فــيــتـــو !! ( ضيفتنا اسيره بلا قيود )

[Ṃỏ7äṃΣď Ụ-ĐęṾĭ Ĺş]

اهلا بيك يامحمد
ربنا يكرمك يارب على التدبيسه الجامده دى
بجد عاوزه اتمعن فى الرد عليك بقى
عشان شكل الرد عاوز نص يوم لوحده
ارد بقى بعد مااكل لقمه اعرف اتكلم بيها
بدل مااقع فى السكه مااقدرش اكمل
اما عن شعورى باقتراب الفرح فهو مزيج من الفرحه والخوف
وطبعا طبعا معزومين لكن معرفكمش هناك
شكرا يامحمد
لى عوده بأمر الله تعالى بعد الفطار
بس ادعى ان النت مايفصلش كالعاده
عامة لو فصل مكانى محجوز اوعوا حد يقرب منه

لالالالا حد يقرب مين
المكان محجوز طبعا
وف انتظارك ف اى وقت
اما عن الفرح بقى ربنا يهنيكى يا رب
ويوفقكوا ف حياتكوا ويرزقكوا بالذريه الصالحه
ان شاااء الله
وعقبالى يا رب قولى امييين

[thesniper_12007]

كان الله في عونك ياأسماء بس بصراحه موضوع جميل جدا تسلم يا محمد
تقبلا تحياتي
لكما خالص ودي وتقديري واحترامي

[ahmedmharb]

موضوع جامد يا محمد والله
وربنايكون فى عونك يا اسماء وشكلك عندك صبر من هنا للصين
واسئله رائعه يا محمد ودومة متميز

[اميره بلا وطن]

فيتو

هاى شباب

هاي بنانيت



جايبلكوا موضوع حلو اوى

فيتو

الموضوع عبارة عن اسئلة ولازم تجاوب عليها كلها الاسؤال واحد بس حتختارة وتقول علية فيتو ومتجوبش علية وطالما قولت فيتو مرة يبقي خلاص لازم تجاوب ع الكل مهما كانت الاسئلة محرجة


نبدء
نبدأ باسم الله الرحمن الرحيم



عن الحياه الشخصية والطفولة


1\اسمك وعمرك وجنسيتك ومكان الولادة ترتيبك بين اخواتك؟
أميره* بدأت 23 سنه* اسكندريه* الكبيره العاقله

2\مين هما الاشخاص الي تربيت معاهم ؟
اخواتى ليس الا

3\اول لعبة جاتلك ومين الي جابها ؟
عروسه * خالتو جابتها
4\ايه هي الالعاب الي كنت بتلعبها وانت صغير وكنت بتلعب مع مين ؟
استغمايه مع اخواتى والجيران


عن المراهقة
اممممم



1\اول تصرف مجنون عملتة وانت في بداية المراهقة ؟
أخدت مفتاح العربيه وبابا نايم وركبت اخواتى ودورت العربيه ويدوب هتخبط فى الحيطه اللى جنبنا لقيت ايد بابا داخله من القزاز بطلت العربيه
طبعا ماما شافتنا من البلكونه وعملت الواجب
ومش مهم تعرف بقى عملوا فيا ايه

2\اول حب في الفترة دي ؟وعرفتها او عرفتية ازاي؟
عامه هو كان فى اعدادى وهو اللى كان بيقول للفصل كله انه بيحبنى لكن انا طول عمرى معقده مش بهتم يعنى

3\اصحابك في الفترة دي؟
اصحاب طبعا اتغيروا كلهم الا اتنين
بس كان فيهم اصحاب اى كلام واصحاب بجد
بس والله اللى بجد مابقوش دلوقتى
واللى كانوا مش اوى تقريبا منهم واحده مستمره لدلوقتى


عن الحب




\هل انت مرتبط حاليا؟ اول حرف من اسمة؟
اه الحمد لله مرتبطه واول حرف من اسمه محمد
تانى حرف بقى مش لازم اقوله عشان انت طلبت حرف واحد

2\اية رئيك في حب النت ؟
فى ناس بتقتنع بيه لكن انا لأ
مش بقتنع بيه خالص

3\هل في كرامة في الحب في رئيك؟
هو المفروض محدش يدوس على كرامة التانى
انما لو حصلت المفروض مايبقاش فيها كرامه ولا حاجه
بس الطرف التانى المفروض هو كمان يلم الدور

4\لو اكتشفت ان حبيبك لاقدر الله بيخونك حتعمل اية ؟
هسيبه طبعا واريح نفسى لانه ساعتها مايلزمنيش

5\لو انجرحت من الحب هل تفقد الثقة في الجميع ام تبدء من جديد؟
لا مش كل الناس زى بعضها وبعدين التجربه اللى فشلت لازم نتعلم منها

6\هل تحب شخص من المنتدي ؟
بحب اصحابى البنات
انما الحب اللى قصدك عليه مااعتقدش
كلهم اخواتى

7\لو حد بيحبك وانت مش حاسس بية تحب يعبرك عن حبة لك ازاى?
احسن شئ الاعتراف بالحب ده
ده اسهل طريق ممكن يخلينى افكر
لان انا من النوع اللى لو اللى قدامى وطول عمره مااتكلمش عمرى ماهتكلم اناوحتى لو حسيت بيه مش هتأكد الا باعترافه
دا طبعا حصل مع خطيبى

ايه اكتر شئ بتحبة فى الشخصية اللى امامك؟
الالتزام والاخلاق والقرب من ربنا ثم الذوق فى التعامل

8\هل يلتئم الجرح بعد كلمة اسف؟؟؟
انا مش من النوع اللى يسوق فيها بقى ويعاند كتير
انا مسامحه جدا
كلمه اسف اكيد لها وقع طيب على قلبى
واعتقد ان لم يلتئم الجرح على الاقل بتخف حدته عن الاول

9\لماذا الحب والحزن تؤمان..................
لأن الحب دائما يطلب المزيد
وبعض المزيد ليس بالسهل الوصول اليه
فبالتالى يأتى الحزن

10\الدموع ضعف ام احساس عميق ؟؟؟؟؟؟
عمر الدموع ماكانت ضعف والا فكل العالم ضعيف منذ ولادته


اسئلة خاصة بالشباب بس
طيب الحمد لله


1\كم مرة وهمت بنت انك بتحبها بس عشان تتسلي ؟

2\اية مواصفات البنت الي نفسك ترتبط بيها؟

3\لو جيت تتقدم ولاقدر الله اترفضت حتعمل اية؟

4\لاي درجة ممكن يوصل حبك ؟

5\اية نظرتك للبنت ذات الملابس الخارجة عن الادب وهل ممكن تحب بنت مش محجبة وقول نصيحتك للنوعية دي من البنات؟

6 \هل تحكم علي اي بنت من مجرد لبسها؟

7\كم مرة تنازلت عن مبادئك من اجل فتاه؟ جاوب بصراحة

8\هل تتزوج من تحبها....او تحب من تتزوجها؟ وايهما الاحلي بنظرك؟

9\ كم وحدة ممكن قلبك يحب ويا ترى بتأمن بالحب من اول نظرة ؟؟؟

10\لو رايت حبيبتك لم تعطيك كلمة السر"الباسوورد" ايميلها فماذا تفعل؟

11\.هل ممكن تتزوج من كنت تكلمها من قبل؟

12\. ماهو شعورك عندما ترفضك فتاة تحبها جدا جدا جدا?

13\هل انت قد المسؤلية؟ وهل تؤمن بالحب بمجرد الكلام؟

14\هل انت عصبي؟واكتر موقف مممكن يعصبك من حبيبتك؟

15\هل تقبل الزواج بفتاه لاتنجب حتي لو بتحبها؟؟؟؟


اسئلة خاصة بالبنات
اااااااه

-أتحتاجين دائما إلى مظاهر خارجية من العطف و الحب ؟
أكيد بصراحه بتأثر

2-ما اهم المميزات التى تميز الشاب من وجهة نظرك اي ما هي مواصفات فتى احلامك المستقبلي؟
انسان يعرف ربنا كويس فالبتالى يتقى الله فيا

3-لو كنت تريدين العمل وزوجك او خطيبك اصر على الرفض بعد محاولات عديدة لاقناعه هل تستسلمين وتتركى العمل ؟ام تفضلين الانفصال؟؟
هسيب العمل طبعا لانى اكيد هقصر فى حقه وف حق البيت
يبقى اريح نفسى مادام هو بيصرف عليا

4-الغيرة هل انتي غيورة؟؟؟ وهل غيرتك هذه غير طبيعية ؟؟
غيوره اه لكن مش بدرجه غير طبيعيه


5-اهم حاجة لازم تكون في شنطتك؟؟؟؟
مصحف صغير
انما انا مش من النوع اللى يشيل حتى مرايه معاه
لو ده قصدك

6-اذا شفتي بنت احلى منك بتغيري منها ؟؟؟
لا طبعا مش بغير
لان الحمد لله انا مش وحشه اوى يعنى لكن انا اعتقد ان مقاييس الجمال دى بتختلف
وربما تكون فعلا كل حاجه فيها حلوه لكن مش مقبوله مثلا
فتضيع الحلاوه دى
وبعدين اغير ليه ربنا هو الخالق وله فى خلقه شئؤن

7ما هي ردة فعلك عندما تعلمين ان محبوبك مع فتاة اخرى ؟؟؟
اشوف انا شايله الدبله فين وابعتهاله على طول

8\هل تستطيع المراه تغير رجل؟؟؟ازاي ؟
اه اكيد
كل واحد وله طريقه بقى
بس اعتقد ان التغيير لازم يكون فى شئ هو مقتنع بيه اصلا
يعنى الاقناع اسهل طرق الوصول

9\.هــل تقبلين شاب معاق جسديا ؟
والله بصراحه مش عارفه
عمرى مافكرت فيها
ولكن اذا كان اتقدملى انا لو رفضته مش ضامنه يحصلى انا ايه
وكل شئ مكتوب عند ربنا
وممكن يكون اختبار من ربنا سبحانه وتعالى

10\هل تقبلي الزواج من شاب لاينجب ولو كنتي بتحبية؟؟؟؟؟
ماهو لاينجب دى كلها بايد ربنا
لكن لو تقصد ان الطب اظهر كده يعنى
فاعتقد ان لو انسان كويس هوافق عليه لانى برضو مااضمنش نفسى
وبعدين ممكن ربنا يرزقنا بعد كده وهو القادر على كل شئ
يخلق مايشاء يهب لمن يشاء اناثا ويهب لمن يشاء الذكور
او يزوجهم ذكرانا واناثا ويجعل من يشاء عقيما

11\مارايكم في الرجل الذي يبكي من اجل الحـ ـ ـ ـ ـ ـ ــــب
طبعا من اجل ان الحب ده هيضيع وهو مش قادر يعمل حاجه فبكاءه عادى
انما مثلا عشان زعلان مع خطيبته او كده
فانا بصراحه مش حباها دى
الراجل برضو لازم يكون اقوى من كده

12\المراة مالذي تبحث عنة عند الرجل
الحنان والامان

13\ماهي طريقتك الخاصة للتعامل مع الحزن
بحاول اشغل نفسى باللى يخلينى انسى

14\مارئيك في الشخص الذي يغار عليكي؟
المسلم اصلا غيور وبعدين الغيره المعقوله بيتبن مقدار حبه

15\هل حبيتي من قبل وهل انتي مزاجية؟
حبيت خطيبى ومش مزاجيه

16\ايهما اهون عندك ان يقال لك زوجك مات--ام تزوج عليكي؟
فيتــــــــو

17\هل تصدقي شاب قال لكي احبك؟
لا طول عمرى مش بهتم بالكلام ده

18\هل بتحبي تتكلمي مع اصحابك عن مغامراتك العاطفية ؟
مع حد قريب منى اوووى ممكن

19\تعتقدي ان الخيانة الزوجية تقضي علي الزواج؟
دى تقضى على روح الحياه فى قلب الزوجه او الزوج فكيف لا تقضى على الزواج
اكيد هى بتقضى عليه بالتدريج


اسئلة عامة

1\اغنية بتفكرك بزماااان؟
انتى اللى عملتى لكل شباب الدنيا قلق
بتفكرنى بصحباتى فى الجامعه

2\ماهي شخصيتك؟والعيب الي تتمني تتخلص منة في شخصيتك؟
بنت بسيطه جدا بحاول اكون احسن
نفسى اتخلص من العناد

3\اكتر فيلم اتفرجت علية وعجبك؟والممثل والممثلة الي عجبوك فية؟
يمكن اشاعه حب سعاد حسنى وعمر الشريف

4\اكتر اغنية عجبتك واكتب جزء منها؟ ولمين تهديها؟
اغنيه حسين الجسمى:

ياريتنى يارب عشت زمان
فى عصر الفرحه والقرآن
رسول الله أصلى وراه
ويدعيلى فى كل أدان

5\اكتر مسلسل عجبك؟
الضوء الشارد

6\في حياتك والناس المحيطين بيك اية اكتر قصة حب عجبتك ونفسك تعيش زيها؟
بصراحه انا بحس ان كل واحد له ظروفه
وعامه قصتى انا راضيه بيها بحلوها ومرها
ومافكرتش اعيش قصة حد تانى

7\هدية نفسك تجيلك؟
رضا ربنا ومحبة الناس


كفاااية عليكو كدة
بس نجاوب بصراحة
وانتظروا اول عضو او عضوه

ليا طلب بقى عندك
عاوزه نضاره ضرووووووووووووووورى
واكيد انت عارف ليه
ارجو ان اجاباتى ماتكونش تقيله
وبجد شكراااااااااااا على الموضوع الجميل ده

[طيور الجنه]

لالالالا ده سر
هنعلن عنه قريب
نورتينا ف التوبيك ويارب تنورينى دايما كده

انا اهو مستنيه اشوف الضحيه الجديده

[قطره ندي]

اجاباتك رائعه يا سمسومه ربنا يوفئك يارب

[قطره ندي]

تسلمي يا اميره ربنا يتمم لك بخير يارب

[ابو تريكه]

طبعا توبيك هايل واسئله اكتر من ممتازه

ميرسى يا محمد ع التوبيك الجامد ده

كمان اجابات اسماء واميره حاجه تفرح


هو التوبيك ده للبنات وبس

[Ṃỏ7äṃΣď Ụ-ĐęṾĭ Ĺş]

كان الله في عونك ياأسماء بس بصراحه موضوع جميل جدا تسلم يا محمد
تقبلا تحياتي
لكما خالص ودي وتقديري واحترامي

شكرا ليك اخى الكريم ع مرورك الطيب
وتابع معنا
اجابات اميره بلا وطن ف صفحه 4

[Ṃỏ7äṃΣď Ụ-ĐęṾĭ Ĺş]

موضوع جامد يا محمد والله
وربنايكون فى عونك يا اسماء وشكلك عندك صبر من هنا للصين
واسئله رائعه يا محمد ودومة متميز

شكرا ليك احمد
نورتنى ويا رب دايما منورنى
تابع معانا
اجابات اميره بلا وطن ف صفحه 4