فضيحه ..... فضيحه ........ فضيحه ...!!!!!

**هشام اللول1** · 24 - 8 - 2010, 07:20 PM

فضيحة بكل المقاييس لو ثبت صحة ما نشرته صحيفة معاريف الإسرائيلية اليوم الثلاثاء، من أن الحكومة المصرية قررت شراء الغاز الطبيعى الذى صدرته لإسرائيل بـ 7 أضعاف ثمنه، حيث كانت اشترته إسرائيل بـ 2 مليار دولار وستشتريه القاهرة مرة أخرى بـ 14 مليار دولار، الأمر الذى يستوجب ردا فوريا من الحكومة المصرية وإعلانه للرأى العام.

زعمت الصحيفة العبرية أن الصفقة التى ستبرم قريبا عبارة عن إعادة 1.5 مليار متر مكعب من الغاز الطبيعى المصرى مرة أخرى الذى اشترته إسرائيل الأسبوع الماضى للقاهرة، ولكن بأكثر من ثمنه الحقيقى بسبع مرات خلال الأسبوع الجارى، وذلك بسبب أزمة الطاقة الطاحنة التى تعانى منها مصر الأيام الجارية ونقص ضخ الغاز الطبيعى لمحطات توليد الكهرباء.

وقالت معاريف إن مصر كانت قد اضطرت لبيع الغاز الطبيعى لإسرائيل بعد ضغوط أمريكية كبيرة عام 2005، حيث وقع على الصفقة من الجانب المصرى وزير البترول، سامح فهمى، ومن الجانب الإسرائيلى وزير البنية التحتية بنيامين بن إليعازر، حيث نص الاتفاق على أن مصر تصدر لإسرائيل 1.7 مليار متر مكعب من الغاز الطبيعى مقابل 2.5 مليار دولار أسبوعيا.

ولفتت الصحيفة العبرية إلى أن الاتفاق بين إسرائيل ومصر، الذى أبرم على أساس سعر محدد سلفا ومنخفض سعره بالنسبة لقيمته الحقيقية لسوق الغاز، أدى إلى زيادة الانتقادات القاسية للنظام المصرى.

وأوضحت معاريف أن وزارة البترول المصرية كانت قد أعلنت فى شهر يناير الماضى أن الدولة سوف تضطر إلى استيراد الغاز الطبيعى لتلبية النقص الناجم عن الاستخدام المحلى من الغاز الطبيعى والديزل الصناعى، مضيفة بأن الطلب المصرى لشراء الغاز مرة أخرى من تل أبيب يأتى بسبب ازدياد القلق فى أعقاب انقطاع التيار الكهربائى والمياه فى الفترة الأخيرة مع ارتفاع أسعار القمح بمصر.

وفى نفس السياق، أوردت صحيفة "كالكاليست" الإسرائيلية المتخصصة فى الشئون الاقتصادية، التقارير التى تداولت مؤخرا حول الموضوع نفسه بأن مصر تريد أن تستعيد الغاز الطبيعى الذى صدرته الأسبوع الماضى مرة أخرى من إسرائيل.

وادعت الصحيفة العبرية المتخصصة بأن موجة الحر التى بدأت فى نفس توقيت شهر رمضان خلقت مشكلة خطيرة وكبيرة للغاية فى شبكة الكهرباء المصرية، مما جعل أصوات المعارضة فى مصر بالمطالبة بإقالة وزير الكهرباء، حسن يونس، تزداد حدة، بعد فشله فى حل الأزمة بصورة سريعة.

البلد اللي حيـــــــــــــــــــلتي
ضاعــــت
باظــــــــــــت
خربــــــــــــــــــــت
وعليها العوض ومنها العوض
يااااااااااارب
حسبي الله ونعم الوكيل
حسبي الله ونعم الوكيل
حسبي الله ونعم الوكيل

**ايسل** · 24 - 8 - 2010, 07:48 PM

ههههههههههههههههه البلد اللى حيلتك ضاعت يا ضنايه

ما هى ضاعت من زمان ياحاج ايه انت فى كوكب تانى ولا ايه الصيام عامل عمايله

بس هقولك انا لا اقتنع بما تصدره الصحف الأسرائيليه حتى اتأكد من مصدر اخر

بس عارف ايه اللى يحرق الدم ان المسؤلين عندنا عادى عندهم خبر زى ده لاننا مش مهمين عندهم نعرف الخبر ولا لا بيقولو يتفلقوا احنا لسه هنخرج ننفى او نصدق الخبر بيستهينو بينا قوى يا هشام
بس انا مش واثقه من موضوع الغاز ده بكره نعرف ونتأكد

شكرا هشام

**Ali Pharouq Najar** · 24 - 8 - 2010, 07:54 PM

لا حول ولا قوة إلا بالله العلى العظيم
ربنا يطول ف ى عمرك يا ريــــــــــــــس

**~ NORA ~** · 24 - 8 - 2010, 07:59 PM

شكرا ليك يا هشام وحسبي الله ونعم الوكيل وربنا يستر ويجيب كل خير يارب

**دره** · 24 - 8 - 2010, 08:05 PM

البلد اللى حيلتك
ليه هيا بلدك
والله لو بلدك اثبت
دول قربوا يخصصوا الهوا
وحتى لو الخبر ده صح عادى جدا
المهم الريس يعيش سليم وهادى البال

حسبى الله ونعم الوكيل

**thesniper_12007** · 24 - 8 - 2010, 08:20 PM

أه يا وطن البرود
قصدي يا وطن القرود
سكنونا في المقابر من زمان
بعد ما سرقو اللحود
بعد ما باعو الحدود
بعد ما ضعنا خلاص
واتمحينا م الوجود
الكرامة..في الحضيض
والرجوله..مافيش خلاص
دا اللي احدث م الجديد
نخوة ضاعت..
يبقى فين أصلو العمار
شوفنا ايه غير الدمار
كله عايش لجل كرشو
لجل قرشو
والغلابه كل يوم يموتو
لجل ما يخبي رغيف تحت فرشو
لجل ما نموتش جواعه
لجل نرضع من امريكا الخوف رضاعه
ياه علينا وع الوضاعه
والوطن خلاص إتباع
الوطن ماليه أتباع
بس عارف .. كل ده لجل البلد
دوله ناس عايشين هنا لجل البلد
دول ولادهم عايشين في الجلد
انت عارف.. إن قرش زياده لابني يبوظه
علشان كدا عاشو ولادهم في النعيم ونغنغه
ضحوا بولادهم لجل أولاد البلد
لجل الولد في الفقر يبقى بميت ولد
شوف البلد .. حاكم خلد
وشعب بيموت م المرض
ضاعت حياتي وضاعت كرامتي
وآه يا بلد
آه يا بلد
حسبنا الله ونعم الوكيل يا لول
تقبل تحياتي
لك خالص ودي وتقديري واحترامي

**قطره ندي** · 24 - 8 - 2010, 08:24 PM

لا حول ولا قوه الا بالله
شكرا هشام

**محمد أبراهيم** · 24 - 8 - 2010, 08:28 PM

نكتة (( أيمن نور والريس))

كان أحد حكام مصر مسافر بالطائرة مع أيمن نور المعارض لحكمة

فنظر من النافذة فشاهد بيوت الصعيد الفقيرة

فقال الريس مخاطبا ايمن نور

لو رميت 100 دولار من الطيارة على الغلابة دول حنسعد أسرة مصرية فقيرة

فقام احمد نور ورمى 500 دولار وقال خلينا نسعد خمسة أسر أحسن من وحدة ياريس

فغضب الريس وشعر بالحرج وطلع من جيبة 1000 دولار

وقال خلينا نسعد عشرة أسر بدل خمسة يا أيمن

أية رأيك يا أيمن دلوقتي

قال أيمن

أسمع نصيحتي ياريس وأرمي نفسك من شباك الطيارة

وأنت تسعد مصر كلها

**هشام اللول1** · 24 - 8 - 2010, 09:02 PM

المشاركة الأصلية كتبت بواسطة ايسل

ههههههههههههههههه البلد اللى حيلتك ضاعت يا ضنايه

ما هى ضاعت من زمان ياحاج ايه انت فى كوكب تانى ولا ايه الصيام عامل عمايله

بس هقولك انا لا اقتنع بما تصدره الصحف الأسرائيليه حتى اتأكد من مصدر اخر

بس عارف ايه اللى يحرق الدم ان المسؤلين عندنا عادى عندهم خبر زى ده لاننا مش مهمين عندهم نعرف الخبر ولا لا بيقولو يتفلقوا احنا لسه هنخرج ننفى او نصدق الخبر بيستهينو بينا قوى يا هشام
بس انا مش واثقه من موضوع الغاز ده بكره نعرف ونتأكد

شكرا هشام

والله يا ايسل البلد كل يوم بتزداد سوء عن اليوم اللي قبله
ومش عارف هتخلص امتي من شوية الحراميه اللي فيها
وللاسف الصحف الاسرائيليه بدات تنشر اخبار بتكون صحيحه
بيطمس عنها الاعلام المصري تكويسا وخوفا من السلطه

بتقولي المسئولين
طب ما هما المسئولين هما اللي بيبعوها

ان شاء الله نسمع خير يارب

بارك الله فيكي ووحفظك ورعاكي

**هشام اللول1** · 24 - 8 - 2010, 09:06 PM

المشاركة الأصلية كتبت بواسطة thegohst

لا حول ولا قوة إلا بالله العلى العظيم
ربنا يطول ف ى عمرك يا ريــــــــــــــس

لا حول ولا قوه الا بالله
وحسبي الله ونعم الوكيل

ربنا ياخده يا علي
يمكن نستريح
طالما مش منها فايده والمسئولين اللي وراءه
نهبوا البلد
نورت يا علي
بارك الله فيك وحفظك ورعاك

الموضوع: فضيحه ..... فضيحه ........ فضيحه ...!!!!!

أدوات الموضوع

فضيحه ..... فضيحه ........ فضيحه ...!!!!!

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة