ايهما اصعب الفراق ام الخيانة ام الجرح ...

[romancicoel7opelgamel]

السلام عليكم ورحمتة وبركاتة ..


ايهما اصعب ؟الفراق ام الخيانة ام ..؟


ماذا تفعل عندما يبتعد عنك اعز الناس


عندما يبتعد عنك اعز الناس ويتركك تائها وحيدا ليس لك طريق تسلكه..

عندما تبحث عن شخص واحد يفهمك وتفهمه ولا تجد
في هذا الزمان من يمد لك يد العون..

عندما تجدالجميع بعيدين عنك حتى الشخص الذي صادقته وتقبلته..

عندما تصادق وتعز شخص ما....وتصدم في صداقتك له...

عندما يواجهك مأاازق او مشكله ما..فلا تجد اعز الناس الى جانبك

عندما تفقد الامل في الجميع..

عندما تجد نفسك وحيدا وانت في اشد الحاجه لمن يساندك فماذا تفعل ..؟؟

شعور قد يكون مره به الجميع

و تعيش بدون ان تشعر بطعم الحياه

لاادري ايهما اصعب ؟

فقدان العزيز او خيانته او جرحه!!


الفراق اصعب الاشياء عندما تنحرم من شخص اصبح كل شىء

في حياتك اصبحت روحه ساكنة بداخلك ودمه اصبح يجري في عروقك ..

الفراق قد يكون صعباً كثيرا لكن نعيشه هذه الايام بكثره

بسبب الهجره الزائده للبحث عن لقمه العيش فيفترق الكثير

سواء كانوا احبابا ام اصحابا

فالفراق اهون من ان يخونك شخص اتمنته او عزيته كثيرا

وكنت تكن له كل المحبه والاحترام والتقيدر

وايضا نفس الحال مع من جرحك جرح في الصميم ولم تكن تتصور منه

كل هذا رغم انك كنت تحبه كثيرا

اخي الكريم

من رائيي ان الخيانه و صعب جدا لانهما يؤثران في النفس

كثيرا لكن من فارقته قد تجمعكم الحياه من جديد باذن الله

اخي الكريم اشكر شخصك الكريم على الاختيار الموفق

والنقل الرائع

وفي انتضار كل ماهو جديد من شخصك وقلمك المعطاء

[دموع الاقمر]

بصي يا قمر انتى لو جيتى تعرفي هتلاقي انهم اصعب من بعض بس كلة بيادى للفراق ياعنى خيانة او جرح او اى عذاب فاكيد هيادى للفراق وبجد انا مريت بيهم الحمد لله ياعنى المهم موضوعك جامد جدااااااا تسلمى

[عفريتـــة هانم]

حــــلو سؤالـــك اوى
بس انا عنـــدى يهـــون اى حـــــاجه الا وجـــع الخيـــانه
يعنى هتجرح مش مشكــله هيكون جرح اصعب من جرح الخيانه ؟
هنتفارق مش مشكل،،،ه فارقنى احسن ماتبقى جنبى وتخونـــى يعنى معايا ومش معايا
بجد انا بالنسبالى اى حـــاجه تهون لانى بقدر اتحكم فى مشاعرى وبقدر اقف على رجلى تانى
الا الخيـــانه ( بتكسرنـــــــــــى)

تسلم ايدك موضوع جميـــــل واٌسفه للاٌطاله

[romancicoel7opelgamel]

انا بجد متشكر على الرودود الجميله دى وعايز ااقول ملحظه لدموع القمر واقولها انى ولد واسمى محمد مش بنت اوكيشن وعايز اقول لعفريته هانم انى بفرح جدا لما حد يعددل فى مواضيعى زيك كدا لانى لو محدش عدلى هتغر وهقول فى نفسى ان موضوع جميل ومحدش عنده اى اعتراض انا متشكر مره تانيه وتلته كمان واقولكوا كل سنه وانتوا بخيرووو على طول ورمضان كريمووو عليكووا يارب وتسلموا على الرودود الجميله دى

[آية الرحمن]

اولا بشكرك على الموضوع الرائع
اما بالنسبة للتلاتة فهما اصعب من بعض
بس انا عندى الفراق اهون بكتير من كل دا
لان اصلا فى الاخر كل دا بيأدى للفراق
لكن هتعب قبل ما فارق لكن الفراق
هفارق علطول والجرح بيبقى صعب اوى
وممكن متقدرش تداوية والخيانة فدى اصعب شئ فى
الحياة مستحيل استحملها وفى الاخر هفارق
يبقى اهون عليا افارق قبل ما اتعب من جرح او خيانة

[آية الرحمن]

ملحوظة هامة يا محمد ياريت
تراجع قوانين المنتدى لانها بتمنع اى
شاب يقول الى فتاة ياقمر او يا جميل وما شابة والعكس صحيح
معلش بلاش تقولها تانى

[romancicoel7opelgamel]

انا اسف بس بحب احسن من الأدامى عشان ميزعلشى منى واسف لاى حد قلتله كدا وشكرا على ردك جدا وفى التعليق الاولانى كل واحد واختياره انتى ممن تختارى الفراق واحد تانى يختار الخيانه وغيره كلها وجهة نظرى ؟؟؟؟؟؟؟؟؟؟

[دموع الاقمر]

اسفة يا محمد والله مش اقصد ومش خادت بالى خالص ياريت تقبل اسفي بجد اسفة

[romancicoel7opelgamel]

ولا يهمك انا مش متعود انى ازعل من حد ولا حد يزعل منى

[حب العمر]

انا من رايى ان الفراق اصعب ما يكون وانا خايفة منه جدا جدا لانى همر باللحظة دى قريب قريب اوى كمان لانى للاسف حبيت شخص جدا جدا جدا حسيت معاه كل حاجة حلوة بجد حسيت لاول مرة ان حياتى ليها معنى حبيت الدنيا وياه بس للاسف كان اختيار خاطىء وليس فى محله عشان كده مش عارفة انا هسيبه ازاى واللحظة دى هتعدى على ازاى وانا اسفة على الاطالة ونيس توبيك