لو سمحتوا ممكن تتدخلوا

**قطره ندي** · 27 - 8 - 2010, 09:19 AM

=
بسم الله الرحمن الرحيم
عمركم فكرتوا فى يوم اية معنى الاذان واية الهدف منة
انا عارفة ان فية حد هناك على الكمبيوتر البعيد دة هيقولي
طبعا عشان يعرفنا بميعاد الصلاة عشان نقوم نصلى
برافو عليك صح
لكن لية بيبتدى بكلمة الله اكبر
كان ممكن يكون اى كلام تانى
الاذان يا جماعة بيقولكم انتوا دلوقتى على ميعاد مع الله سبحانة وتعالى
مستنيكم ترحولوا عشان يقبلكم
مستنيكم تقفوا قدامة عشان يبصلكم
مستنيكم ترفعوا ايدكم تدعولوا عشان يجيب سؤلكم
حاسين يا فتوكات بالمعنى
انا والله وانا بكتب الكلام دة دموعى بتنزل
عايزكم تجولوا عايزكم تسالوة عايزكم تقربوا منة
انا واللهى بستغرب على اصحاب المناصب لما تطلب منهم مقابلة يحددلك ميعاد بعد اسبوع او اكتر
ولما تبقى عايزة تحجزى عند دكتور مشهور تستنى دورك بالشهر واكتر وتبقى مستنية المقابلة او الحجز على نار وتجهزى فى اليوم دة عشان المقابلة دى
وربنا سبحانة وتعالى ولة المثل الاعلى
محددلنا ميعاد معاة كل يوم 5 مرات
بيقولك يا عبدى اسالنى وادعونى واطلب منى وهو القادر على كل شئ
ورغم كدة مكسلين او مشغولين نرحلة
حاستى معايا بمعنى الاذان
حاسيتى ازاى ربنا بيحددك ميعاد انك تقبلية
سالتى نفسك كم مرة
اخلفتى الميعاد
كم مرة نداكى وملبتيش النداء
ياريت تشعروا معايا بالاحساس
عشان اول خطوة تشعروا وتحسوا
ياريت تحسوا معايا بالكلام دة وكل واحد يدخل يقولي هى حاسس باية

اتركم فى رعاية الله

»

**اميره بلا وطن** · 27 - 8 - 2010, 10:33 AM

حبيبتى
موضوع جميل جداااااااا
والله فعلا الاذان لما بيبتدى ب الله اكبر يعنى ربنا اكبر واحسن من اى حاجه ممكن تشغلك عنه دلوقتى
وفعلا والله الواحد بيحس براحه لما بيسمع الاذان ده
ياريت ربنا يقبل صلاتنا ويهدى اى حد مش بيصلى
ويغفرلنا ويرحمنا
حبيبتى
جزاك الله خيرا