رد مع اقتباس
المشاركة الأصلية كتبت بواسطة اسلامى حياتى
اعضاء مصراوى كافيه
الجسد بلا اعضاء يصبح معاق
ومصراوى كافيه بنا تسمو وتصل الى القمه التالق باذن الله
موضوعنا الان يوميات مصراوى كافيه
تقوم الفكره على اساس هام
اهميه مصراوى كافيه فى حياه الاعضاء وما هى طموحات الاعضاء لنرقى بمنتدانا
"مصراوى كافيه"
بسم الله الرحمن الرحيم
- والان سنقوم باختيار عضو يلى الاخر
وعليه ان يلتزم بالاتى:_
اولا : عرفنا بنفسك
الاسم:
أميره
المهنه:
حديثه التخرج من اداب انجلش
لسه مااشتغلتش
لقبك فى منتدانا:
نجم مصراوى
لو ده المقصود يعنى
الاسم المستعار فى منتدانا:
اميره بلا وطن
ثانيا:الاسئله
امممممممممم
اوك
(1) ماذا اخذ مصراوى كافيه من وقتك ؟
مصراوى خد وقتى وراضيه
وبزعل لما اكون محتاجه أتكلم ومش فاضيه
بخلص شغلى فى ثوانى
وأرجع للكافيه تانى
ولو يقولولى امشى بعيد تكون ضربه وأكيد قاضيه
اعطى نسبه ووجوده تفصيليا
90 فى الميه إديته
ولو أملك أعيش دايما أنا ف بيته
دا مصراوى وانا موافقه
لإنى بجد حبيته
(2) رساله تتمنى ان توجهها الى ا. على مدكور
ياجامع كل حبايبنا فى بيت واحد
ومنتدى...هيفضل للأبد جامد
ربى يقويك ياأستاذنا
وتبقى فى وسطنا صامد
(3) رساله توجهها الى الاعضاء المفتقدين؟
مكانكم فين ياريت أعرف أعاتبكم
تسيبوا البيت وتنسونا وكنا ف يوم حبايبكم
طب طمنونا على الغيبه
ومتعــــــونا من تانى بمواهبكم
(4) رساله توجهها الى الاعضاء الجدد؟
اهلا وسهلا نورتونا ياجماعه
ورونا يلا كلامكو الحلو ببراعه
نحب الوقت ويا كلامكو يسرقنا
ونقعد نقرى في اليوم يجى كام ساعه
(5) رساله توجهها الى الاعضاء المسجلين وليس لهم وجود فعلى فى منتدانا؟
وجودك فين ياعايش وسطنا ساهى
نصيحه بقولها مش آمر ومش ناهى
نشاطك يبنى شخصيه
ويسعدنا.. بجد بجد والله
(6) هل لديك موهبه فى حياتك العامه من رسم..وتاليف..شعر..القدره على فتح مواضيع هامه......الخ
(نعم\لا)
الحمد لله
نعم
ثالثا : الطلبات
(1) اقتراح تد ان يكون فى منتدانا ...حدثنا عنه؟
انا اقتراحى الحلو كله يشجعه
ساعتها ولا قوة فى الكون تمنعه
انه يطور ويجدد
مادام فى حد هيسمعه
(2) اذا كنت موهوب فى شئ ما ما هو؟........
الشعر فى حياتى بدايه
أسلوبى لو أحكى حكايه
بحبه بجد من قلبى
مادام دا عشقى وهوايا
اذا كنت شاعر....سجل قصيده
بحب الناس وبعشق صدق وأمانه
واموت لو حد فكر قلبى بخيانه
مادام الحب فى قلوبنا هنتحسن
ونهزم كل شئ خاننا وبكّانا
وليه نكره وليه نجرح ونتخاصم
نخلى الفرح وقت الفرح فى مواسم
وطول الوقت ليه نزعل
وواخدينه قرار حاسم
دا بعد الحب والإخلاص مفيش تانى
يزيل الكره من جوانا فى ثوانى
وترجع صافيه أيامنا
لانزعل من حبيب لينا ولا نعانى
اذا كنت رسام ...سجل لوحه لمنتدانا
هسيب الرسم للى سبق ودبسنى
مادام رسام بموهبته يحسسنى
ويرسم لوحه خرافيه
فى دايرة شكى تحبسنى
اذا كان لديك القدره على فتح لغه حوار ....قم بعمل موضوع لنا الان ونكن من ضمن قرائك
...........................الخ
شباب اليوم وبكره وبعده جابونى
لغتنا الحلوه ليه ضاعت وسبناها وسبتونى
اكلم نفسى واسألها
نفضّل ليه لغة غيرنا ونقبلها
لغة قرآننا بتنادى :ياغاليين امتى تحيونى
وقرآننا بيسألنا حبايب ليه هجرتونى ؟؟
عشان خاطرى تجاوبونى
والى الان انتهى حوارنا ولكم منا كل الاحترام والتقدير
حوار جميل... وفكره جميله ياسمسم
من الاول وانا بتمنى اتكلم
فتحتى حوار يفرحنا
وادينا معاكى ياحبيبة بنتعلم
وفى انتظار اختيار ضيوفنا
ولا عذر عند عدم الاجابه
لابد مناالاجابه على جميع الاسئله وتحقيق كافه الطلبات
يارب اكون حققت كل الطلبات
شكرا ياقمر
قهوتنا على الانترنت
