المشاركة الأصلية كتبت بواسطة طيور الجنه
تسلمي يا صفا علي الاجبات اللي الجمده ديه اجباتك كلها مقنعه جدا بس اسمحيلي اسئلك
ايه احساسك لما تحبي تروحي الاهرمات والامن يقولك ممنوع الدخول عشان في سياح جين او جوه؟
علي فكره انا متفقه معاكي علي اجابة البردعي انا مبفهمش اى حاجه في السياسه بس من كلام بابا وكلامك انا حسه انو لو مسك
يبقي الاجانب هيقدرو يدخلو مصر من جديد ويحتلوها وتبتدي الحرب العالميه الثلثه انتي ايه رائيك في كده؟
كمان سؤال انا مش عيزه اطول عليكي بس عيزه اسئلك السؤال ده ايه رايك في وزير التربيه والتعليم السابق / والحالي؟
تسلم ايدك علي اجباتك
تسلمي جميلتي ايـــــــــــه
الاجمد ياقمر هي اسئلتك
وانا هاجاوب حالا ان شاء الرحمن واتمني ان الاجابه تنال اعجابك
1\احساسي طبعا لما بروح الاهرامات ويقولولي ممنوع الدخول لان فيه سياح جوه
طبعا بكون متضايقه جدا وعصبيه ازاي يقولوا كدا دي بلدي يعني انا بنتها ومستحيل اعمل شئ ممكن يسئ لينا كمصريين بس برده ارجع واقول دول ضيوف عندنا ولازم نعمل علي راحتهم علشان علي الاقل لما يرجعوا بلدهم يتكلموا عن الشعب المصري كلمه كويسه ويكون شكلنا كويس عندهم وهاقول لحضرتك حاجه مش كل الناس مسالمين اكيد فيه مصريين بيكرهوا البلد والكره دا ممكن يخليهم يعملوا اي شئ يسئ ليها ولشعبها فعلشان كدا هما بيكونوا متحفظين شويه واكتر في الاماكن السياحيه .
اما بالنسبه لتولي البرادعي للرئاسه
فانا اعتقد زي ما وضحت امس انه رجل عالم والعالم ليس له الا قلمه ومعمله ومعادلاته فكيف ان يكون سياسيا .....وممكن يحدث انقلاب علي سياسته
بس انا في اعتقادي ان رجل السياسه دا لازم يكون دارس اما في حقوق او سياسه واقتصاد او خريج كليه عسكريه او اي دراسه قانونيه وله فيها خبره والبرادعي رجل علوم وكيمياء وفيزياء فهل له دراسات تمتد الي القانون والسياسه ..؟
ولو كانت له دراسات فستجدونها سطحيه وليست من الجذور .
وانا لست ضده في الترشح للرئاسه فهذا من حقه ومن حقي ومن حق اي شخص يري نفسه قادرا علي ان يقوم بامور شعب ويصلحها وذلك حتي تتحقق الديموقراطيه في البلاد.
3\ رايي في وزيري التعليم السابق والحالي .
الوزير السابق (يسري الجمل)حدث في عهده ان يحصل طالب الثانويه العامه اللي مش بيذاكر غير شهرين في السنه علي 90%وتجد ان الاوائل 100% واكثر وتجد العشره الاوائل اكثر من 20 طالب وحاجات غريبه مش فاهمه ازاي .......... مع العلم انه في اكثر دول العالم تقدما وتطورا من يحصل في نهايه دراسته الاساسيه علي 85% يكون ممتازا .
وانا اعترض بشده علي جعل ماده التربيه الاسلاميه ماده نجاح ورسوب ولا تضاف للمجموع
اين القران الكريم من سنوات ابتدائي واعدادي وثانوي (12)عاما يخرج الطالب حافظا لكم سوره من القرآن؟
فكنت اري انه في عصره تدهور التعليم ولكن الامل في الوزير الجديد.
الوزير الجديد(ذكي بدر)
اتمني ان يحدث تغيرا في نظام التعليم فانا اري ان الثانويه العامه هذا العام(2009_2010) اظهرت كل طالب ومستواه التعليمي واتمني ان يستمر هذا النظام .
واراي انه عندما تولي الوزاره اوضح نيته في تحسين متطلبات التعليم المصري من الدين الاسلامي والله اتمني ان يحدث اي تغيير في التعليم الاساسي والجامعي حتي يتم الارتقاء بمستوي التعليم المصري ونعود لنتخرج كسياسيين واطباء ومهندسيين وقضاه ومحاميين ومدرسين مصريين لهم القدره علي صنع نهضه طالما اشتقنا اليها .
تحياتي اليكي اختي الفاضله
واشكرك جدا لطرحك الاسئله
واتمني ان تكون الاجابات نالت علي اعجاب حضرتك
وكل سنه وحضرتك بخير
فطر مبارك
اسعدني جدااااااااا مرورك فاضلتي 
تحياتي
رد مع اقتباس
