر و المصريين ؟

برنامجهم يجب ان يشمل كل نقاط الخلاف التى ذكرتها و كيفيه ايجاد حلول لها
يجب عليهم إعادة النظر فى برنامجهم بصفه عامه فهو يحتاج إلى إصلاح و ترميم

(( وبعد ما جاوبت علي السؤال ال5 وال6 نحن
جربنا حكم الحزب الوطني وانت تراه ماذا وصلت اليها مصر فاصبحت مصر دوله (( للرجال الاعمال فقط ))
فتخيل معي لو مسك الاخوان المسلمين البلد هل سيصلون لاعلي ام اسفل ما وصل اليها الحزب الوطني ...؟؟؟؟ )))

لا اريد المقارنه بين الوطنى و الإخوان
و لكن ما اريده هو النزاهه فى كل الانتخابات و تطبيق الدستور و سيادة القانون على الجميع
و اطلاق الحريات بصفه عامه لكافة المواطنين
و عندئذ يأتى من يأتى للحكم لأنه سيكون إختيار الشعب

7 - تفتكر ثورة الجياع دى ممكن تحصل (بالنظر للناس اللى أنا وانتا شايفينهم فى الشارع) ولا دا مجرد تفاؤل زيادة عن اللزوم؟

كل ما يحدث من احتاجات من العمال او الموظفين بسبب تدنى الأجور و عدم القدره على الحياه الكريمه نظرا لغلاء الأسعار
لذا من السهل السيطره عليهم اما بضبط الأسعار مؤقتا او رفع الأجور
لذلك لا اتوقع حدوث ثورة جياع
لكى تحدث ثوره يجب ان يكون هناك عمل مخطط و استراتيجيه للتحرك و هدف لقيادة الجموع

8 - لو كنت عضو فى مجلس الشعب إيه القانون اللى هتضيفه (وخلى بالك تضيفه مش تحذفه)؟

أكيد ان يكون للمصريين بالخارج حق التصويت فى كافة الإنتخابات المصريه
سواء رئاسيه او تشريعيه او غيرها
و تحديد فترة الرئاسه بفترتين على الأكثر

9- مين مثلك الأعلى فى التاريخ الحديث (من أول محمد على باشا إلى يومنا هذا)؟

أكيد محمد على باشا و رفاعه الطهطاوى
لما قاموا به من نهضه علمية ارتقت بمصر و دفعتها للامام
العلم سر التقدم فى كافة المجالات

ما هي الديمقراطيه ...؟؟؟

نظام سياسى-إجتماعى يقيم العلاقه بين أفراد المجتمع و الدوله فى مبدأ المساواه بين المواطنين و مشاركتهم الحره فى صنع التشريعات التى تنظم الحياة العامه ( حكم الشعب لصالح الشعب بواسطة الشعب )

وهل الديمقراطيه تطبق في مصر فعلا ....؟؟؟

للأسف شكليا فقط و ليس فعليا

11 - هل الاعلام من الممكن ان يوجهه الشعب الي الاختيار الانسب في انتخابات الرئاسه القادمه؟؟ ام كل الاعلام الموجود حاليا كلها اعلام سلطه ؟؟

يلعب الاعلام دورا هاما فى تسليط الضوء على المرشحين و تعريف الناس بهم و ببرامجهم الإنتخابيه
و إذا رفعت الدوله يدها عن الإعلام صار حرا طليقا و متوازن و غير منحاز لطرف على حساب الآخر
و لكن أغلب الإعلام و الإعلاميين منحازون
و يناصرون الدوله نظرا لما يتحقق لهم من مكاسب شخصيه ( إلا من رحم ربى -و هم فئه قليله للغايه )

12 - هل تري علي الساحه السياسيه شخصيه يقال عليها (( نصير الفقراء والغلابه )) .. مع ذكر بعض الاسماء ...؟؟

بالتأكيد فى كل زمن توجد هذه النوعيه من الشخصيات و لا يمكن ان تنتهى
فهناك محمود بكرى و طلعت السادات و اخيه محمد بالإضافه إلى بعض رجال الأعمال أمثال أحمد بهجت و صاحب قناة المحور و مصطفى السلاب
و بعض الإعلاميين امثال محمود سعد و عمرو الليثى
و هناك من لم يبرزه الإعلام و لا يعلم أحد عنه شيئا

13 - ما رايك بعلاقه مصر مع الدول العربيه الان ..؟؟

للأسف علاقه سيئه و متوتره فى أغلب الأحيان

هل سبب هذه المشاكل مصر ام هي هذه الدول ..

الطرفان السبب
و يقع اللوم على الأنظمه التى لا تراعى مصالح شعوبها و لكن تنظر الى أمريكا و إلى الحكم فقط

ويوجد امل ان تتجمع قوميه عربيه مره اخري من بعد عهد الرئيس جمال عبد الناصر ..؟؟

لو وجد فسيكون ضعيف جدا و للغايه

14-لخص لي كل كلمه من هذه الكلمات في سطر
مصر

وطنى الذى أنتمى إليه و أحن إليه و أخاف عليه

شباب مصر

عماد البلد و مستقبلها فهم الثروه الحقيقه إذا أحسنت الدوله إستثمارها

مبارك

رئيس مصر الحالى و رئيس الحزب الوطنى


البرادعي

عالم مرموق و يشكر على مجهوده لجعل المواطن يحس بمسئوليته تجاه بلده و اعطاءه الأمل فى التغيير

التوريث

كارثه كبرى و مصيبه أرجو ألا تحدث

مصراوي كافيه

بيتى على الإنترنت

هشام اللول


أخ و صديق عزيز و ربنا يديم المحبه و الود و المعروف

15 - هو ممكن يكون سؤال شخصي شوية بس رخامه بقي
)) هل اذا عرضت عليك الدوله التي تعمل بها الان الجنسيه بكل مميزاته ... هل توافق .؟؟؟ ((

بالتأكيد لن أوافق

فأنا أعتز بمصريتى مهما حدث و مهما صار
فلن اجد ما احس به تجاه بلدى فى اى مكان آخر

واشكرك لرحب سعه صدرك وليد

العفو يا اتش

وربنا يقويك علي الشر يا كبير

كله بأمره
هههههههههههه

والان وبعد طرح الاسئله علي ضيفنا العزيز وليد
وبعد ان يجاوب علي هذه الاسئله البسيطه
فســـــــــــــوف نفتح التليفونات والاميلات
لكل حبابينا اعضاء مصراوي كافيه

افتح يا اتش و لا يهمك

و ربنا يقدرنى و أكون عند حسن ظن الجميع

و اكون ضيف خفيف عليهم

لمن لديه سؤال او استسفار
لضيفنا العزيز
عفريت افندي

(( وليــــــــــــــــــــــ ـد))

اهلا و سهلا بالجميع

يا مراااااااحب يا مراااااااحب

انت هتتقطع ياحاج

ربنا يستر

ههههههههههه ضحكه شريره هههههههههههه









تسلم يا هشام

و بجد استمتعت جدا بالإجابة على أسئلتك

و يارب اكون وفقت

و من تقدم إلى تقدم

و من تميز إلى تميز

[ابو تريكه]

فعلا ردود مقنعه وجيده جدا

انا مليش ف السياسه خالص

بس هسألك سؤال

لو اصبحت رئيسا للبلاد (لو) ما هو اول قرار هتقوم باتخاذه ؟؟

[هشام اللول1]

اولا اوجه لك كل الشكر والتقدير
ضيفنا العزيز
((ولــــــــــــــيد ))
علي اجاباتك الاكثر من رائعه
مع العلم اني اري بعد الدبلوماسيه في بعض الرود
سوف يكون لي عوده فيها

ولكن بعد استقبال
التليفونات والاميلات من الاخوه والاخوات
في منتدانا الرائع
مصراوي كافيه



وبناء علي رغبه اخي عماد حديدي
فلقد احضرنا المشروبات
لكل الزوار والمتواجدين والمشاهدين



اوعي حد يشرب قبل الفطار


والان ننتظر تفاعلكم
مع ضيفنا العزيز
وليد

من لديه

سؤال ..؟؟؟
استسفار ...!!!
مناقشه في رد .....$$$

ننتظر تفاعلكم

مش هنسيبك ياحاج

[عفريت أفندى]

فعلا ردود مقنعه وجيده جدا

انا مليش ف السياسه خالص

بس هسألك سؤال

لو اصبحت رئيسا للبلاد (لو) ما هو اول قرار هتقوم باتخاذه ؟؟

أولا أحب أشكرك أخى محمود على حضورك و متابعتك

سؤال صغير لكن محير جدا

نظرا لما آلت إليه الأمور من انتشار للفساد الذى أصبح قاعده و إنتشار للواسطه و المحسوبيه و إستغلال النفوذ

بالفعل أقف حائرا امام كل هذه العقبات

و لكن يجب ان تكون هناك بدايه و خطوه على الطريق الصحيح

و لا أرى حلا جذريا لكل ما يواجه مصرنا الحبيب سوى إصلاح التعليم

لتكن هذه هى الشراره الأولى و بداية التغيير

التعليم أساس التقدم فى شتى المجالات

و له أثره القوى فى تغيير ثقافة الشعوب نحو الأفضل و حث الشعوب على ترك كل ما هو قبيح و سيئ

و مشكور أخى محمود

و بارك الله فيك

دمت بود

[hero]

ياخربيتك ياهشام دا انت بهدلية الراجل ياجدع ههههههههههههه
انت لسه عيش ياوليد ايه دا معقول لسه فيك روح
خلاص بقه ربنا يكون فى عونك