طيب اللى حذف يقولى ... وانا والله مش هقول حاجة ..

[A7med elsayed]

السلام عليكم ورحمة الله وبركاته
......

الموضوع يمكن يكون إتعرف من عنوانه
بإختصار أنا كنت عامل موضوعين إسلامى حياتى , مونة

بصراحة مش لاقيهم باين إتسرقوا كدا ههههه

أنا مش زعلان ومش هعملها مشكلة دماغى مش صغيرة للدرجة دى

المهم بس
أعرف ليـــــه ؟؟
السبب أيه ؟؟

يمكن مثلا اللى حذف الموضوع شايف حاجة صح أنا مش شايفها
او واخد باله من نقطه أنا مش عارفها
فالمفروض ينصحنى كأخ ولو فى رسالة خاصة وبعدين يحذفه


لكن فجأة كدا ألاقى الشفة طارت قصدى الموضوع راح

بصراحة يا جماعة هى حاجة تضايق ...

لأنك لو مشرف لازم تعرف صاحب الموضوع حتى فى رسالة شخصيه وتقوله إن فيه حاجة غلط
وهنحذف الموضوع

كلامى صح ولا إنتوا أيه رأيكم ؟؟


بصوا مش مهم المواضيع ؟
المهم ليه إتحذفوا ؟؟ عشان أعرف لو أنا غلطان أصلح نفسى ؟؟

السلام عليكم ورحمة الله وبركاته..

[طيور الجنه]

دور عليهم هنا ولاهنا يمكن تلائيهم ولو كانوا اتحذفوا الولو ليه

[دره]

ياريت فعلا نعرف يا احمد

وانا منتظره.......

[البنت الجديده 1]

اعتقد ان فيه عمليه تطوير في الكافيه ...........
بس يا احمد دور عليهم تاني ان شاء الله تلاقيهم او ممكن يكونوا اتنقلوا لاي قسم تاني

لما تلاقيهم قولنا هما فين وانا في الانتظار

[البنت الجديده 1]

احمد انا عندي كلمه بس .......
هما ممكن يكونوا اتحذفوا لان الاداره شافت انهم اتحولوا لموضوع شات مش اكتر ولا اقل
ارجو يكون اعتقادي خاطئ وتلاقيهم باذن الله

[عفريت أفندى]

بسم الله الرحمن الرحيم

السلام عليكم و رحمة الله و بركاته

اخى الحبيب

اعتقد ان الموضوعين فكرتهم مكرره لوجود موضوع بعنوان كرسى الإعتراف فى قسم خمسه فرفشه

كما ان كل منهما بإسم شخص بعينه و بالتالى لا يجوز وضعهما فى القسم العام

لذا اعتقد انه تم حذفهما لهذه الأسباب

و لتعلم أيضا انه للأستفسار عن أى شيئ يمكنك كتابة موضوع فى قسم الشكاوى و الإداره ستقوم بالرد عليك هناك

و لذلك أعتقد ان هذا الموضوع أيضا سيتم إغلاقه

يارب أكون قدرت أوضح الأسباب بدون أى حساسيه

دمت بود و إحترام و تقدير

[thesniper_12007]

أخي الفاضل الوحيد الذي يعلم هذا الموضوع هو الأستاذ علي مدكور إبعت له رساله في قسم الشكاوي وهو ح يقولك الموضوع ليه اتحذف جايز هو شايف حاجه احنا مش فاهمينها
تقبل تحياتي
لك خالص ودي وتقديري واحترامي

[Ali Pharouq Najar]

فى البداية
السلام عليكم
مواضيع حضرتك اتحذفت لأن أفكارها مكررة
ويا ريت حضرتك تشاركنا فى حملة تطوير الكافيه
وتتابع معانا الموضوع من هنا ....
و هتلاقى الأسباب اللى علشانها توبيكاتك اتحذفت
كل سنة و حضرتك طيب

[A7med elsayed]

ههههههههه
ماشى

مش مهم المواضيع خالص أحسن إنهم إحذفوا دا حتى البنت أمونة أسماء دول رخمين ههههه
بهزر طبعا


أنا طبعا نفسى بتقول إزاى يتحذفلك إنت مواضيع دا إنت كنت مشرف عام فى منتدى مش عارف ايه وكنت وكنت
بس طبعا مش لازم أسمع كلامها
القوى فعلا هو اللى بيقدر يتحكم فى نفسه

بس عارفين الرأى الصح بغض النظر عن أى حاجة
إن دا عدم إحترام للعضو

لأن المفروض أى مشرف عام صاحب منتدى أى كان هو
لازم يبلغ العضو هو أخطأ فى أيه ويعرفه السبب ولو فى رسالة خاصه
دا من الإحترام وتقدير الآخرين
فى مواضيع لابد أن تحذف كالإساءة للدين والنبى والتحدث فى كلام لا يليق بعاداتنا وتقاليدنا
صح ؟؟؟

بصوا مش مهم
بس أتمنى إن الموضوع دا ميحصلش تانى لأن بجد ساعتها ممكن يكون ليا رد فعل تانى ...

شكـــــــــــــــــــــرا ً..

[Ali Pharouq Najar]

شوف أنا هقول لحضرتك حاجة
أنا من يوم ما اشتركت فى المنتدى
محصلتش معايا أى مشاكل سواء من الإدارة
أو مع الأعضاء ...ودا بيدل على أن ادارة المنتدى
شايفه شغلها كويس ..
تانى حاجة
المعيار اللى على أساسه الإدراة بتقيم المواضيع
هو معيار الإفادة و الأهمية ....
بمعنى كل ما كان موضوعك مهم كل ما كان أفضل
و لحضرتك صدى كويس عند الإدارة ...
الحاجة الثالثة ...
لو حضرتك مشارك معانا من فترة
كنت هتعرف تقيس و تقيم مستوى المنتدى
لإن باجماع عدد لا بأس منه من الأعضاء
اللى بيوافقونى أن المنتدى فيه ركود
وواحد من الأسباب اللى مان ليها دور فى النكسة دى
هى ظهور مواضيع غير ذات فائدة ....
أتمنى من حضرتك أنك تضغط هنا ....
و لو حضرتك شايف أنك اتظلمت أو ليك حق ...
اتفضل اكتب الشكوى بتاعتك هنا ...
و انا متأكد أن الإدارة هتوضح لحضرتك السبب اللى عشانه توبيكات حضرتك
اتحذفت
أتمنى حضرتك متزعلش منى أو من الأدارة
أنا عضو زيك بالظبط
أنا فى انتظار أخبار حضرتك من التوبيك ده
و كل سنة و حضرتك طيب