اهلا بيكى طيور الجنه نورتى الخيمه يا قمرايه انا اللى بشكرك والخيمه خيمتك بقى خدى راحتك
وعايزين شوية اسئله حلوه كده لصفا امال ايه لازم نقوم معاها بالواجب نورتينا يا قمرايه
انا جيت بس متاخره
وحبيت اشكر هشام وايسل علي الفكره الاكثر من رائعه
واشكر عفريت افندي و براكوده علي اجابتهم الجميله
وبقول ل صفا ربنا معاكي
التعديل الأخير تم بواسطة طيور الجنه ; 7 - 9 - 2010 الساعة 09:27 PM
اهلا بيكى طيور الجنه نورتى الخيمه يا قمرايه انا اللى بشكرك والخيمه خيمتك بقى خدى راحتك
وعايزين شوية اسئله حلوه كده لصفا امال ايه لازم نقوم معاها بالواجب نورتينا يا قمرايه
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
1\بتحبي مصر قد ايه
بحبها كتير جدا زي اي مصري اصيل بيحب بلده مهما كان فيها من مشاكل وصراعات وفساد.
وايه اقصي حاجه ممكن تقدميها لمصر لو احتاجتك؟
هاقدم ليها كل اللي هاقدر عليه حتي لو طلبوني في الجيش ان شاء الله لن اتأخر واتمني اني اكون في يوم من الايام حد كويس يقدر ينفع بلده بجد زي دكتور مجدي يعقوب العبقري وامثاله العظماء .
2\يعني ايه ديمقراطيه؟؟؟
الديمقراطيه هي تعبير الفرد عن رأيه بحريه دون ضغط من اي اتجاه
ويجب علي الطرف الاخر(الحكومه )ان تحترم كل الافراد وتلبي احتياجاتهم ومطالبهم حتي مع اختلاف وجهات نظرهم وتعارضها مع الحكومه
واذا حدث ذلك امكن ان نقول ان هذه بلد ديمقراطيه .
وهل يوجد في مصر ديمقراطيه فعلا؟؟؟
لا...ليس في مصر ديمقراطيه انها فقط كلمه تنطق وطالما رددناها علي امل تطبيقها ولكن للاسف من يسمع لنا ...؟؟
4\هل تري شيئا منيرا في الحكومه ؟؟؟
لا....لا اري شيئا منيرا علي الاطلاق ودائما اردد مقوله ( اللي الحكومه عايزاه هو اللي بيحصل) يبقي ازاي ممكن اشوف فيها شئ منير ولو حتي بسيط واقل مثال لو حبينا نتعامل مع موظف حكومي يبقي عمر الموضوع ما هيخلص .
ومفيش مشروع حكومي بيتم انشاؤه الا ويستغرق وقتا طويلا وبعدها قد نكتشف خطأ في المشروع وللاسف هذا اصبح منتشرا جدا
فمثال
جراج السيارات في رمسيس استغرق بناؤه وقتا طويلا واستهلك مبلغ 14 مليون جنيه وبعد ذلك تمت ازالته بمبلغ 10 مليون وذلك بغرض فشل المشروع ...من الاحق بهذه المبالغ الطائله ..
فكيف بعد هذا المثال البسيط اري في الحكومه شيئا منيرا .
5\هل يوجد امل في نهضه مصر؟؟؟
نعم ...الامل موجود ولكن الموضوع يحتاج تغييرا شاملا وجذريا حتي يحدث في مصر نهضه بمعني الكلمه .
وما هي مقترحاتك ؟؟؟
مقترحاتي ..
* ان يحدث تغيير في مجال التعليم
* ان يحدث انقلاب في مجال الاستثمار
*ان يتم انعاش الصناعه وزياده المشروعات
* ان يتم الاقلال من الاستيراد وزياده التصدير
* تنشيط مشروعات الاستصلاح والبعد عن الاراضي الزراعيه ومنع استغلالها
*ان تحدث مراقبه علي كل ما تنشره الصحف والتليفزيون لان هذا يؤثر علي النهضه الداخليه لدي الشعوب .
* التقليل والحد من الوساطه والمحسوبيه وغيرها مما يدمر البلاد داخليا .
*زياده فرص العمل وتوفير سبل التنميه للشباب
* الحد من الزياده السريعه الجنونيه في الاسعار لان هذا يؤثر علي الاقتصاد وهذا امر طبيعي ومعروف .
6\احساسك ايه لما بتشوفي شباب ولا بيتكلم ولابيعمل حاجه في حياته كلها؟؟؟
الاحباط
بشعر باحباط واشعر بان المستقبل مظلم
والاسباب كثيره جدا ومتنوعه فالشباب ليسوا دائما هم المخطئون فالبيئه ( الفاسده الفاسده الفاسده) هي السبب الاول وماقبل الاخيروالاخير .فعزيمه الشباب مازالت موجوده فقط انهم يحتاجون الي ما يدهم احلامهم وامالهم في الحياه .
7\احساسك ايه لما بتشوفي ناس تحت خط الفقر بمراحل وبالتاكيد بنشوفهم كتير؟؟؟
اشعر بالحسره
والسبب يكمن في الحكومه فالحكومه هي من لم تعطي وتوفر لهم عملا فعاشوا بذلك تحت خط الفقر .وانا اشعر بان الحكومه تعيش في حاله غيبوبه مستمره فالكثير من الكوارث تحدث ويشرد الناس ولايجدون مأوي فحادث الدويقه وغيره من الحوادث ما زال ماثلا في الاذهان . وهناك الكثير من العشوائيات تحت خط الفقر عندما طالب رئيس الوزراء السابق كمال الجنزوري بازالتها وتوفير لهم مسكن مناسب وعيشه راقيه قامت الدوله بفصله من منصبه .ولا تعليق .......
8\ ايه رأيك في الشباب المصري ((العاطل \ المدمن ))
هل هم ضحيه ظروف اجتماعيه نابعه من الاسره والاعلام والمجتمع ولا ظروف اقتصاديه علي البلد كلها ؟؟؟
اجابه السؤال في السؤال ذاته
فكل هذه الظروف اجتماعيه من الاسره _والاعلام _والظروف الاقتصاديه كفيله بتحويل شاب طموح حالم الي شخص عاطل يملأ الفراغ وقته فلن يجد وسيله سوي الادمان فتجده يهرب من مصيبه البطاله ومشاكلها الي كارثه الادمان .
والسبب طبعا معروف
لان الحكومه اذا وفرت لهؤلاء الشباب مجالا للعمل ووفرت لهم كذلك ما يؤهلهم لان يعيدوا النهضه للبلاد لفعلت الحكومه ولكنها لم تقم بذلك فكيف لي ان اعمل وانتج فانا الان عاطـــــــل وغدا مدمـــــــن وبعد غد ربما مجرم ولا حول ولا قوه الا بالله .
فالاسره المفككه لن توفر جوا للحلم والامل المزروع داخل الشباب.
والاعلام الفاسد يدمر اخلاق الشباب .
والمجتمع لم يعد بيئه لتنموا فيه الافكار .لكثره الاهمال في كل شئ في التعليم والصناعه والبحث العلمي .
والظروف الاقتصاديه القاسيه لا تدعوا ابدا الي حلم من شباب تخرجوا من كليات قمه وكانوا مبدعين في وقت من الاوقات .فكثير من رجال العمال وكثير من رجال الحكومه نهبوا وما زالوا ويستمرون في تدمير الاقتصاد المصري وكان الاولي من ان تحول الاموال علي بنوك سويسرا ان تكون حقا للشباب المصري ( الله يكون في عونه) .
9\ هل يحكم الرئيس البلد ؟؟
كان بيحكمها اول ما تولي الرئاسه ....انما دلوقتي لا اعتقد انه عنده معرفه باحوال الغلاء والمعيشه الصعبه اللي المصريين فيها
(حق الرد مكفول للجميع ........)
واذا لا من الذي يحكم ؟؟؟
مصر دلوقتي كانها بلا حاكم كل وزير مسؤل عن وزاره وكل محافظ مسئول عن محافظه وكل عمده مسئول عن بلده يعني انا شايفه ان محافظ المحافظه بتاعتي هو المسئول عنها ويحكمها ولما بيوصله اوامر عليا بيقول سمعا وطاعا واللي هو شايف انه في مصلحه المحافظه بيعمله انما لو عكس المصلحه ابدا مش هينفذه .
(انا شايفه كدا لان دا اللي بحسه في البلد اللي انا ساكنه فيها والمحافظه بتاعتي)
اما بالنسبه للسلطات العليا فالرئيس بيعطي الاومر للوزراء واللي برده هما شايفينه بيعملوه ودايما مش بيكون في مصلحه الشعب .
10\ما هو قولك في كل من
حسني مبارك
كفايه عليه اوي اوي كدا محتاجيين تغيير فعلا ياريس....
جمال مبارك
من شابه اباه فما ظلم ودا يااخواني الافاضل رئيس مصر القادم وافقنا ام ارفضنا
(اللي الحكومه عايزاه هي اللي بتعمله )
البرادعي
عالم مصري عظيم وله احترامه ولكنه لا يصلح ان يكون رئيسا لمصر من وجهه نظري فهو عاش خارج مصر منذ 1992 وعاد منذ فتره قصيره وولائه الدائم للمنظمه التي يعمل بها وهو رجل عالم فاضل كيف له ان يكون الرجل السياسي الاول في الدوله .
(من يتفق معي او يختلف في الرد فهذه وجهه نظركم وحق عليَ احترامها)
الاخوان
جماعه ليس لها هدف سوي الوصول للسلطه وابعاد احزب الوطني عنها وياخذون الدين سلما لهذا ...وهذا اكبر خطأ
مصراوي كافيه
بعتبره المصيف بتاعي رغم اني ساكنه علي البحر الا اني بقضي الصيف كله في الكافيه ورغم اني كل صيف بعمل عضويه جديده بس مش مشلكه المهم اكون موجوده في اجمل بيت علي الانترنت
الخيمه الرمضانيه
فكره جميله جدا ومتميزه للغايه واتمني اني اشوفها تاني في رمضان القادم وفكره فعلا نستحق ان نرفع لاصحابها القبعه احتراما وتقديراالجميله الفاضله اختي الكبري ايسل وكذلك الاخ الكريم ذو الاخلاق الرفيعه هشام اللول
11\هل ترين تقصير في هذه الوزارات
*التعليم
تقصير ملاحظ جدا فالطالب المصري لم يعد مبدعا مثل الماضي بل اصبح الطالب الحفيظ بمعني الطالب اللي بيقدر يحفظ اكتر هو المتميز وطبعا لايوجد حفظ بدون فهم فاحنا بنضطر اننا نفهم نفسنا علشان نقدر نحفظ علشان نجيب مجموع عالي ونروح الجامعه ونتخرج ونقعد علي القهوه .فالتعليم المصري فاسد جدا جدا فالجانب العملي لم يعد مطبقا والعمل بعد التعليم فقط لاصحاب الوسطات حتي لو التقدير كان ايه ....
الداخليه
اسالوا خالد سعيد وهتلاقوا الجواب
الزراعه
اكيد ازمه الخبز لسه فاكرنها وازمه الارز اللي قريب ان شاء الله هنشوفها والدقيق والاراضي اللي بتتحول من زراعه لارض مشاريع ومباني كل دا بيقول ان الزراعه في مصر في خطر .
العدل
ايه اللي يخلي القاضي يؤجل الحكم في قضيه هشام طلعت مع العلم انه لو كان مرتكب الجريمه شخص مصري عادي مش كانت اتعملت كل الضجه دي وكل التأجيلات دي ..
وكمان ازمه القضاه والمحامين
وقضيه ابنه المطربه ليلي غفران
كل دا ولسه عندنا امل في وزاره العدل اه فعلا لسه الامل موجود ان شاء الله علشان ترجع نزاهه القضاء المصري ولما اترفعت الحصانه عن 14 عضو مجلس شعب بتهمه اختلاس اموال (مليار علي حد معلوماتي)في قضيه العلاج علي نفقه الدوله وقتها قولنا ان فيه امل ان شاء الله ان شاء الله ان شاء الله
الصناعه
انا كل لما اشتري منتج لازم تلاقي البيدج مكتوب عليه made in china او made in malysia ونادرا لما تلاقي حاجه تقولك (صنع في مصر ) بجد نفسي الاقي حاجه كويسه واعتز انها من صنع شباب بلدي .
اقول لحضراتكم حاجه ...احنا بنصنع في مصانعنا ابره الخياطه وبعدين نرسلها الصين علشان يثقبوهااااااااااااااااا (ابتسم انت في مصر)
السياحه
الوزاره دي بتحسسني ان السياح دول هما الاولي والاحق بكل حاجه جميله في البلد يعني علشان سيناء وشرم وغيرهم اماكن سياحيه يبقي لازم ياخدوا حقهم ولو حتي علي حساب اكل الشعب وشربه يعني هما يتفسحوا ويعيشوا والمصريين يموتوا ومش مشكله
لعل صورتنا في نظرهم تكون مشرفه .
الطاقه والكهرباء
ازمه الكهرباء كل يوم وكل ساعه بيقولك اننا داخلين علي ايام ظلام اذا لم نكن نحن فيها الان من الفساد المنتشر في كل الانحاء
واذا كانت هذه الوزارات المذكوه فيها تقصير فما بالكم بغيرهم
ابشركم باحلي ايام في البلد دي
12 \ اننا نري تشتت عربي
هل هذا التشتت سببها مصر؟؟؟؟؟
لا اعتقد لان العرب لو عايزين يجمعوا الشمل فعلا هيجمعوه بمصر او بغيرها .
وهل من الممكن اعاده اعمار هذا التشتت من جديد؟؟؟
ممكن .....ممكن جدا ...
بس احنا في احتياج الي رؤساء عرب ليهم الكلمه ولا تحكمهم امريكا ولا تسيطر عليهم اي ضغوط ....
نحن في احتياج الي توحيد الكلمه من الزعماء العرب فالشعوب العربيه متحابه ولكن الحكماء هم من يجعلون بلادهم كانها نعامه تخفي رأسها في الرمال خوفا من اسد مزيف
نحن في حاجه الي زعماء رجال
نحن في حاجه الي زعماء رجال
نحن في حاجه الي زعماء رجال
لنوحد الصف ....ونعيد الشمل ........ولتعلو رايه العرب ثانيا وعلي الدوام
في هذا الوقت فقط سيعود لنا الاقصي و يعود الامن علي العراق وتعيش لبنان وسوريا وغيرهم في امان .
ارجوا الا اكون قد اطلت عليكم واتمني ان تنال المشاركه علي اعجابكم اخواني الافاضل ولكل فرد احقيه الاعتراض علي مايراه ليس مناسبا .
بارك الله لكم
بجد توبيك عااااااالى اوى
ردود الدكتوره حلوه جداااااااااااااااااااااا
انا مليش ف السياسه خالص
بس احب اكون ضيف واقول رأى بصراحه
ميرسى يا ايسل انتى وهشام ع التوبيك الجامد ده
بالتوفيق
ومما زادنى فخراً و تيهاً *** وكدت بأخمصى أطأ الثريا
دخولى تحت قولك يا عبادى ** و أن صيرت أحمداً لى نبياً
البحث على جميع مواضيع العضو ابو تريكه
شكرا لمرور الكريم
ابو تريكه
وننتظرك علي الاوبن بوفيه
نورتنا ياحاج
و
اقدم كل الشكر والتقدير والاحترام
للاخت صفا
علي هذه الردود الراقيه
التي تنتج
من عقل ناضج وفكر واعي
بما يدور من حوالنا في كل الاتجاهات
ولكن جاء الان وقت
ال
OPEN BUFFET
اوبن بوفيه
مصراوي كافيه
لكل زوار خيمتنا المتواضعه
تفضلوا
والان وبعد وجبه الافطار
نفتح
التليفونات والاميلات
لكل من لديها
مناقشه في رد ..؟؟
استسفار ..؟؟
سؤال ..؟؟
والدعوة مفتوحه
لكل الاعضاء
ننتظر تفاعلكم
وانني اري انه فرصه
لانه معانا
ضيفه متالقه ومبدعه
د/ صفـــــــــــــا
(( نصيحــــــه هامـــــــــــه ))
محدش يدخل فاضي
وهذا
تحذير
وتنذير
وتهديد
وتوعيد
وله من احمد عز سيخ حديد
اللي يدخل يكون
علي لسانه
سؤالين
والان نستقبل اتصالاتكم
احسنتى عزيزتى ردودك كلها رائعه صفا
اسئلتى ليكى
هل تعتقدى ان هناك خطر من ايران على
مصر ؟
ما رأيك ؟؟؟؟؟؟؟؟؟؟؟؟؟؟؟؟
مقاومة حماس وحزب الله ؟
قناة الجزيره ؟
الاعلام المصرى الحكومى
الاعلام المصرى الخـــاص
شباب 6 أبريل:
ما هى الشخصية السياسيه التى تعجبين
بيها وتتمنى ان تكون موجودة الان
؟
مصر مستنياك تقولها لمين؟
قرار من رئيس الجمهورية هايصدر كمان
خمس دقائق نفسك يكون اية القرار ده ؟
وليه؟
واخيرا كلمه تحبى تقوليها لكل مصرى
والسؤال ده ليه بسأله لكل ضيف تطفل
يعنىمتابعه ايه فى مسلسلات رمضان؟؟؟؟؟؟؟
دمتى بود عزيزتى
احلى عصير فراوله لأجمل دكتوره
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
اذيك ايسل
كل سنه وانتي طيبه وفطر مبارك يارب
واشكركم علي الموضوع اللذيذ جدا
بس ايه الاسئله الجديده دي؟
مش حاسه انها او بعض منها ممكن يكون صعب شويه علي شخصيه ضعيفه سياسيا زيي كدا.........بس برده هنحاول
ان شاء الله
نشرب عصير الفراوله بعد الافطار
واتمني ان نلتقي في المساء(يارب الكهربا تكون موجوده)
واشكرك بشده لرأيك الرائع في اجاباتي المتواضعه
تحياتي
تسلمي يا صفا علي الاجبات اللي الجمده ديه اجباتك كلها مقنعه جدا بس اسمحيلي اسئلك
ايه احساسك لما تحبي تروحي الاهرمات والامن يقولك ممنوع الدخول عشان في سياح جين او جوه؟
علي فكره انا متفقه معاكي علي اجابة البردعي انا مبفهمش اى حاجه في السياسه بس من كلام بابا وكلامك انا حسه انو لو مسك
يبقي الاجانب هيقدرو يدخلو مصر من جديد ويحتلوها وتبتدي الحرب العالميه الثلثه انتي ايه رائيك في كده؟
كمان سؤال انا مش عيزه اطول عليكي بس عيزه اسئلك السؤال ده ايه رايك في وزير التربيه والتعليم السابق / والحالي؟
تسلم ايدك علي اجباتك![]()
السلام عليكم ورحمه الله وبركاته
نكمل معا ومع الاسئله التي وجهتها اليَ الجميله ايســـــــــل
1\هل تعتقدي ان هناك خطر من ايران علي مصر؟
ما رأيك؟؟؟؟؟؟؟؟؟؟؟؟؟؟؟
انا لم اتوقع ان يحدث في يوم من الايام ان تحدث حربا او مايماثلها من ايران تجاه مصر وذلك لانه ليس بيننا وبينهم اي عداوه من بعيد الزمن او من قريب وان كان الخوف لدي البعض من امتلاك ايران للاسلحه النوويه فلدي المصريين ما يؤلهم للحرب حتي وان كانت طاقتنا النوويه هي للسلم فلدينا ما يعطينا قدره الدفاع عن البلاد في حدوث اي عدوان من ايران او غيرها ؛فاعتقادي انه ليس هناك خطر في الوقت الحالي تخشاه مصر من ايران .
2\مقاومه حماس وحزب الله.
والله انني لفي قمه الخجل ان يتم اختصار مقاومه الشعوب العربيه باكملها في هاتين المنظومتين وان كانتا لها مقاومه ولكنها ليست مقاومه شعوب عربيه لها قوتها التاريخيه القديمه والتي لو اردات ان تقود العالم الان لفعلت ولكن ليس هناك ما يدعوهم لذلك .
الم تكن حرب غزه يناير 2009كفيله باهانه كرامتهم ليقوموا من غفلتهم ولكن بقيت حماس وحدها تقاوم ......وحدها تقاوم .......وحدها تقاوم .......
الم تكن حرب لبنان في العقود الاخيره دليلا علي فشلهم الذريع في تجميع شملهم
ويبقي حزب الله مثل حماس يقاوم وحده ايضا .
والله انها مقاومه لاننكرها علي الاطلاق
ولكنها مقاومه لاتليق بنا كعرب
والله ابدا لا تليق علي الاطلاق.
3\قناه الجزيره .
متميزه واصبحت الان القناه الفضائيه الاخباريه الاولي لدي عامه الشعوب لتميزها في نقل الخبر وتأكيده ومراسليها الموجودين في جميع انحاء العالم اجدهم دائما شعله نشاط مستمر .
وكذلك المذيعين تجد منهم ثقه في حديثهم في كل الموضوعات .
ولكن ...............
اشعر احيانا بل دوما ان الجزيره تراقب الشارع المصري بكل لحظاته ولا تفعل ذلك مع اي شارع عربي اخر فماذا مصر .؟
ويكفينا انها لم تنشر عن مصر خبرا مفرحا ........
ولكنها تختار فضائح وكوارث المصريين وتقوم باذاعتها .
وكذلك لا يمكننا ان ننكر حقها في سرد التاريخ المصري في اكثر من برنامج متميز
مع العلم انها لم تفعل ذلك مع اي دوله عربيه اخري .
4\الاعلام المصري الحكومي .
حكومي .......مايريدون اعلامه للشعب فقط هو من ينشر فكثيرا ما نجدهم لا يعلون شيئا عن حدوث كارثه او مصيبه لو حدثت .اما لو سافر احد الوزراء الي دوله اخري تجدونهم ورائه في كل مكان .
فحادث العباره السلام 98 (2006) اعلنت الجزيره عنه في السادسه صباحا اما الاعلام المصري فقام بالاعلان عنه في الثانيه عشر من نفس اليوم .(ولا تعليق .......)
5\الاعلام المصري الخاص.
اجده اكثر نجاحا من الاعلام المصري الحكومي واكثر تفتحا علي الاحداث واجد فيه المصداقيه التي يندر وجودها في الاعلام الحكومي ولكنها ليست المصداقيه القصوي في كل الاحداث وليست هناك حريه كامله علي ما يتم نشره من اخبار فهناك بعض التحفظ ايضا موجود اما في الاعلام الحكومي فالتحفظ كل التحفظ.
اما في غير مجال الاخبار والسياسه فنجدهم تشعر وكان هناك اي رقابه علي ما يتم اذاعته .
ويستمرون في افساد الشباب .
ولا حول ولاقوه الابالله .
6\شباب 6 ابريل .
حتي وان كانوا ينادون بالتغيير (وقد حدث) فلا اعتقد ان يكون لهم ذات يوم من يحقق لهم ما يسعون اليه .ولكن في النهايه والبدايه وعاده ما يطالبون ونحن معهم بالتغيير وطبعا ( اللي الحكومه عايزاه بتعمله) وضاع عملكم ولا نداء لمطالبكم.
7\ما هي الشخصيه السياسيه التي تعجبين بها وتتمني ان تكون موجوده الان؟
اقول لحضراتكم الافاضل
انا معجبه ب 2 من الزعماء وللاسف مفيش فيهم حد عربي
الاول .....كاسترو زعيم كولومبيا
والثاني ......تشافيز زعيم فنزويلا
واتمني اني اشوف حد زيهم في العرب انما شخصيات من الماضي وكدا مش هتلاقي كتير لان الظروف بتختلف في كل زمن عن التاني والمسلمين ابدا مش عاشوا ايام في عزه مثل ايام الفاروق عمر بن الخطاب ولكن من الان مثل عمر ؟
8\مصر مستنياك تقولها لمين؟
لاي شخص يحكمها ويعمل ثوره علي كل فساد موجود ويكون قادر انه يعمل نهضه في الدوله ويصنع لينا عزه وكرامه ويطور كل شئ متدهور امثال التعليم والصحه والزراعه والقضاء والعمل والطاقه و.....و.....وكتير جدا .
وقتها المصريين كلهم هيقولوله احنا منتظرينك من زمان .
(اتمني مش نكون بنحلم ونفوق علي كابوس مزعج بجد)
9\قرار من رئيس الجمهوريه هايصدر كمان 5 دقائق نفسك يكون القرار ايه ده.؟
وليه.؟؟؟؟؟؟؟؟؟؟؟؟؟
والله نفسي في قرارات كتير جدا ولكن اهمها في الوقت الحالي
وقف العلاقات وقطعها مع اسرائيل وانهاء سياسه التطبيع معها وكذلك مع امريكا .
فما رايتموه من مطالبه قسيس امريكي بحرق المصحف الشريف يوم 11 سبتمبر كافيا جدا لوقف العلاقات .وحسبي الله ونعم الوكيل لهذه الدرجه وصلت اهانه الاسلام والمسلمين .
ولا حول ولاقوه الا بالله .
فالتطبيع مع اسرائيل لم اعلم اين كان عقل السادات وقتها .
وان لم يكن هناك انهاء للتطبيع فلابد من انهاء سياسه التصدير ايهم بالسلع المصريه وغيرها مثل الغاز الطبيعي فنحن الان في امس الاحتياج اليه.
10 \كلمه تحبي تقوليها لكل مصري .
مهما قولت والله مش هاقدر اوصف مدي الصعوبات اللي بنعاني منها هاقول لنفسي وليهم الصبر
الصبر
الصبر
(ان الله مع الصابرين)
وربنا يصبرنا علي اللي احنا فيه بجد .
*بتابع ايه من مسلسلات رمضان ؟
علي الاطلاق مش بتابع اي حاجه خااااااااااااالص والله
التدريب الصيفي بتاعي اخد كل وقتي ومفيش وقت علي الاطلاق الا ان اضحي بوقتي علي الكافيه علشان اتابع المسلسلات دي .
بس في يوم اجازتي بشوف مقتطفات من اشياء لا اعتقد ان فيهم شئ جذبني علي الاطلاق فالتفاهه والاستخفاف بالعقول هو المميز لدي كل المسلسلات فهذا ليس رمضان .
ارجو ان اكون قد وفقت في اجاباتي
ولكل فرد احقيه الاعتراض علي اي اجابه .
دمتم بحفظ الله
اشكرك جدا ايسل
والف شكر علي الفراوله
والحاجات الجميله اللي قدمها هشام
فطر مبارك
الذين يشاهدون الموضوع الآن: 1 (0 من الأعضاء و 1 زائر)