المشاركة الأصلية كتبت بواسطة ابو تريكه
رد مع اقتباس
اعضاء مصراوى كافيه
الجسد بلا اعضاء يصبح معاق
ومصراوى كافيه بنا تسمو وتصل الى القمه التالق باذن الله
موضوعنا الان يوميات مصراوى كافيه
تقوم الفكره على اساس هام
اهميه مصراوى كافيه فى حياه الاعضاء وما هى طموحات الاعضاء لنرقى بمنتدانا
"مصراوى كافيه"
فى البداية ....
السلام عليكم
أنا عاوز أقدم رسالة شكر لحضرتك
على الموضوع دا أنا على فكرة و بجد
أول مرة أدخل على التوبيك دا كانت النهاردة
و قبل مامشى من الشغل و أفاجأ بعد ما كتبت
تعليقى إن اسمى موجود ضمن المستضيفين
شكرا أسماء و كل سنة و حضرتك طيبة
- والان سنقوم باختيار عضو يلى الاخر
وعليه ان يلتزم بالاتى:_
اولا : عرفنا بنفسك
الاسم:
أنا اسمى على فاروق
المهنه:
أنا دلوقتى طالب فى الفرقة الثالثة
بكلية التربية النوعية بجامعة جنوب الوادى
و لكن دا ميمنعنيش إنى أكون فى الأجازة
بدور على وظيفة و الحمد لله أنا اشتغلت
لقبك فى منتدانا:
هوا تقريبا ناس قليلة بس
تعرف إن أنا على و لكن أنا مليش أى ألقاب
فى المنتدى خالص
الاسم المستعار فى منتدانا:
أنا مبدخلش بأى أسماء مستعارة
لكن لما حد بيسألنى عن اسمى بقولهوله
ثانيا:الاسئله
(1) ماذا اخذ مصراوى كافيه من وقتك ؟
هتصدقينى يا أسماء لو قلت لحضرتك
إن إخويا عمر هوا الى كان ليه الفضل
فى إنه يعرفنى على المنتدى ..هوا بجد
مكنش يقصد خالص ..دا حتى هوا مش مسجل معانا
لكن ممكن تكون غلطة .. وأنا كنت معاه و شوفت
المنتدى لثوانى و الله و أقسم بالله .. وربنا هيحاسبنى على اليمين
و اتعلقت بيه من اسمه ...و من شكله اللى فات الكلام دا كان من فترة طويلة
ممكن تكون سنة أو أكتر ...و بعد ما مشى أخويا
كل الللى منت فاكره كلمة مصراوى كافيه
فدخلت على جوجل وكتبتها ... وبالفعل كانت لحظات قصيرة
و كنت فى المنتدى ..وبالفعل سجلت و ابتديت أتفاعل مع الأعضاء
كان أكتر عضو كنت بحب أشوفه على مواضيعي طيف عابر
ربنا يرحمها .......
يااااااااه
واضح إن أنا رغيت كتيييييييييير
أسف
اعطى نسبه ووجوده تفصيليا
فى أول أيام اشتراكى بالمنتدى كنت باقعد قصاده
7 ساعات كل يوم ...أنا فاكر بجد ..يعنى تقريبا من
الساعة 3 العصر لغاية صلاة المغرب ...و بعدين من الساعة 12 بالليل
لغاية الساعة 3 وكل يوم كده...طيب هتصدقينى لو قلت لحضرتك
أنا كنت بنام و أنا باحلم بتعليقات الأعضاء ..بنام و أنا بفكر
يا ترى ايه اللى هيحصل بكرة ...كنت بشتاق للمنتدى
لما مبدخلش عليه يوم واحد ..أو لما أتاخر فى يوم
كنت باحكى لوالدى على كل اللى بيحصل و على فمرة لغاية دلوقتى
هوا بيسألنى عن المنتدى و أخبار الناس اللى فيه
(2) رساله تتمنى ان توجهها الى ا. على مدكور
يارب ربنا يوفقه فى الدنيا و الأخرة و يبارك له
لأنه ليه فضل كبير عليا ...ربنا يحفظه يا رب
أنا مش هتكلم عن حاجة شخصية ...لكن
كفاية أنه عرفنى على أحلى اصحاب عرفتهم
و مش هعرف زيهم تانى
(3) رساله توجهها الى الاعضاء المفتقدين؟
لو كانوا نسوا المنتدى ....و أصحابهم اللى هنا
فالأولى أنى أنا كمان انساهم ...أما لو كانت الظروف مش مساعداهم
فيارب يرجعوا بالسلامة
(4) رساله توجهها الى الاعضاء الجدد؟
ياريت نقرا القوانين كويس
ياريت نلتزم فى التعليقات و
فى عرض المواضيع ...
(5) رساله توجهها الى الاعضاء المسجلين وليس لهم وجود فعلى فى منتدانا؟
هنقول ايه ....أتمنى نعيد النظر من تانى
فى كل خطوة بنعملها .....
(6) هل لديك موهبه فى حياتك العامه من رسم..وتاليف..شعر..القدره على فتح مواضيع هامه......الخ
(نعم\لا)
أه أنا بحب الشعر جدا
باعشق كلمات جويده
كان ليا بعض القصائد
لكن أنا بحب ألقى الشعر
ثالثا : الطلبات
(1) اقتراح تود ان يكون فى منتدانا ...حدثنا عنه؟
ياريت يكون فيه تفاعل أكتر بين الأعضاء
بلاش مواضيع سطحية
عاوزين ساحات حوار و نقاش
(2) اذا كنت موهوب فى شئ ما ما هو؟........
أنا بحب إلقاء الشعر
اذا كنت شاعر....سجل قصيده
أنا لست بشاعر .....
ولكنى أقرأ الشعر
اذا كنت رسام ...سجل لوحه لمنتدانا
أجمل اللوحات تلك التى ترسمها الكلمات
و أجمل ما رأيت من اللوحات كانت هنا معكم
و بكم ...أكرر اعجابى بموضوعكم ...
اذا كان لديك القدره على فتح لغه حوار ....قم بعمل موضوع لنا الان ونكن من ضمن قرائك
...........................الخ
مواضيع الحوار كثيرة جدا يا أسماء
الحجاب ...
العلمانية
الإسلام فى عيون الغرب
محمد صلى الله عليه و سلم فى عيون الغرب
و غيره
والى الان انتهى حوارنا ولكم منا كل الاحترام والتقدير
أسماء ....
أنتم تسألون
و أن أكرر إجابى بحروفكم
طبتم و طاب مسراكم
حفظكم الله و رعاكم
قهوتنا على الانترنت
